SOCAR "Azəriqaz" İstehsalat Birliyində baş verən neqativ olaylarla bağlı davamlı şəkildə oxucularımızı məlumatlandırırq. Bu dəfə isə sözügedən qurumun işçilırəindən biri - Samir Feziyev olduqca ilginc faktları təqdim edir. "Dia-az" olaraq həmin açıqlamanı təqdim edirik:


"SOCAR "Azəriqaz" rəhbərliyi bütün region rəislərinə aylıq hesab qoyub. Həmin hesab qurumun direktor müavini Nail Abdullayev tərəfindən müəyyən olunub. Bir neçə gün olar ki, Nail Abdullayev Naxçıvan qaz istismar idarəsinin işçiləri ilə görüşüb. Həmin görüşə öz katibəsini də aparıb. Görün Nail Abdullayev özünə nə qədər arxayındır ki, bir katibəsini İstismar departamentinə rəis müavini qoyub.


Qarabag regional qaz idarəsinin rəisi isə Nail Abdullayevlə oturub restoranda yemək yeyir. Sonra isərəis Azay müəllim rayon rəislərinin hamısından 50 manatdan yığır ki, bəs "rəhbərə" qonaqlıq vermişəm...."


Müraciətin sonunda sıravi işçilər qara masqalıların nəhayətdə bu kimi məmurlara qarşı konkret addım atacaqlarına ümid etdiklərini də fiadə ediblər.


Dia-az

Yüksək qiymətlərə baxmayaraq, təqdim olunan xidmət və yeməklərin keyfiyyəti gözləntiləri doğrultmayıb. Sifariş edilən bəzi yeməklər əvvəlcədən xəbərdarlıq edilmədən başqa məhsullarla əvəz olunub.

Bu barədə "Müştəriyəm Şikayətim Var" səhifəsində "Kəndimiz Mərdəkan" restoranındakı xidmətdən narazı qalan şikayətçi yazıb.

“Bir çox hallarda ofisiant yeməyi masaya gətirəndə deyirdi ki, sifariş etdiyiniz məhsul yox idi, ona görə əvəzinə bunu gətirdik. Bu isə bizimlə məsləhətləşmədən edilirdi”, – deyə paylaşımda qeyd olunur.

Müştəri həmçinin tortun kəsilməsi üçün təqdim edilən bıçağın çirkli və ət qoxulu olduğunu iddia edib. Onun sözlərinə görə, iki dəfə təmiz bıçaq tələb olunsa da, problem aradan qaldırılmayıb və nəticədə qonaqlar özləri bıçaq tapmaq məcburiyyətində qalıblar.

Narazılıq yaradan əsas məqamlardan biri də hesab təqdim edilərkən tətbiq olunan qiymətlər olub. İddiaya görə, menyuda birgə göstərilən tərəvəz assortisi ayrı-ayrılıqda hesablanıb.

Paylaşım müəllifi bildirir ki, bir ədəd xiyar 3 manata, pomidor 4 manata, soğan isə 1 manata hesablanıb. Bundan əlavə, pomidor-yumurta yeməyinə əlavə edilən bibərin ayrıca “bibər kababı” kimi qiymətləndirildiyi iddia olunur.

Müştərinin fikrincə, restoranlarda yüksək qiymətlərin keyfiyyətli xidmət və dadlı yeməklərlə müşayiət olunması vacibdir. O qeyd edib ki, təqdim edilən yeməklərin dadı da gözləntiləri qarşılamayıb.

Qeyd edək ki, paylaşım sosial şəbəkədə müzakirələrə səbəb olub. Qarşı tərəfin məsələ ilə bağlı mövqeyi hələlik məlum deyil. (Bizimesr.com)

Restoranın cavabı olduğu təqdirdə, onu da dərc etməyə hazırıq.

Azərbaycanda bəzi dövlət qurumlarının taleyi heç cür sabitlik tapmır. Xüsusilə söhbət təhsil sektorundan gedəndə bu problem daha qabarıq görünür. Çünki təhsil təkcə bir sahə deyil, gələcəyi formalaşdıran strateji istiqamətdir. Bu baxımdan Elm və Təhsil Nazirliyinin Peşə Təhsili üzrə Dövlət Agentliyində baş verən proseslər təkcə bir qurumun daxili işi deyil, ölkənin əmək bazarının və iqtisadi inkişafının gələcəyi ilə birbaşa əlaqəlidir. Dövlətin son illərdə peşə təhsilinə ayırdığı milyonlarla manat investisiya, həyata keçirilən islahatlar və infrastruktur layihələri fonunda idarəetmə ilə bağlı ortaya çıxan neqativlər ortaya ciddi problemlər çıxarıb.
Unudulmuş sahədən strateji istiqamətə
Azərbaycanda peşə təhsili sistemi uzun illər diqqətdən kənarda qalmışdı. Köhnəlmiş infrastruktur, zəif maddi baza, əmək bazarının tələblərinə cavab verməyən ixtisaslar və idarəetmə problemləri bu sahəni faktiki olaraq tənəzzül vəziyyətinə salmışdı. Lakin son on ildə vəziyyət dəyişməyə başladı. Dövlət tərəfindən peşə təhsilinin inkişafına böyük həcmdə maliyyə vəsaiti ayrıldı, yeni peşə təhsil mərkəzləri yaradıldı, mövcud müəssisələr əsaslı təmir olundu, müasir avadanlıqlar alındı və beynəlxalq təcrübənin tətbiqinə başlanıldı. Nəticədə gənclərin peşə təhsilinə marağı da artdı.
Bununla belə, görünən odur ki, maddi-texniki bazanın yenilənməsi idarəetmə problemlərini tam aradan qaldırmayıb.
Peşə Təhsili üzrə Dövlət Agentliyinin rəhbərliyi son illərdə bir neçə dəfə dəyişib. Son beş il ərzində Agentliyə ard-arda yeni rəhbərlərin təyin olunması sistemdə uzunmüddətli və dayanıqlı idarəetmə modelinin formalaşmasına imkan verməyib.
Peşə təhsili sahəsində çalışan şəxslərin fikrincə, əvvəlki rəhbərlik dövründə, əsasən Ceyhun Kərəmovun direktorluğu zamanı həyata keçirilən bəzi kadr siyasəti, qərarları bu gün də sistemə təsir göstərməkdə davam edir. İddialara görə, peşə təhsili sahəsində kifayət qədər təcrübəsi olmayan şəxslərin rəhbər vəzifələrə gətirilməsi idarəetmədə əlavə çətinliklər yaradıb. Bir yandan da hazırkı direktor İlqar Bayramlının məhz belə kadrlara üstünlük verməsi vəziyyəti daha da ağırlaşdırıb. Hazırda aylardır Agentliyə İlqar Bayramlı direktor təyin edilib. Lakin təyinatdan müəyyən vaxt keçməsinə baxmayaraq, peşə təhsili sahəsində nəinki fundamental dəyişikliklərin hiss olunduğu, əksinə ciddi geriləmələrin ciddi şəkildə özünü göstərməsi müşahidə olunduğu iddia edilir.

Peşə təhsili spesifik sahədir və onun effektiv idarə olunması üçün təkcə inzibati idarəçilik deyil, həm də sahə üzrə dərin peşə bilikləri vacibdir. İlqar Bayramlı isə Peşə təhsili sistemində yenidir və bu da özünün ciddi fəsadlarını göstərir.
Bizimesr.com-a daxil olan məlumatlara görə, Agentlik daxilində aylardır kadr siyasəti və səlahiyyət bölgüsü ilə bağlı açıq mübarizə gedir. Mənbələrin bildirdiyinə görə, İlqar Bayramlı bütün səlahiyyətləri həmyerlisi olan İnsan resursları və hüquq sektoru müdiri Murad Məmmədova həvalə edib. Məhz bu addım bütün peşə təhsili sisteminə ciddi təsirlər göstərməyə başlayıb. Bu sahədə o qədər də təcrübəyə malik olmayan Murad Məmmədovun qərarlarını icra etməyin mümkünsüzə çevirilib.
İddia olunur ki, İlqar Bayramlının tapşırığı ilə heç bir Peşə Təhsili Mərkəzi rəhbəri və ya Peşə məktəbinin direktoru Murad Məmmədovun icazəsi olmadan addım ata bilməz və bu mütləq icazə ilə edilməlidir. Agentliyin tabeliyindəki Mərkəzlərin və məktəblərin direktorları Murad Məmmədovun icazəsi olmadan bir xadiməni işdən çıxara və işə qəbul edə bilməz. Murad Məmmədovun imzası olmadan İlqar Bayramlı belə qərar verə bilməz (?)... 

Bir sözlə, İlqar Bayramlının həmyerlisi, sıradan bir sektor müdiri Murad Məmmədova verdiyi bu səlahiyyətlər bütün peşə strukturuna təsirsiz ötüşmür. 
Məlumata görə, bəzi peşə təhsil mərkəzlərinin rəhbərləri verilən tapşırıqların normativ sənədlərlə uzlaşmadığını və onların icrasında çətinliklər yarandığı bildirilir. Agentlik daxilində formalaşdığı iddia edilən qeyri-rəsmi təsir mexanizmləri idarəetmə proseslərini mürəkkəbləşdirir və qərarların qəbulunda əlavə gərginlik yaradır.
İddia olunur ki, Agentlik daxilində təsir imkanları ilə adı hallandırılan şəxslərin fəaliyyət dairəsi təkcə inzibati qərarlarla məhdudlaşmır. 

İnsan resursları və hüquq sektorunun müdiri Murad Məmmədovun 2026–2030-cu illəri əhatə edən və müasir standartlara cavab verən 21 peşə təhsili müəssisəsinin tikintisi və yenidən qurulmasını nəzərdə tutan layihələrə münasibətdə də müəyyən təsir cəhdlərinin olduğu iddia edilir.  

Həmçinin Agentlik tərəfindən həyata keçirilən bütün layihələrin, daxili razılaşdırma mexanizmlərinin və qərarların müəyyən rəhbər şəxslərin mövqeyi nəzərə alınmadan irəliləməsinin çətin olduğu barədə qurum daxilində fikirlər mövcuddur. Eyni zamanda, qeyd edilir ki, İlqar Bayramlı öz həmyerlisi Murad Məmmədovu yaxın günlərdə daha yüksək vəzifələrə, o cümlədən direktor müavini vəzifəsinə təyin etdirə bilər.

Daha bir ciddi məsələ isə bir aydan sonra keçiriləcək müəllim və istehsalat təlimi ustalarının işə qəbulu imtahanları ilə bağlıdır. Bildiyimiz kimi, Peşə Agentliyinin keçirdiyi imtahanlar, işə qəbul prosesi uzun illərdir ciddi problemlər və narazılıqla yadda qalır. Hətta sənədlərin qəbulu prosesi belə qarışıq qərarlarla həyata keçirilir və bu da saysız şikayətlərlə nəticələnir. Agentlıik illərdir bu problemi aradan qaldıra bilmir. Agentliyə üz tutan, hansısa problemini araşdırmaq istəyən şəxslər də Murad Məmmədova yönləndirilir və onların problemi həll olunmur. Peşə təhsili müəssisələrinə müqavilə ilə işə qəbul prosessinə də Murad Məmmədovun nəzarət və diqtə etdiyi iddia olunur. Peşə Mərkəzlərinin direktorları müqavilə ilə işə qəbulun aparılmasını, qərarların verilməsini məhz Agentlıikdən gələn tapşırıqla əlaqələndirirlər.
İmtahanlardan yüksək bal toplayan, müsahibələrdən keçən, amma işə qəbul ala bilməyən şəxslərin müraciətləri də Murad Məmmədova yönləndirilir və nəticəsiz qalır. Ötən il onlarla şikayət Murad Məmmədovun rəhbəri olduğu İnsan resursları və hüquq sektoruna ünvanlansa da, heç biri həllini tapmayıb. Şikayətçilərlə telefon əlaqə saxlayan Murad Məmmədov onlara yalnız "araşdırılacaq" cavabını verərək, vaxt qazanır.
 
Bütün bunların fonunda ən maraqlı nüanslardan biri direktor (?) İlqar Bayramlının idarəetmə sistemində davam edən qəribə yeniliyidir. Agentliyin strukturunda vəzifəli şəxslərin konkret tabeliliyi açıq göstərilir. Agentlik direktoru və iki müavin. 

Müavinlər Agentliyin direktoruna, şöbə müdirləri müavinlərə, sektor müdirləri də şöbə müdirlərinə tabeli şəkildə fəaliyyət göstərməlidir.  Amma İlqar Bayramlı bu sxemi Murad Məmmədov naminə pozub və bütün Agentliyin müavin, şöbə müdirləri və sektor rəhbərlərini İnsan resursları və hüquq sektorunun müdiri Murad Məmmədovun nəzarətinə verib.  Maraqlıdır, görəsən İlqar bayramlı Peşə Təhsili üzrə Dövlət Agentliyinin əsasnaməsini oxuyubmu?
Xatırladaq! Peşə Təhsili üzrə Dövlət Agentliyinin əsasnaməsinin - 5. Agentliyin fəaliyyətinin təşkili bölməsində yazılır...
5.4. Agentlik direktorunun müavinləri vəzifə bölgüsünə uyğun olaraq fəaliyyət göstərirlər və onlara həvalə edilmiş vəzifələrin yerinə yetirilməsinə görə şəxsən məsuliyyət daşıyırlar.

Beləliklə, Elm və Təhsil naziri Emin Əmrullayevə bir sorğu ünvanlamaq üçün əsl səbəb var...

Peşə Təhsili üzrə Dövlət Agentliyinə direktor İlqar Bayramlını təyin etmisiz, yoxsa Murad Məmmədovu? Əgər elədirsə, bəs iki müavin, şöbə müdirləri, sektor rəhbərləri kimə lazımdır? 

Bizimesr.com

"Şikayətim Əhmədlidə Neapol küçəsi 142 ünvanında... ,,kruqun,, düz yanındakı "MEGASTORE" hipermarketdəndir...." "Dia-az" xəbər verir ki, bu barədə Günay Tağızadə adlı sosoal şəbəkə istfiadəçisi öz postunda gileylənir.
Narazı vətəndaş daha sonra başına gələnləri belə nqəl edir: "Dəfələrlə yarı yeyilmiş xurma qutuları, alt hissəsi cırılmış paketli məhsulları... necə deyərlər, abrımıza qısıldığımızdan bizə sata biliblər. Hətta 6 ay marketin özünə məxsus bonus kartını qeydiyata salmışıq deyə... müştərini aldadıb səs çıxanda qeydiyyata salıblar. Səhv bizdə olub ki, vaxtında səs etməmişik.
14 iyun tarixində saat 17:18-17-23 aralığında kassada nümunə üçün qoyulan nəlbəki (6 dənəsinin qiyməti 2 manat) ehtiyyatsızlıqdan "paçka"nın üzərinə düşdü. "Paçka" salamatdır, bir dənə nəlbəki isə çatlaq olduğu üçün sınır. Marketə nəzarətdə olan bəy çox peşəkarcasına "paçka" nəlbəkini ,,almalısınız,, deyib dirənir. Ona qanun-qaydanı xatırladıb almayacağımı dediyim halda ,,onda mən kefim istəyəni vurum sındırım... deyim almıram?,, cavabını verir. Yüksək səslə və nə qədər adam içində....
Mən də sınan nəlbəkini götürüb qalan 5 dənəsini istəyirəm ki ödənişi edim... təki bu ,,bəy,, sussun. O isə israrla yeni paçkanı kassaya vurmağa verir. Əvəzində ,,mən qanunları bilirəm, nəlbəkilər alınacaq,, deyir. Məsələ nəlbəki deyil, yerində daha fərli qiymətə məhsul ola bilərdi. Malı alıb şikayət edəcəyimi dedikdən sonra o bəy yox olur, nəlbəkini satmaqdan vaz keçirlər.
Sırf bu ünvandakı problemlər çoxdur, indilik belə şikayət edirəm ki, xəbər həmin bəyə və işçilərə çatsın. Düzələcəklərinə ümid var. Ən azından müştəri ilə səs tonuna fikir verərək danışmağı, işlədiyi yerin adına hörmət edib aqresiyasını cilovlamağı öyrənməlidirlər..."(Dia-az)

Bakının Yasamal rayonu, II Alatava yaşayış massivində Vətən müharibəsinin şəhidi Nurlan Mustafayevin doğulduğu məhəlləyə gedən yolun asfaltın yarımçıq vurulub.

Bu barədə məhəllə sakinləri məlumat verib.

Bildirilib ki, bir müddət əvvəl onların xahişi ilə Yasamal İH rəhbəri Elşad Həsənovun göstərişi əsasında məhəlləyə asfalt vuranlar gəlib. Amma Yasamal bələdiyyəsi adından gələn şəxslər yolu yarımçıq asfaltlayıb gedib. Hətta şəhidin küçəsini belə normal asfaltlamaq istəməyiblər.

Sakinlər bildirib ki, onlar şikayət edəndə heç bir nəticəsi olmayıb. Belə görünür ki, ayrılan vəsaitdən mənimsəməyə yol verilib. Əks halda, dar bir küçənin 300 metrlik yolunu asfaltlamaq çətin olmamalı idi. Ən azından şəhidin adına hörmət qoyularaq bunu etmək olardı. Sakinlər Yasamalın icra başçısından və AAYDA rəhbərliyindən küçənin qalan hissəsinin də qısa müddətdə əsaslı şəkildə təmir olunmasını xahiş edirlər.

Qarşı tərəfi dinləməyə hazırıq.

Bakıda bəzi ərazilərdə sakinlərin günlərlə susuz qalması narazılıqlara səbəb olub. Vətəndaşlar su təchizatında yaranan problemlərlə bağlı aidiyyəti qurumların vaxtında məlumat vermədiyini bildirirlər.

Tanınmış jurnalist Naibə Qurbanova sosial şəbəkə hesabında paylaşdığı statusda Azərbaycan Dövlət Su Ehtiyatları Agentliyinin (ADSEA) fəaliyyətini tənqid edib.

Jurnalist qeyd edib ki, suyun kəsilməsi ilə bağlı vətəndaşlara əvvəlcədən məlumat verilməməsi ciddi narazılıq yaradır: “Azərbaycan Dövlət Su Ehtiyatları Agentliyi, niyə həmişə istirahət, bayram günləri xəbərdarlıqsız-filansız suyu kəsirsiniz? Zəng edib soruşmağa adam tapmayaq deyə? Onsuz da yox kimisiniz”.

Naibə Qurbanova paylaşımında su təchizatındakı problemlərin davam etməsini tənqid edərək bildirib: “Əvvəl deyirdiniz əhali supulunu ödəmir, indi ki hər şey şəffafdır – smart sayğac, seyid-peyğəmbər balası kimi təmiz başbilənləriniz, düzgün qurulmuş iş… Bəs onda iki gündür suyumuz niyə gəlmir?”

Jurnalist həmçinin qurumun vətəndaşlarla kommunikasiya siyasətinə də irad bildirib: “Heç nə yox, elə göydən tökülən yağışı yığsanız, məsələ həll olunar. Prosto, onu da bacarmırsınız… Bacardığınız səhifənizdə şərh yerini camaatın üzünə bağlamaqdır. Onu edincə suyun kəsilmə səbəbini yazsanız, daha urvatlı olarsınız”.

Qeyd edək ki, son günlər Bakının müxtəlif ərazilərində su təchizatı ilə bağlı problemlər barədə sosial şəbəkələrdə çoxsaylı şikayətlər paylaşılır. Sakinlər aidiyyəti qurumlardan suyun verilməsində yaranan fasilələrin səbəbləri və bərpa müddəti ilə bağlı operativ məlumatlandırma gözlədiklərini bildirirlər.(Xalq.online)

Qarşı tərəfin mövqeyini dərc etməyə hazırıq.

Bir direktor 2-3 məktəbə şeflik edəndə belə də olmalıdır. Başqa nə gözləyəsən?

Məzunları meyxanaçı Ələkbər Yasamallının uyudan meyxanası ilə "uğurlayan" Şəfa Qurbanova 135 nömrəlı məktəbin direktoru olsa da, həm də 244 nömrəlı məktəbin direktorluğunu ona tapşırıb nazirlik və MÜTDA başbilənləri. Bakı Şəhəri Təhsil İdarəsi şefləri də razılıq verib.
Şəfa Qurbanova o qədər arxalı direktorlardandır ki, 2 məktəbdən 1-nə düzgün rəhbərlik edə bilməsə də, ona söz deyə bilən də yoxdur.

Bir müddət əvvəl 244 nömrəlı məktəbin kollektivi və valideynlər məktəbdə adı rəhbər olsa da, özü isə gözə görünməyən Şəfa Qurbanovanın özbaşınalığına və müəllimlərlə qarşı qeyri-etik davranışlarına və tələblərinə qarşı etiraza qalxmışdılar. Təəssüf ki eşidən, araşdıran olmamışdı, həmişəki kimi. Yeni məlumata görə ikiqat direktor 244 nömrəlı məktəbin gələn dərs ili sinif rəhbəri olacaq müəllimlərinin qarşısında elə tələb qoyub ki, yazıq müəllimlər məzuniyyət pulunu tam versələr də ödəmir.

Yəqin ki, "Son zəng"i "dumanlı təbrik"ə qərq edən ikiqat direktorun bu əməlləri də Eşqi Bağırovun Təlimatını pozan Şəfa xanıma təhqirlə, hədəylə susdurmağa çalışdığı sadə müəllimlərə yaşatdığı əzabların cavab silləsi olacaq.

Şəfa xanımın mövqeyini işıqlandırmağa hazırıq. Həm də bir sual verərdik: 244 nömrəlı məktəbdən BŞTİ-yə 200 min verilməsi söhbəti nə məsələdir? Turan ellər var olsun...

Tehsilmedia.info

“Azəryaşlandşaft” ASC-də baş verənlər artıq adi idarəetmə problemi kimi görünmür. Bu qurum ətrafında dolaşan iddialar dövlətin yaşıllaşdırma siyasətinin hansı vəziyyətə düşdüyünü açıq şəkildə göstərir.

Mərkəzdə isə iki ad dayanır: Cavid Abdullayev və Vüqar Kərimov.



Cavid Abdullayevin adı son aylarda daha çox narazılıqlarda hallanır. Quruma rəhbərlik edən şəxsin sahələrə nəzarət etmədiyi, ərazilərin real durumundan xəbərsiz olduğu, iş rejiminin formal xarakter daşıdığı barədə ciddi ittihamlar mövcuddur. Dövlətin milyonlarla manat ayırdığı bir sahənin bu qədər xaotik idarə olunması isə artıq insanlarda başqa suallar yaradır.

Ən təhlükəli məqam budur ki, bu yarıtmaz vəziyyətin arxasında himayədarlıq sisteminin dayandığı iddia edilir.

Azərbaycan Respublikası ekologiya və təbii sərvətlər nazirinin müavini Vüqar Kərimovun adı məhz burada ön plana çıxır. Qurum daxilində və sahəyə yaxın çevrələrdə dolaşan iddialara görə, Cavid Abdullayevin bu posta gətirilməsi peşəkarlıq seçimi yox, şəxsi münasibətlərin nəticəsi olub. Vüqar Kərimov Cavid Abdullayevi məhz dostluq münasibətlərinə görə “Azəryaşlandşaft” ASC-nə təyin etdirib.


Heydər Əliyev Fondunun vitse-prezidenti Leyla Əliyevanın təşəbbüsü ilə əkilən zeytun bağlarına nəzarət itib orada inəklər gəzişir, dövlətin qorunmalı olan yaşıllıq sahələri isə taleyin ümidinə buraxılıb.Bu dövlət qurumları idarə olunur, yoxsa yaxın çevrələr arasında bölüşdürülür?

Yaşıllaşdırma sahəsinə cavabdeh olanlar doğrudanmı ərazilərin vəziyyətindən xəbərsizdir?

Niyə bu qədər şikayətə baxmayaraq heç kim məsuliyyət daşımır?

Xocahəsəndə yerləşən 6 saylı Yaşıllaşdırma İdarəsinin ətrafında yayılan görüntülər vəziyyətin hansı həddə olmasını bir daha sübut edir. Vaxtilə xüsusi layihə kimi təqdim olunan, zeytun ağacları ilə nümunə göstərilən ərazilərin bu gün baxımsız vəziyyətdə olduğu bildirilir.

Heydər Əliyev Fondunun vitse-prezidenti Leyla Əliyevanın təşəbbüsü ilə əkilən zeytun bağlarına nəzarət itib orada inəklər gəzişir, dövlətin qorunmalı olan yaşıllıq sahələri isə taleyin ümidinə buraxılıb.

Bir tərəfdə tribunadan “yaşıl dünya”, “ekoloji inkişaf”, “ağacəkmə layihələri” barədə danışılır, digər tərəfdə isə dövlətin yaşıllıq sahələri baxımsızlıq içində çökür.

İnsanları qəzəbləndirən də məhz budur: vəzifə kreslosunda oturanlar məsuliyyət daşımır, amma dövlətin imicinə zərbə dəyir.

Bu gün “Azəryaşlandşaft” ASC ətrafında dolaşan suallar cavabsız qaldıqca həm Cavid Abdullayevin, həm də Vüqar Kərimovun adı daha çox müzakirə olunacaq. Çünki cəmiyyət artıq şəkil çəkdirilən tədbirlərə yox, real nəticəyə baxır.

Əgər dövlətin milyonlarla manat ayrılan yaşıllıq sahəsində nəticə zeytun bağlarında otlayan inəklərdirsə, deməli, problem təkcə torpaqda deyil. Problem idarəetmənin özündədir.

Və ən təhlükəlisi budur: quruyan təkcə ağaclar olmur, dövlətə olan etimad da yavaş-yavaş quruyur.

​Paytaxt.org

Deputatı Asif Əsgərovun Nəsimi Rayon İcra Hakimiyyətinin başçısı olduğu dövrülərdə vəzifə təyinatlarında və satınalmalarda müəmmalı detallar üzə çıxıb. Məlum olub ki, A.Əsgərovun icra başçısı kimi fəaliyyət göstərdiyi 2023–2024-cü illərdə Nəsimi Rayon Mənzil Kommunal Təsərrüfatı Birliyi tərəfindən bir sıra satınalmalar həyata keçirilib.
Aparılan araşdırma göstəriib ki, Əsgərovun Nəsimi RİH başçısı olduğu dövrdə sadəcə 16 ay ərzində ümumi dəyərinin 1 milyon 401 min 076 manat 60 qəpik dəyərində tender müqaviləsi bağlanıb. Satınalmaların böyük hissəsinin eyni şirkət – “EVEREST-2022” MMC-yə verilməsi diqqət çəkən məqam kimi önə çıxıb.

2023–2024-cü illərin tender siyahısı

2023-cü il
13.09.2023 – “EVEREST-2022” MMC – Parklarda istifadə ediləcək mallar
97 355,9 AZN

“KONEKS CONSTRUCTION” MMC – Küçə və həyətyanı sahələrin asfalt örtüyü
393 174,08 AZN

“BİLGƏ QRUP” QSC – Təsərrüfat işçiləri üçün mallar
178 788,88 AZN

“EVEREST-2022” MMC – Abadlıq işləri üçün mallar
267 452,9 AZN

“EVEREST-2022” MMC – Parklar üçün mallar
74 542,96 AZN

“EVEREST-2022” MMC – Müxtəlif təyinatlı hissələr
17 310,6 AZN

“EVEREST-2022” MMC – Parklarda istifadə ediləcək mallar
25 335 AZN

Vasif Nəzir oğlu Mürşüdov – Oturacaqlar və zibil qutuları
25 335 AZN

2024-cü il
“EVEREST-2022” MMC – Həyətyanı sahələr üçün idman-əyləncə qurğuları və tullantı qutuları
276 127,08 AZN

“EVEREST-2022” MMC – Avtomobil ehtiyat hissələri
11 033 AZN

Araşdırma göstərir ki, tenderlərin böyük hissəsi – xüsusilə də abadlıq, park avadanlıqları və müxtəlif təyinatlı malların alınması üzrə müqavilələr eyni şirkət olan “EVEREST-2022” MMC ilə bağlanıb. 2023–2024-cü illər üzrə ümumi dəyəri 1,4 milyon manatı aşan satınalmaların strukturu və icrası isə müvafiq qurumların şəffaflıq mexanizmlərinin nə dərəcədə həyata keçirilməsi göz qabağındadır..

Xatırladırıq ki, Bakının ən iri rayonlarından olan Nəsimi rayonunun sabiq icra başçısı Asif Əsgərov vaxtı ilə müxtəlif qalmaqallarla da günlərlə gündəmə olub.Nümunə kimi xatırlada bilərik ki, 2021-ci ildə o, qanunsuz tikintilərə görə, Bakı Şəhər İcra Hakimiyyətinin (BŞİH) sabiq Aparat rəhbərinin işi üzrə məhkəmədə şahid kimi dindirilmişdi. O vaxtan bu günə ənənə olaraq qalan qanunsuz tikililər Nəsimi rayonunda mirasa çevrilib.

Deyə bilərik ki, rayon mərkəzi hissəsində və digər ərazilərində, yaşıllıq və piyada hərəkətinin mövcud olduğu ətraflarda aparılan bir çox tikinti işlərində heç bir məlumat lövhəsi asılmır, rəsmi icazə sənədi və ya layihə təqdim edilmir amma tikinti ilşləri həyata keçirilir. Bu isə qanunvericiliyin açıq şəkildə pozulması deməkdir.Məsələ ilə bağlı əsas sual isə ondan ibarətdir ki, Nəsimi Rayon İcra Hakimiyyəti, Azərbaycan Respublikasının Dövlət Şəhərsalma və Arxitektura Komitəsi, Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti və Bakı Şəhər İcra Hakimiyyəti bu qanunsuzluqdan xəbərdar olduğu halda hadisələrə təsir edə bilmir. Buda rayonda baş verən açıq-aşkar tikinti özbaşınalığına yol açır. Şəhərsalma və tikinti qanunvericiliyinə əsasən, hər hansı obyektin genişləndirilməsi və ya mərtəbə artırılması üçün rəsmi icazə, təsdiqlənmiş layihə və müvafiq dövlət qurumlarının razılığı mütləqdir. Nəsimi rayonunda mövcud vəziyyət isə bu tələblərin heç birinə əməl olunmadığını göstərir.

Laçın Mustafayev və Nəsimi rayonu Mənzil Kommunal Təsərrüfatı Birliyinin (MKTB) rəisi Nizami Mayılovla bağlı mediada və sosial şəbəkələrdə müxtəlif iddialar yayılıb.

İddiaların birində deyilir: "O, vaxtlara Laçın Mustafayev "ERJU" müdiri olanda Nizami Mayılov "delfin" hotelin yanında onun villaların tikirdi sonra Laçın müəllim bunu gətirib süpürgəçilərin üsütndə briqadir qoydu. Sonra Asif Əsgərov başçı gələn sonra onu süpürgəçi birqdirliyində ERJU rəisliyinə gətirib. Yəni , Badamdarda rəhmətə getmiş Elman müəllimin boş qalan kreslosuna Mayılov rəis təyin edilir. Bildirək ki, həmin vaxt Asif Əsgərov Sabayıl rayon icra başçısı vəzifəsində çalışırdı. .

O vaxtlar Nizami Mayılova münasibəti ilə yaxın sayılan Gülay xanım 65 saylı jekdə işləyirdi. Deyilənə görə Nizami müəllimn də dəstəyi ilə Gülay xanım həmin vaxtlar böyük maxinasiyalar həyata keirdiyi üçün qanun qarşısına çıxarılaraq məsuliyyətə cəlb olundu və sonra Mayılov pulla dostlarının da dəstəyin alaraq Gülay xanımı 77 saylı "jek"də həmin vəzifəsinə transfer etirməyinə nail ola bilib..."

Bir digər iddialarda isə bildirilir: "Nəsimi rayonunun ərazisi paytaxt Bakı şəhərinin mərkəzi ərazilərindən olduğu üçün, burada hər tikiliyə görə sakinlərə fantastik qiymətlər “oxunur”. Onu da unutmaq olmaz ki, daşıdığı vəzifəsindən “ikiəlli yapışan” Nizami Mayılovun bu gün başlıca bir amalı var, o da fürsət düşdükcə, imkan yarandıqca daha çox var-dövlət əldə etməkdir. Bəli, hal-hazırda bu şəxs Nəsimi rayonu ərazisində o qədər qanunsuzluq əməllərinə qol qoyur ki, baş verənləri görüb eşidən hər kəs “ya lal, ya da ki, kor olur”. Məsələn, redaksiyamıza daxil olan bəzi məlumatlara görə, dövlət büdcəsindən ayrılan vəsaitlər hesabına bu rayonun ərazisindəki yaşayış binalarının orta hissələrində “Abad Həyat” kiçik istirahət parkları yaradılarkən, Nizami Mayılov ərazilərdə süpürgəçilik edib təmizlik işləri ilə məşğul olanların aldıqları əmək haqlarına göz dikir. Yəni, bu şəxs daşıdığı vəzifəsinin imkanlarından sui-istifadə edir və hər süpürgəçinin aldığı əmək haqqından təqribən 60-70 manat məbləğində pul yığır. Daha sonra o, bu pulyığmaya “Abad Həyat” kiçik istirahət parklarının yaradılmasına göməklik olunsun deyə yığıldığını təbliğ etdirir. O halda sual oluna bilər ki, axı büdcədən bu məqsəd üçün lazımi məbləğdə vəsait ayrılır və görəsən həmin pullar hara qeybə çəkilir ki, Nizami Mayılov süpürgəçilik edən şəxslərin də əmək haqlarına “əl qoymağı” özünə rəva bilir? Hələ bunlar harasıdır? Diqqət yetirmək lazımdır ki, bu şəxs Nəsimi rayon Mənzil Kommunal Təsərrüfatı Birliyinə rəis təyin olunduqdan sonra, rayon ərazisindəki yaşayış binalarının bəzilərində qanunsuz artırmalar həyata keçirildi, bir çox binaların zirzəmiləri satışa çıxarıldı, bəzi binaların zirzəmilərində qazıntı işləri həyata keçirildi. Söz yox ki, bütün bunların hamısı Nizami Mayılovun “dobro” deməsindən sonra öz həllini tapır. Amma, bəzi binaların zirzəmilərində yığılan çirkli suların ətrafa buraxdığı üfunətin iy-qoxusu, heç zaman bu şəxsi düşündürmür. Söz yox ki, Nəsimi rayon Mənzil Kommunal Təsərrüfatı Birliyinə rəhbərlik edən bu şəxsi, yalnız və yalnız daha çox qazanc, daha çox var-dövlət əldə etmək istəyi düşündürdüyündən o, maddi marağının təmin olunması yöndə addımlarını atır. Bu da o deməkdir ki, Nizami Mayılovu xalq, dövlət anlayışı düşündürmür.

Rayon ərazisində baş verən biabırçılıqlardan biri də, yaşayış binalarının orta hissələrindəki “Abad Həyat” kiçik istirahət parklarında quraşdırılmış avadanlıqlardan istifadəyə görə aylıq “haqq-hesab”ın tələb olunmasıdır. Söylənilənlərə görə, belə bir “haqq-hesab”ın tələb olunması Nizami Mayılovun rəhbərlik etdiyi Nəsimi rayon Mənzil Kommunal Təsərrüfatı Birliyi tərəfindən həyata keçirilir. Söz yox ki, bütün bunlar ortaya çoxsaylı sualların çıxmasına da səbəb olur. Elə ki, bu və digər məsələlərlə bağlı Nizami Mayılova sual verib cavab əldə etmək istəyirsən, o halda o, “Mən xəstəyəm, borcun içində boğulub itirəm” cavabını verib özünü sığortalamağa çalışır. Demək bu şəxs qol qoyduğu qanunsuzluq əməllərinə münasibət bildirmək əvəzinə hər cür rola girib “sperkulyasiya” edir və “sudan quru çıxmağı da” bacarır."

Elə götürək Elxan Abdullayevin Nəsimi rayonunda qısaömürlü rəhbərliyin. RİH-nin memarı Ələsgər Rüstəmov və Nizami Mayılov elə bir qurama həyata keirə bildilər ki, 40 günə kişinin "torba"sın tikdib prezidentin onunla bağlı fərmanın geri oxutdurmağı bacarıblar. Rayonu qanunsuz tikinti meydançasına çevirən bu şəxslər görəsən Tahir Budaqovu ağ atdan nə vaxt yerə salacaqlar...!


Yazıda adı çəkilən hər kəsin mövqeyini dinləyə bilərik. Mövzuya qayıdacağıq.

"Tehsilmedia.info "-nun baş redaktoru Sakit Muradov

Mingəçevir şəhərində məskunlaşan Kəlbəcər rayon sakini Süleyman Ellaz ağır xəstəlikdən əziyyət çəkir.
Ailə üzvləri onun bir sıra müayinələrdən keçməsi üçün Mingəçevir Mərkəzi Xəstəxanasına təcili tibbi yardım ayrılmasına görə müraciət etsələr də, xəstəxana bundan imtina edir.
Bu barədə Gununsesi.info-ya Süleymanov Ellazın oğlu, AYB üzvü, şair Səxavət Süleymanov bildirib.
O, eyni zamanda TƏBİB-in yeni rəhbərliyi Anar Bayramova müraciət ünvanlayıb.
Həmin müraciəti olduğu kimi təqdim edirik:
“Hörmətli TƏBİB rəhbərliyi cənab Anar Bayramovun diqqətinə!
Mən, Kəlbəcərli şair Səxavət Kəlbəcərli, ağır vəziyyətdə olan atamla bağlı sizə müraciət edirəm.
Atam birinci qrup əlildir. Təxminən 35 il əvvəl baş vermiş avtomobil qəzası nəticəsində ciddi bədən xəsarətləri almış, həmin vaxtdan etibarən çətinliklə, əsasən çəlik vasitəsilə hərəkət etmişdir. Lakin son 9 ay ərzində vəziyyəti daha da ağırlaşmış, seroz tipli xəstəlik səbəbilə ümumi halı kəskin şəkildə pisləşmişdir.
Hazırda atamın hərəkət qabiliyyəti demək olar ki, tam itmişdir, artıq sərbəst yeriyə bilmir və gündəlik həyatda tam asılı vəziyyətə düşmüşdür. Bu vəziyyət ailəmiz üçün olduqca ağırdır və tibbi baxımdan təcili müdaxilə tələb edir.
Həkimlərin rəyinə əsasən, onun vəziyyətinin stabilləşdirilməsi və müalicəsinin davam etdirilməsi üçün Bakı şəhərində yerləşən ixtisaslaşmış klinikaya, hətta ehtiyac yaranarsa, orqan transplantasiyası səviyyəsində müalicəyə yönləndirilməsi vacibdir.
Qaraciyər köçürülməsi imkanlarının qiymətləndirilməsi və bununla bağlı ilkin müayinələrin aparılması üçün atamın Bakı şəhərində yerləşən ixtisaslaşmış tibb müəssisəsinə aparılması zəruridir. Bu məqsədlə Mingəçevir Mərkəzi Xəstəxanasına dəfələrlə müraciət edərək ambulator qaydada göndəriş sənədinin verilməsini və təcili tibbi yardım vasitəsilə Bakıya aparılmasına köməklik göstərilməsini xahiş etmişik.
İlkin analiz və müayinələrin aparılması vacib olsa da, təəssüf ki, bu istiqamətdə lazımi sənədləşmə və dəstək təmin edilmir.
Bütün bunlara baxmayaraq, Mingəçevir şəhər Təcili Yardım xidməti və Mərkəzi Xəstəxana tərəfindən atamın Bakıya təxliyəsi üçün lazımi təcili yardım və nəqliyyat dəstəyi ayrılmır. Bu isə onun həyatını ciddi risk altına qoyur.
Sizdən artıq dərəcədə xahiş edirəm ki, bu vəziyyəti nəzarətə götürəsiniz, atamın vəziyyəti üzrə təcili tibbi yardım və Bakıya təxliyə məsələsinin həll olunmasına köməklik göstərəsiniz.
Hər gecikmə onun sağlamlığı üçün geri dönüşü olmayan nəticələr yarada bilər.
Öncədən göstərdiyiniz diqqət və köməyə görə təşəkkür edirəm”.

​Gununsesi.info