Qaradağ rayonunun Lökbatan qəsəbəsində yerləşən 233 nömrəli tam orta məktəbdə baş verənlərlə bağlı səsləndirilən iddialar təhsil ocaqlarında təhlükəsizlik, maliyyə şəffaflığı və tədrisin keyfiyyəti məsələlərini yenidən gündəmə gətirib. Məktəbdə pəncərələrin dəmir torlarla bağlanması planı, müəllimlərdən pul yığılması, dərs prosesindəki pozuntular və işçi heyəti ilə bağlı narazılıqlar valideynlər və müəllimlər arasında ciddi narahatlıq yaradıb.


Qaradağ rayonunun Lökbatan qəsəbəsində yerləşən Cəmil Niftəliyev adına 233 nömrəli tam orta məktəbdə baş verənlərlə bağlı KONKRET.az-ın redaksiyasına şikayət məktubu daxil olub.


Müraciətdə iddia edilir ki, məktəbdə 18 mart tarixində keçirilən Pedaqoji Şura iclasında direktor Gülər Bəbirova binanın 1-ci mərtəbədən 4-cü mərtəbəyədək bütün pəncərələrinin ağır dəmir setkalarla bağlanacağını bildirib.


Qeyd olunur ki, sinif otaqlarında yalnız bir pəncərənin açıq qalması, digərlərinin isə açarla bağlanması planlaşdırılıb.


Şikayətçilərin sözlərinə görə, bu məqsədlə müəllimlərdən pul yığılması tələb olunub və vəsaitin toplanması biologiya müəllimi, eyni zamanda məktəbin Həmkarlar Komitəsinin sədri Samirə Musayevaya həvalə edilib.


İddialarda həmçinin bildirilir ki, sözügedən işləri həyata keçirmək üçün Fövqəladə Hallar Nazirliyindən (FHN) hər hansı icazə alınmayıb və bu addım yanğın təhlükəsizliyi qaydalarına zidd sayılır.


Bundan əlavə, məktəbdə xadimələrin ştat bölgüsü ilə bağlı narazılıqların olduğu vurğulanır. Belə ki, bəzi xadimələrin 1,25, digərlərinin isə 1 ştat vahidi ilə çalışdığı, nəticədə əmək yükü ilə maaş arasında balansın pozulduğu qeyd edilir. Vakant ştatların gizlədilməsi səbəbindən əlavə işçi cəlb edilmir.


Müraciətdə həmçinin tədris prosesində problemlərin olduğu bildirilir. İddialara görə, dərs saatlarının tam keçirilməməsi, xüsusilə 7-ci və 8-ci saatların faktiki baş tutmaması, şagirdlərin dərs vaxtı məktəb daxilində nəzarətsiz qalması ilə nəticələnir. Valideynlərin də bu vəziyyətdən şikayətçi olduğu qeyd edilir.


Səsləndirilən iddialarla bağlı direktorla əlaqə saxladıq. O, suallarımızı cavablamaqdan imtina etdi və Nazirliyə müraciət ünvanlamağı məsləhət gördü.


Məsələ ilə bağlı Elm və Təhsil Nazirliyinə sorğu ünvanladıq. Qurumdan KONKRET.az-a verilən cavabda bildirilib ki, Bakı şəhəri 233 nömrəli tam orta məktəbdə aparılan xidməti araşdırma zamanı irəli sürülən bir sıra iddialar təsdiqini tapmayıb.
Rəsmi açıqlamaya görə, araşdırma nəticəsində yalnız bəzi nöqsanlar müəyyən edilib. Bunlar məktəbdə bir neçə pəncərəyə dəmir tor quraşdırılması və xadimə ştatlarının qeyri-bərabər bölüşdürülməsi ilə bağlıdır. Qeyd olunub ki, pəncərələrə dəmir torun quraşdırılması üçün Bakı Şəhəri üzrə Təhsil İdarəsi və FHN tərəfindən müvafiq razılıq alınmayıb.


Açıqlamada həmçinin bildirilib ki, aşkar olunmuş nöqsanlarla əlaqədar məktəbin direktoru və təlim-tərbiyə işləri üzrə direktor müavininin izahatları alınıb.


Nazirlikdən əlavə edilib ki, məktəbin və müəllimlərin fəaliyyətinə uyğun olmayan hallarla bağlı qanunvericiliyin tələbləri çərçivəsində müvafiq tədbirlərin görülməsi diqqətdə saxlanılır.


Konkret.az

Maliyyə Nazirliyinin ötən ilin sonlarından etibarən Azərbaycan Avtomobil Yolları Dövlət Agentliyində (AAYDA) apardığı dolayı monitorinqlərə son verilib. Aparılan yoxlamalarda ortaya külli miqdarsa dövlət vəsaitlərinin mənimsənilməsi barədə faktlarının üzə çıxdığı iddia olunur.

Mətbuatda təkzib olunmayan məlimatlara görə AAYDA-nın keçmiş sədri Saleh Məmmədov və komandası ümumilikdə 1 milyard dollara yaxın pul mənimsəyiblər.

XALQ xəbər verir ki, Maliyyə Nazirliyinin yoxlamasından sonra AAYDA sədri Vüsal Nəsirlinin göstərişi ilə qurumun idarələrində yeni yoxlamalara start verilib. Bu yoxlamalardan sonra AAYDA kadr islahatına başlanılacağı və uzun müddətdən bəri qurumda idarə rəisi kimi işləyən və adıları korrupsiyada hallanan məmurların işdən çıxarılacağı gözlənilir.

Artıq bu gün AAYDA- islahatlara start verildi. Belə ki, sədr Vüsal Nəsirlinin göstərişi qurumun iki idarə müdiri vəzifəsi ilə vidalaşdı.

Məlumata görə AAYDA-nın sədrinin islahata narahat olan məmurlardan biri də 43 saylı Yol İstismar İdarəsinin rəisi İlham Əzimovdur.

Bu həmin İlham Əzimovdur ki, onun adı ölkə mətbuatında davamlı olaraq oliqarx məmur kimi keçir. Övladlarından tutmuş kürəkəninə kimi hamısına yaxşı şərait quran İlham Əzimov keçmiş sədr Saleh Məmmədovun komandasının üzvü kimi tanınır.

Belə ki, Tərtər rayonundan olan Saleh Məmmədovla İlham Əzimovu keçmiş tellər bağlayır. Daim Saleh Məmmədovla münasibətlərini isti saxlayan İlham Əzimov məhz buna görə 43 saylı Yol İstismar İdarəsininşəxsi obyekti kimk idarə edirdi. Bərdədə hər kəs bilir ki, 43 saylı YİS-nin avtomobill və texnikaları İlham Əzimov tərəfindən icarəyə verilib.
Bundan başqa İlham Əzimovun Bərdə rayonunda hektarlarla torpaq sahələrinin, övladının maşın kolleksiyası, ferması, dəbdəbəli tikdirdiyi malikanəsi olduğu bildirilir. 43 saylı Yol İstismar İdarəsi rəisinin dövlət hesabına rayonda icra nümayəndəsi işləyən qudasına da geniş imkanlar yaratdığı məlumatlar içindədir. Həmçinin, İlham Əzimovun kürəkəninə avtoyuma məntəqələri açdığı, “Range Rover” markalı maşın aldığı da bildirilir.

Məlumata görə İ. Əzimov Saleh Məmmədovun dövründə 43 saylı Yol İstismar İdarəsini xeyli sayda işçisinin əmək haqqı kartını özünə götürərək,hər ay dövlətin külli mqidarda vəsaitini mənimsəyib.

Qeyd edilir ki, bu gün Bərdə rayonunda 43 saylı Yol İstismar İdarəsinin balansına düşən avtomobil yollarının əksəriyyəti bərbad gündədir. Vətəndaşların bərbad yollarla bağlı şikayətlərinə isə İlham Əzimov “vəsait ayrılacağı və yolların düzələcəyi” vədini verməklə illəri yola verib.

Məlumata görə, AAYDA rəhbərliyinə Vüsal Nəsirli sədr təyin edildikdən sonra İlham Əzimov əl-ayağa düşüb. Belə ki, İ.Əzimovun 43 saylı Yol İstismar İdarəsinin balansında olan bəzi kənd yollarına qrabil tökdürdüyü deyilir.

Xalq.online

Regionlarda dövlətin gənclər və idman siyasətinin həyata keçirilməsi xüsusi məsuliyyət və peşəkarlıq tələb edən sahələrdən biridir. Bu istiqamətdə fəaliyyət göstərən qurumların rəhbərləri yalnız inzibati idarəçilik deyil, eyni zamanda sahə üzrə bilik, təcrübə və strateji baxışa sahib olmalıdır.

"Real Azərbaycan" xəbər verir ki, Quba-Xaçmaz Regional Gənclər və İdman İdarəsinə rəhbərlik edən Qumru Məmmədova ilə bağlı isə son dövrlərdə müəyyən suallar gündəmə gəlməkdədir. Diqqət çəkən əsas məqamlardan biri onun peşəkar bioqrafiyası ilə bağlı açıq mənbələrdə kifayət qədər məlumatın olmamasıdır.

Araşdırmalar göstərir ki, Qumru Məmmədovanın idman sahəsində əvvəlki fəaliyyəti ilə bağlı konkret və təsdiqlənmiş məlumatlara rast gəlmək çətindir. Halbuki regionda idmanın inkişafına cavabdeh olan bir rəhbərin bu sahədə təcrübəsinin olması vacib hesab edilir.

Məsələ yalnız bununla məhdudlaşmır. Onun ali təhsili və ümumilikdə peşəkar fəaliyyət yolu ilə bağlı da geniş və rəsmi məlumatların ictimaiyyət üçün əlçatan olmadığı görünür. Dövlət vəzifəsi daşıyan bir şəxsin təhsil və karyera göstəricilərinin açıq olmaması isə cəmiyyətdə haqlı suallar doğurur.

İctimaiyyət üçün maraq doğuran əsas suallar bunlardır:

Regionun gənclər və idman siyasətinə rəhbərlik edən şəxsin bu sahə üzrə konkret təcrübəsi nədir?

Hansı ali təhsil müəssisəsini bitirib?

Peşəkar fəaliyyəti hansı istiqamətləri əhatə edib?

Qeyd edək ki, şəffaflıq dövlət idarəçiliyinin əsas prinsiplərindən biri hesab olunur. Xüsusilə gənclərlə işləyən və idmanın inkişafına cavabdeh olan qurumlarda bu prinsipin qorunması ictimai etimad baxımından böyük əhəmiyyət daşıyır.

Mütəxəssislərin fikrincə, bu kimi sualların yaranmaması üçün rəhbər şəxslərin bioqrafik məlumatları rəsmi və açıq şəkildə ictimaiyyətə təqdim olunmalıdır.

Bu, həm mövcud suallara aydınlıq gətirər, həm də regionda həyata keçirilən gənclər və idman siyasətinə olan etimadı daha da gücləndirər.

"Real Azərbaycan"

Azərbaycan Dövlət Rəssamlıq Akademiyasında tələbələrin təqaüd ödənişləri ilə bağlı gecikmələr narazılıq yaradıb.
Yeniavaz.com-a müraciət edən bir qrup tələbənin iddiasına görə, dövlət büdcəsindən ayrılan təqaüdlərin ödənilməsində uzun müddətdir gecikmələr mövcuddur.
Tələbələr bildirirlər ki, 10 aprel tarixində yalnız bir aylıq təqaüdün ödənilməsi yaranmış narazılığı azaltmaq məqsədi daşıyıb:
“10 aprel tarixində həyata keçirilən qismən ödənişin tələbələrin haqlı etirazlarını azaltmaq məqsədilə atılmış müvəqqəti addım olduğu təəssüratı yaranır”.
Eyni zamanda tələbələr əvvəlki açıqlamalarda iki aylıq ödənişlərin birgə verilməsinin imtiyaz kimi təqdim olunmasını qəbul etmədiklərini deyirlər:
“Əvvəlki bildirişlərdə iki aylıq ödənişin eyni vaxtda verilməsinin bir növ imtiyaz və ya mükafat kimi təqdim olunması, əslində tələbənin qanuni hüququ olan vəsaitin gecikdirilməsi faktını ört-basdır etmək cəhdidir”.
Narazı tələbələrin iddiasına görə, vəziyyətlə bağlı fikirlərini ifadə etdikləri zaman onlara şikayət etməmək barədə xəbərdarlıqlar da edilib:
“Ən ciddi narahatlıq doğuran məqam isə tələbələrin öz qanuni hüquqlarını tələb etdiyi təqdirdə şikayət etməmək barədə xəbərdarlıq edilməsi və dolayı yolla inzibati təzyiqə məruz qalmasıdır”.
Məsələ ilə bağlı Azərbaycan Dövlət Rəssamlıq Akademiyasına sorğu ünvanladıq. Akademiyadan Yeniavaz.com-a bildirilib ki, təqaüd ödənişlərində gecikmələr olsa da, problem aradan qaldırılıb:
“Ötən həftədən artıq ödənişlər akademiyadan çıxarılıb. Sadəcə xəzinə sistemi ilə bağlı olaraq ötən həftə fevral ayı sistemdə əks olunub. Bu gün isə mart ayı sistemə daxil edilib. Ödənişlər bizdən çıxdığı üçün artıq sistemdə görünməlidir və ya günün sonuna qədər görünəcək. Hətta aprel ayı üzrə ödəniş də xəzinəyə təqdim olunub. Onun da təsdiqdən sonra sistemdə əks olunacağı gözlənilir”.
Akademiya gecikmələrlə bağlı tələbələrə əvvəlcədən yazılı məlumat verildiyini də qeyd edib:
“Ümumilikdə 740 tələbə həmin qrupdadır. Qrup nümayəndələri də daxil olmaqla gecikmənin səbəbi və ödənişlərin qısa zamanda həyata keçiriləcəyi barədə məlumat verilib”.
Təzyiq iddialarına cavab olaraq isə bildirilib:
“Belə bir hal varsa, kimin tərəfindən edildiyi açıq şəkildə bildirilsə, mütləq araşdırılacaq. Necə təzyiq göstərilir ki, məsələ televiziya kanallarında da yayımlanıb. Bu onların ən təbii hüququdur”.

Prezident Administrasiyasının sabiq rəhbəri, hazırda bir neçə maddə ilə ilə barəsində istintaq aparılan Ramiz Mehdiyevin vəzifədə olduğu müddətdə saysız-hesabsız daşınmaz əmlaka- villalara, ictimai iaşə müəssisələrinə, torpaq sahələrinə sahibləndiyi heç kimə sirr deyil. Mediada bu barədə kifayət qədər təsnifatlı məlumatlar var ki, bu məlumatların hər biri Ramiz Mehdiyevin bitmək bilməyən sərvət hərisliyindən xəbər verir.
TEREF-in poçtuna daxil olan məqalədə müəllif fikirlərini bölüşür. Müəllif daha sonra yazır:
Ramiz Mehdiyevin var-dövlət hərisliyi o səviyyədə olub ki, sabiq aparat rəhbəri qəbiristanlıq ərazilərini belə zəbt etməkdən, ələ keçirməkdən özünü saxlaya bilməyib.

Çoxları üçün inanılmaz görünsə də, Ramiz Mehdiyev Administrasiya rəhbəri olduğu dönəmdə Novxanı kəndindəki yüz hektarlarla torpaq sahəsi ilə yanaşı, Novxanı qəbiristanlığına məxsus ərazinin də bir hissəsini zəbt edərək öz şəxsi əmlakına çevirib. Nəticədə, bu gün Novxanı kəndinin sakinləri öz ölülərin dəfn etməyə yer tapa bilmir, məcburiyyət qarşısında onları digər kənd və qəsəbələrdəki qəbiristnalıqlarda dəfn edirlər.

Kənd sakinləri tələb edir ki, vaxtiylə Ramiz Mehdiyev tərəfindən zəbt edilən qəbiristanlıq ərazisi geri qaytarılsın və sakinlər haqq dünyasına qovuşan yaxınlarını dəfn etmək üçün uzaq kənd və şəhərlrədə qəbir yeri axtarmaq məcburiyyətində qalmasınlar.

TEREF

Paytaxtın Sabunçu rayonu Bakıxanov qəsəbəsində Nazim İsmayılov küçəsi 5 ünvanında fəaliyyət göstərən, “Hacı Rasim” kimi tanınan Rasim Nəbiyevin rəhbəri olduğu “Möcüzə market “ vaxtı keçmiş məshul satılıdığı aşkar olunub.

Məlumat sosial paltformada paylaşılıb. Görüntülərdən də aydın olur ki, alıcı vaxtı keçmiş məhsulu aşkarlayaraq market səlahiyyətli şəxsə göstərəcəyini bildirir.


Alıcı qeyd edir 15.04.2026- cı il tarixində sabah üçün son istehlak tarixi olan məhsulu nümayiş etdirir.


Lakin mağaza rəhbərliyi vaxtı ötmüş məhsulu vitrindən götürmək əvəzinə satışı davam etdirirlər.


Bu kimi hallarla Qida Təhlükəsizliyi Agentliyi (AQTA) mətəmadi mübarizə aparsada bəzi hallarda mağaza sahibləri fürsətdən istifadə edə bilirlər.


Faktla bağlı sahibkar barəsində Qida Təhlükəsizliyi Agentliyi (AQTA) sorğu verilib.


VİDEO LİNKDƏ: https://xalq.online/haci-rasimin-mocuze-marketinde-vaxti-kecmis-mehsul-satilir-videofakt

Estetik cərrah kimi fəaliyyət göstərdiyi iddia olunan Məryəm Abbasova ilə bağlı ciddi şübhələr ortaya çıxıb.

Aparılan araşdırmalar zamanı məlum olub ki, adı çəkilən şəxsin estetik-cərrahi əməliyyatlar həyata keçirməsi üçün Azərbaycan Respublikasının Səhiyyə Nazirliyi tərəfindən verilmiş hər hansı rəsmi icazə sənədi mövcud deyil. Bu isə onun fəaliyyətinin qanuniliyini ciddi sual altına qoyur.
Məsələ ilə bağlı redaksiyamız tərəfindən Məryəm Abbasova ilə əlaqə saxlanılıb. Qarşı tərəf ilkin olaraq lazımi sənədlərin olduğunu bildirsə də, təşkil olunan görüş zamanı heç bir rəsmi sənəd təqdim olunmayıb. Bu fakt iddiaların daha da güclənməsinə səbəb olub.
Bununla yanaşı, mövzunun dəqiqləşdirilməsi məqsədilə Səhiyyə Nazirliyinin Analitik Ekspertiza Mərkəzinə rəsmi sorğu ünvanlanıb. Mərkəz tərəfindən təqdim olunan məlumatda estetik cərrah kimi fəaliyyət göstərmək hüququ olan şəxslərin siyahısı redaksiyamıza təqdim edilib və həmin siyahıda Məryəm Abbasovanın adına rast gəlinməyib.
Ortaya çıxan faktlar göstərir ki, vətəndaşların sağlamlığı ilə bağlı bu cür hallara qarşı daha diqqətli olmaq vacibdir. Lisenziyasız və qeyri-peşəkar şəxslərə müraciət ciddi fəsadlara səbəb ola bilər.
Məsələ ilə bağlı aidiyyəti qurumların araşdırma aparması zəruridir.
Qeyd edək ki, qarşı tərəfin mövqeyini dərc etməyə hazırıq“Xüsusi.Tv”

Rusiya tərəfi 2024-cü il dekabrın 25-də Aktau yaxınlığında AZAL təyyarəsinin qəzası ilə bağlı Azərbaycana kompensasiya ödəyəcək. Bu, Düşənbə şəhərində 9 oktyabr 2025-ci il tarixində iki ölkə başçısı arasında keçirilmiş görüş çərçivəsində əldə olunmuş razılaşmaya uyğun həyata keçirilib.

Burada Azərbaycan üçün söhbət hansısa məbləğin, təzminatın ödənilməsindən getmir. Əsas məsələ odur ki, Azərbaycan bütün dünyaya sübut etdi ki, milli maraqlarına toxunan, insan həyatı ilə nəticələnən və yüksək ictimai rezonans doğuran məsələlərdə heç bir halda geri addım atmır. İstənilən məsələdə milli maraqlarını əsas tutaraq, hüquqi və siyasi müstəvilərdə qətiyyətli mövqe nümayiş etdirir.

Məsələyə digər prizmadan yanaşdıqda Azərbaycan beynəlxalq münasibətlər sistemində davranışını da bir daha sərgiləmiş sayılır. Rəsmi Bakı bir daha əminliklə və qətiyyətlə sübut edir ki, dövlətin əsas prioriteti suveren hüquqlar və vətəndaşların təhlükəsizliyidir. Bunun üçün isə diplomatik və siyasi alətlərdən istifadə edir. Əldə edilən razılaşma sübut edir ki, istənilən mürəkkəb və həssas məsələlərdə dövlətin və ölkə başçısının prinsipial mövqeyi, düzgün diplomatik strategiyası həlledici olur. Bu isə Azərbaycanın beynəlxalq arenada mövqeyini daha da gücləndirir. Eyni zamanda ölkə daxilində də ictimai etimadın daha da möhkəmlənməsinə xidmət edir. Bu qərara mühüm siyasi və hüquqi nailiyyət kimi baxmaq lazımdır.

Azərbaycanın bu məsələdə əsas mövqeyi ədalətin bərpası, məsuliyyətin təmin olunması və istintaqın şəffaf aparılması idi. Rəsmi Bakı hesab edir ki, bu qəza texniki və təsadüfi bir insident deyil. İnsanların həyatına təsir edən ciddi bir məsuliyyət məsələsidir. Buna görə də əsas prioritet həqiqətin tam və obyektiv şəkildə üzə çıxarılmasıdır. Belə bir yanaşma əslində beynəlxalq hüququn əsas prinsiplərinə əsaslanır. Yəni, söhbət dövlət məsuliyyəti, hadisələrin şəffaf araşdırılması və dəyən ziyanın kompensasiyasından gedir.

Təbii ki, Rusiyanın təzminat ödəməklə bağlı qərar qəbul etməsində əsas faktor ölkə başçısı İlham Əliyevin güclü siyasi iradəsi, üzaqgörən strateji baxışıdır. Onun prosesə birbaşa və fasiləsiz nəzarəti həlledici amilə çevrilib. Çünki Prezident bu məsələdə fərqli yanaşma nümayiş etdirib, geosiyasi reallıqları, regional təhlükəsizlik balansını və Azərbaycanın uzunmüddətli milli maraqlarını nəzərə alaraq addımlar atıb. Bu da belə bir həssas məsələdə emosional reaksiyalardan uzaq, rasional və praqmatik xəttin qorunması ilə müşayiət olunub. Qeyd etdiyimiz kimi, ölkə başçısının bu məsələyə şəxsi nəzarəti və birbaşa iştirakı olub. Bu da qərarvermə mexanizmlərinin effektivliyini artırıb, diplomatik kanalların maksimum səviyyədə səfərbər edilməsinə şərait yaradıb.

Belə bir vəziyyət də öz növbəsində tərəflər arasında etimadın qorunması, gərginliyin qarşısının alınması və paralel olaraq da danışıqların konstruktiv səpkidə davam etdirilməsini təmin edib. Onun müəyyən etdiyi strateji kurs yalnız mövcud böhranın aradan qaldırılmasına deyil, eyni zamanda gələcəkdə oxşar risklərin idarə olunması üçün institusional və siyasi əsasların möhkəmləndirilməsinə xidmət edib. Bu yanaşma nəticəsində milli maraqların müdafiəsi ilə regional əməkdaşlıq mühitinin qorunması arasında incə və həssas balans təmin olunub ki, bu da müasir beynəlxalq münasibətlər sistemində nadir hallarda müşahidə edilən uğurlu diplomatik nümunələrdən biri kimi qiymətləndirilə bilər.

Qısacası, bu gün iki ölkə XİN-lərinin birgə bəyanatı sübut edir ki, güclü lider, strateji düşüncə və proseslərə birbaşa nəzarət mürəkkəb beynəlxalq böhranların idarə olunmasında əsas şərtdir.

Digər tərəfdən Azərbaycan bu nəticə ilə sübut edir ki, milli maraqlarını və vətəndaşlarının təhlükəsizliyini heç bir halda güzəştə getmək niyyətində deyil. Bunu qorumaq və təmin etmək üçün kifayət qədər siyasi-diplomatik imkanlara sahibdir. Eyni zamanda vətəndaşlarının təhlükəsizliyinə toxunan istənilən məsələ ən yüksək prioritet kimi qəbul edilir və bütün zəruri alətlərdən istifadə etməkdən heç bir halda çəkinmir. Həm də nəzərə almaq lazımdır ki, bu nəticə beynəlxalq səviyyədə də rəsmi Bakının qətiyyətli və təsirli mövqeyini göstərir. Demokratik və hüquqi dövlət olan Azərbaycan üçün vətəndaş amili dövlət siyasətinin mərkəzindədir, insan həyatı və təhlükəsizliyi ali dəyər kimi qəbul edilib.

Eyni zamanda vurğulamaq lazımdır ki, belə bir həssas məsələnin iki ölkə arasında siyasi dialoq vasitəsilə nəticə əldə etməsi Azərbaycanla Rusiya arasında münasibətlərin formal əməkdaşlıqdan ibarət olmadığını göstərir. Tərəflər ən mürəkkəb, həssas və beynəlxalq rezonans doğuran məsələlərdə belə qarşıdurma ritorikasını yox, konstruktiv və praqmatik yanaşmanı üstün tutdular. Bu, həm də sübut edir ki, iki ölkə arasında böhran vəziyyətlərində belə effektiv işləyən kommunikasiya kanalları mövcuddur. Belə bir vəziyyət də öz növbəsində iqtisadi və mədəni əməkdaşlığın davamı, regionun sabitliyi üçün vacib faktor sayılır. Çünki belə bir böhranın düzgün idarə edilməməsi ikitərəfli münasibətlərlə yanaşı, regional təhlükəsizliyə də mənfi təsir göstərə bilərdi.

Nəticə olaraq deyə bilərik ki, bu razılaşmaya təkcə iki dövlət arasındakı münasibət kimi baxmaq lazım deyil. Bu, daha geniş beynəlxalq müstəvidə mühüm presedentə çevrilə bilər. Eyni zamanda bir çox dövlət üçün də nümunəvi yanaşma modelidir. Eyni zamanda bu gün münaqişələr və qarşıdurmalar meydanına çevrilən dünyaya mesajdır ki, güc amilinə əsaslanan siyasət qısamüddətli nəticələr verə bilsə də, uzunmüddətli sabitlik və etimad mühitinin formalaşdırılması yalnız danışıqlar və razılaşmalar yolu ilə mümkündür.

Həm də bu nəticə Azərbaycanın beynəlxalq münasibətlər sistemində çəkisinin artmasına, etibarlı və dialoqa açıq bir tərəfdaşa çevrilməsinə səbəb olur. Ölkə başçısının balansı, sərrast siyasəti göstərir ki, Azərbaycan regionda və daha geniş coğrafiyada mübahisələri sivil üsullarla həll edən aktordur. Qısacası, müasir dünyada dayanıqlı və ədalətli həll sadəcə diplomatika, hüquq və qarşılıqlı anlaşma ilə əldə edilə bilər. Azərbaycan isə bunu bir daha təsdiqləmiş oldu...(Report)

“Bravo” supermarketlər şəbəkəsində kiloqramla satılan konfetlərin üzərinə məhsulun ümumi deyil, 100 qram üçün nəzərdə tutulan qiymətin yazılması müzakirələrə səbəb olub. Alıcılar bildirirlər ki, bu üsul məhsulun real qiyməti ilə bağlı yanlış təsəvvür yaradır və daha ucuz olduğu görüntüsü formalaşdırır.

Mövzu ilə bağlı Tribuna.az-a danışan Azad İstehlakçılar İctimai Birliyinin sədri Eyyub Hüseynov bildirib ki, bu, müştərinin açıq şəkildə aldadılması deməkdir:

“Bu, istehlakçıların aldadılması üçün marketoloqların və satış şəbəkələrinin istifadə etdiyi çoxsaylı üsullardan biridir. Belə şəbəkələr qanunvericilikdəki boşluqlardan istifadə edərək müəyyən imkanlar əldə edirlər.

Təəssüf ki, qanunvericilikdə bu proses tam şəkildə tənzimlənmir.

Nazirlər Kabinetinin 94 saylı qərarına əsasən, ölkənin əmtəə bazarında satılan bütün mallar, o cümlədən konfetlər qablaşdırılmalıdır.

Məhsulun üzərində istehsal tarixi və son istifadə müddəti göstərilməlidir. Lakin hazırda satışda olan bir çox konfetlərin istifadə müddətinin nə vaxt bitdiyi məlum olmur.

Video Player
VİDEO LİNKDƏ: https://xalq.online/jaime-teixeiranin-rehberi-oldugu-bravo-da-ceki-oyunu-musteriler-bele-aldadilir
Konfetlərin üzərində kiloqram qiyməti əvəzinə 100 qramının qiymətinin qeyd olunması alıcını aldatmaq, onu çaşdırmaq məqsədi daşıyır. Bu, müştəri hüquqlarının kobud şəkildə pozulmasıdır.

İstehlakçı aldadılmamaq üçün diqqətli olmalıdır. Əks halda, onu hər fürsətdə aldadarlar”.

Qeyd edək ki, “Bravo” marketlər şəbəkəsi son vaxtlar konfetlərin üzərində 1 kiloqramın deyil, 100 qramın qiymətini göstərməyə başlayıb. Bu da alıcıların narazılığına səbəb olub.(Tribuna.az)

Bəli, belədir, hər şey Arazpress.com-un əvvəlki yazılarında göstərilən kimidir. Yəni, bu yazının başlığında qeyd olunduğu kimi, özünü Qubanın qara ləkəsi kimi tanıdan peşəkar fırıldaqçı Alibek (Adil) Kurbanovun törətdiyi qanunsuz əməllər saysız-hesabsızdır.
Bu səbəbdən, üzə çıxardığımız ciddi faktlar əsasında hazırlayıb dərc etdiyimiz yazılarla bu cinayətkarın qaranlıq keçmişini ifşa edə bilirik. Yazılarımızda xüsusi olaraq onu vurğuladıq ki, mövcud qanunlarımızın tələblərini saya salmayan bu qorxulu insan özü kimi mahir fırıldaqçıları özündə birləşdirən olduqca təhlükəli bir şəbəkəyə başçılıq edir. Bu şəbəkədə adı öndə duranlar isə, Alibekin öz törəmələridir. Hətta onlar öz çirkin əməlləri ilə atanı geridə qoyublar.
Törətdiyi qatı cinayətlərə baxmayaraq, Rusiya vətəndaşı olan və hal-hazırda Qubanın Digah kəndinndə yaşayan Alibek Kurbanovun “xətrinə dəyən” yoxdur — sanki dünya vecinə deyil. Ölkədə nüfuz sahibi olan bir generalın adından sui-istifadə etməklə, özünə “toxunulmazlıq statusu” qazanıb. Bu nüfuzlu şəxslə münasibəti olduğunu deyir. Buna görədir ki, insanların etibarından da sui-istifadə edə, dələduzluq yolu ilə onları aldada bilir. Aldatdığı insanlara nələr vəd etmir?! Guya, hər şey onun əlindədir. İnsanları buna inandırır ki,
qohumu olan bu generalın əliylə bütün işləri görməyə qadirdir.


Müxtəlif sahələrdə işə düzəlmək istəyənlər beləcə onun “toruna düşür”. Konkret desək, işə düzəlmək, işinə bərpa olunmaq istəyən bir çoxları guya rüşvət qismində veriləcək müxtəlif məbləğlərdə pullarından keçməli olurlar. Eyni üsulla ayrı-ayrı şəxslərdən daha çox məbləğdə alınan pullar “səs-küysüz” mənimsənilir. Çünki vədinə əməl etməyəndə, zərərçəkənlər hər dəfə pullarını tələb edəndə Alibek Kurbanov həmin generala arxalandığını, heç kimdən qorxmadığını açıq deməkdən çəkinmir.
Həmin generalın kimliyi bizə məlum olsa da, araşdırmalarımız davam etdiyindən hələlik adını çəkmək istəmirik. Lakin hesab edirik ki, belə bir generalın adından sui-istifadə edərək, insanları aldatmaqla məşğul olan bir şəxsə qarşı mütləq cinayət işi açılmalı və çirkin əməlləri kütləvi informasiya vasitələrində işıqlandırılmalıdır ki, digərləri də bu yola qədəm qoymaqdan çəkinsinlər.


Bu general fərqindədirmi ki:


— Onun nüfuzundan şahidləri qorxutmaq və “Pediatriya — 2” klinikasındakı qanunsuz tibbi fəaliyyəti pərdələmək üçün istifadə olunur;


— Onun adı Sevda Alibekovnanın ailələri dağıtması, özgə uşağın alimentini mənimsəyərək “Uniser” məktəbinin pullarını ödətməsi kimi mənəviyyatsız əməllərə “toxunulmazlıq” qazandırır;


— Onun şərəf və ləyaqəti, dövlət tərəfindən verilən rütbəsi — atası məşhur fırıldaqçı, qızı isə doğma balası Sultanı atıb, elit mülkiyyət ovuna çıxan bir “Ququş ana” olan sülalə ilə eyni tərəziyə qoyulur…
Alibekin adına bağlı cinayətkar şəbəkənin və Kurbanovlar sülaləsinin ifşası zamanı məlum oldu ki, o, kənddə və ətraf məkanlarda yeni bir manipulyasiya dalğası başladıb. Bir daha qeyd edirik ki, şəbəkənin və ailənin başçısı hər yerdə ağızdolusu: “General qohumum var”, — deyərək, hamıya hədə-qorxu gəlir. Beləcə, əməllərinə nüfuz alveri qatmaqla rahatlanır. Saxta “krışa” taktikası hər yer­də işinə yarayır. Bir sözlə, o,
illərdir istifadə etdiyi köhnə fırıldaq metoduna sadiq qalır və cinayət əməllərinə “toxunulmazlıq zirehi” geydirə bilir.
Əvvəlki yazılarımızda qeyd etdiyimiz kimi, görünən odur ki, qızı Sevdanın “imkanlı soyadlar” ovu da bu məqsədə xidmət edir. Onlar ailəliklə bir plan qurublar: Sevda manipulyasiya ilə nüfuzlu ailələrə sızır və mülkiyyət ələ keçirir. Alibek isə bu qurbanların vəzifə və rütbələrindən istifadə edərək, kənddə və hər yerdə “mənim arxamda general dayanır” mifi yaradır. Bu detal Alibek Kurbanovun köhnə fırıldaqçı taktikasının — yəni nüfuzlu adlardan istifadə edərək, qorxu və toxunulmazlıq mühiti yaratmaq metodunun davam etdiyini göstərir. Bu, həm də Sevdanın niyə məhz “imkanlı soyadlar” və “vəzifəli qurbanlar” ovuna çıxdığını aydın izah edə bilir. Bir sözlə, bütün şəbəkə, ailə üzvləri bu general adının arxasında gizlənməyə çalışır.
Bəs, generalın bu ailənin əməllərindən xəbəri varmı? Bizi daha çox maraqlandıran bu sualın cavabıdır. Yəqin ki, Alibekin adından istifadə etdiyi həmin şəxsin bu fırıldaqçı sülalənin “tibbi terrorundan”, Sevdanın “Ququş ana” həyat tərzindən və “Uniser” məktəbi ətrafındakı aliment fırıldaqlarından xəbəri yoxdur. Çox güman ki, nüfuzlu şəxslərin adları bu ailə tərəfindən sadəcə şantaj və müdafiə vasitəsi kimi istifadə olunur. Belə olmasaydı, diplomsuz “podoloq” — qeydiyatçı (resepşn) kimi rəsmləşən Sevda Alibekovna heç bir cəsarətlə Məmməd Araz, 47 ünvanında yerləşən “Pediatriya — 2” klinikasının stomatologiya mərtəbəsində lisenziyasız fəaliyyət göstərə və çarpaz yoluxma riski yarada bilməzdi. Onlar arxalandıqları “general” adının hər qapını açacağını və qanundan üstün olacağını düşünürlər. Lakin unudurlar ki, dövlət strukturları və qanun qarşısında heç bir saxta qohumluq əlaqəsi “tibbi terrora” və “ailə qatilliyinə” bəraət qazandıra bilməz.(arazpress.com)