“AZZA” şirniyyat mağazası da müştəriyə “get kimə istəyirsən de” virusuna yoluxdu. Bu virusun antivirusu yoxdu ki?”.

Bu barədə “Neftçilərin Hüquqlarının Müdafiəsi” İctimai Birliyinin sədri Mirvari Qəhrəmanlı özünün sosial şəbəkə hesabında yazıb.

M,Qəhrəmanlı yazır ki, Bakının Q.Qarayev küçəsində yerləşən “AZZA”dan 10 ədəd kətə sifariş etmək istəyib,amma deyiblər 100 ədəddən aşağı sifariş qəbul etmirik: "Dedim onda varsa, indi verin. Dedilər yox, alınmır. Ona görə ki, hər gün hər mağazaya 2 ədəd kətə veririlir. Soruşdum ki, bu halda mən Bakıda beş mağaza gəzib hərəsindən iki kətə almalıyam? Cavabı “özünüz bilərsiniz oldu”.

Dedim saytınıza şikayət yazacam. Cavab “Get, hara istəyirsən şikayət elə!” Deyəsən heç kim “heç kimdən, heç nədən, heç haradan ” qorxmur!”.

Qeyd edək ki, Paytaxtın müxtəlif nöqtələrində fəaliyyət göstərən “AZZA” şirniyyat mağazalarında tamamilə fərqli sistem qurulub və alıcıları əsasən daha imkanlı şəxslərə hesablanıb. Bu mağazalarda qiymətlər olduqca baha olmaqla yanaşı, müştərilərə fərqli münasibət sərgilənir. Bir sözlə, "AZZA" ya girdinsə, diqqəti əldən vermə... Hər an sənə əlavə ödəniş etməyə məcbur etdirə bilərlər...

Bizimesr.com

Nərimanov rayonu ərazisində yerləşən hündürmərtəbəli binanın ətrafının dəmir konstruksiyalar vasitəsilə genişləndirildiyi iddia olunur.

Bizimesr.com-a göndərilən videogörüntülərdə ərazinin hasarabənzər formada əhatəyə alındığı açıq şəkildə görünür. Məlumata görə, bu tikilinin yay aylarında fəaliyyət göstərəcək açıq tipli kafe və ya restoran üçün nəzərdə tutulduğu ehtimal edilir.

Sakinlər bildirir ki, bu cür genişləndirmə işləri piyadaların sərbəst hərəkətinə maneə yaradır. Hazırda rəsmi qurumlar tərəfindən sözügedən tikilinin hansı məqsədlə aparıldığı ilə bağlı açıqlama verilməyib.

Qeyd edək ki, rayonun icra başçısı Elgin Həbibullayevdir.

Məsələ ilə bağlı qarşı tərəfin mövqeyini işıqlandırmağa hazırıq.

Bizimesr.com

VİDEO LİNKDƏ: https://www.bizimesr.com/az/post/nerimanovdademir-konstruksiyali-obyektler-peyda-olur---toyxanaya-kafe-restoran-video-21401

Bir neçə gün əvvəl paytaxt Bakının əsas sərnişindaşıma yükünü daşıyan Bakı Metropoliteninin fəaliyyəti bir neçə saatlıq tam dayandı. Hadisə nəticəsində yüz minlərlə sərnişin tunellərdə və platformalarda qalaraq ciddi çətinliklərlə üzləşdi.

Rəsmi məlumata görə, fasiləyə səbəb kimi əsas elektrik xətlərində baş verən qısaqapanma və texniki nasazlıq göstərildi. Lakin bu müddətdə şəhərdə nəqliyyat sistemi faktiki olaraq iflic oldu, sərnişinlər küçələrdə qaldı. Mövcud vəziyyətdə avtobuslar əlavə yükü qarşılamaq üçün pulsuz xidmət göstərməyə məcbur oldu.

Hadisədən sonra Metropoliten rəhbərliyi sərnişinlərdən üzr istədi. Bir gün sonra isə bəzi şəxslərin cəzalandırıldığı barədə qısa məlumat yayılsa da, konkret adlar açıqlanmadı və məsuliyyət məsələsi cəmiyyət üçün açıq qaldı.

Bununla belə, Bizimesr.com-a daxil olan məlumata görə, metroda baş verən son hadisə ən yüksək səviyyədə müzakirəyə çıxarılıb və səbəblərin araşdırılmasına ciddi şəkildə başlanılıb.

Məlumatda bildirilir ki, “Bakı Metropoliteni” QSC-nin sədri Vüsal Aslanovun vəzifədən uzaqlaşdırılması məsələsi ciddi müzakirə olunur. İddialara görə, metropoliten sahəsində yetərli təcrübəyə malik olmayan rəhbərlik mövcud problemlərin həllində çətinlik çəkir.

Eyni zamanda qeyd olunur ki, yeni sədr postuna namizədlər arasında hazırda qurumda sədr müavini vəzifəsində çalışan Hidayət Məmmədovun adı çəkilir. O, 1992-ci ildən etibarən metro sistemində fəaliyyət göstərir və bu sahəni dərindən bilən təcrübəli mütəxəssislərdən biri hesab olunur.

Bizimesr.az

Hövsan “MİDA 1” və “MİDA 2” yaşayış komplekslərinin arasındakı boş ərazidə küçə itləri və həşəratlar məskən salıb. Dövlət tərəfindən paytaxtda salınmış ən gözəl yaşayış layihəsi sayılan bu kompleks hazırda baxımsız və nəzarətsiz qaldığından bəzi xoşagəlməz hallar yaşanır.

Bu barədə MİDA sakinləri Sitat.info-ya danışıblar.

Bildiriblər ki, “MİDA 2” yaşayış kompleksindəndən “MİDA 1”-də yerləşən 172 saylı orta məktəbə gedən uşaqlar, axşam işdən evə dönən qadınlar itlərin kütləvi hücumuna məruz qalır. Sahibsiz itlər bir neçə dəfə şagirləri dişləyib. Demək olar ki, hər gün hansısa qadın və ya uşaq həyatının ən böyük qorxusunu yaşayır, ətrafdakı sakinlər səfərbər olub onları itlərin əlindən alır.
Yay aylarında boş əraziyə tullantılar da atıldığından həşəratlar artıb, artıq həyətləri, binaları həşərat basır. Ərazi demək olar ki, zibilxanaya çevrilib. Qış aylarında isə daha dözülməz vəziyyət yaranır. Yağıntılar torpaq ərazini palçığa çevirir, kəsə yolla məktəbə gələn valideynlər və şagirdlər bu palçıqlı yolları keçməli olurlar.

Qeyd etdiyimiz kimi, iki yaşayış kompleksinin ortasında sanki bir xarabalıq yaranıb, gəmirici həşaratlar məskən salıb, MİDA sakinləri yayda bu ərazidə ilanların artmasından qorxurlar. Məktəbə təkbaşına gedib-gələn məktəblilər üçün bu ərazi heç də təhlükəsiz deyil.

Sakinlər bildirdilər ki, yaşayış komplesklərinin inşasından sonra bu ərazidə park olacağı planlaşdırılırdı. Lakin sonradan bu məsələ dayandırldı. Son zamanlar söyləntilər gəzir ki, bu boş ərazidə daha bir yaşayış kompleksi – MİDA 3 inşa oluna bilər.

Digər problem isə “MİDA-1” yaşayış kompeksində sakinlər kanalizasiya xətlərindən gələn üfunətli havanın sanitar qovşaqdan sızaraq evlərə yayılmasıdır. Xüsusu ilə küləkli havalarda mənzillərdə üfunət iyindən yaşamaq mümkün olmur.

Hamam sanitar qovşağında su axacaqları kanalizasiya xəttinə birbaşa qoşulduğundan və önləyici qurğular yerləşdirmədiyindən kanalizasiyadan evlərə güclü hava axını var. Və bu da kanalizasiyadan gələn çirkli havanın evə dolmasına gətirib çıxarır. Nəticədə dözülməz vəziyyət yaranır. Onlarla MİDA1 sakini arasında sorğu keçirdik və hamı eyni problemdən şikayətləndi. Aydın məsələdir ki, bu durum təkcə qoxu ilə bağlı narahatlıq yaratmır, həm də xəstəlik mənbəyidir. Görünür zamanında Mənzil İnşaatı Dövlət Agentliyi kanalizasiya sistemini qurarkən “qənaət”ə yol verib və kanalizasiya xətlərində hava axınını önləyən qurğuları yerləşdirməyib.

Bu komplekslərə milyonlarla vəsait xərcləyən Azərbaycan Respublikasının Mənzil İnşaatı Dövlət Agentliyi bütün bunları hazırda niyə görməzdən gəlir?

Dövlət tərəfindən vətəndaşların həyat şəraitinin yaxşılaşdırılması istiqamətində aparılan işlərə kölgə salmaq, ölkənin ən gözəl yaşayış proyektini yaşanmaz hala salan problemləri görməzdən gəlmək, sakinlərin şikayətlərinə biganə yanaşmaq nə anlama gəlir? Ucu-bucağı olmayan bu boş ərazidə planlaşdırılan layihə gecikirsə, ən azı oranı hamarlamaq, abadlaşdırmaq bu qədərmi çətindir? MİDA 1 İlə MİDA 2 arasında sakinlərin öz ayaq izləri ilə açdığı cığıra bir asfalt döşəmək bu qədərmi imkansızdır?

Məsələ ilə bağlı qurumun mətbuat katibi Diana Dadaşova ilə əlaqə saxladıq. O, isə rəsmi sorğu göndərməmizi xahiş etdi: “Sorğu göndərin, 7 iş günü ərzində cavablayacağıq”
Redaksiyamıza cavab göndərildikdə, qurumun da mövqeyini dərc edəcəyik.

Sitat.info

Filiz yataqlarından mədənə yük daşıyan sürücülər aylardır əməkhaqlarını ala bilmirlər.

Xalq -ın məlumatına görə, sifariş əsasında daşımaları həyata keçirən “Yol Tikinti Servis” MMC-də çalışan 35-ə yaxın sürücü uzun müddətdir bu problemlə üz-üzədir.

Sürücülərin iddiasına görə, sifariş əsasında ağır yüklərin daşınmasını həyata keçirən şirkət bu müddət ərzində yığılan maaş borclarını verməməklə yanaşı, bəzi işçiləri onlara xəbər vermədən işdən kənarlaşdırıb.

Məsələ ilə bağlı şirkətin rəsmisi Zülfüqar Muxtarlı ilə əlaqə saxlamağa çalışsaq da, telefon zənglərinə cavab verilmədi. Daha sonra şirkətin kadrlar üzrə mütəxəssisi İbrahim Əliyevlə də əlaqə qurduq. O isə may ayının 1-nə kimi problemin həll olunacağına söz verdi.

“AzerGold” Qapalı Səhmdar Cəmiyyətindən isə bildirildi ki, hazırda qurumun podratçı “Yol Tikinti Servis” MMC-nin qarşısında yerinə yetirilməmiş hər hansı maliyyə öhdəliyi mövcud deyil. “MMC, “AzerGold” QSC-nin Göygöl rayonun Tülalar kəndində yerləşən eyniadlı qızıl mədənində qazma, dəlmə, daşıma və digər əlaqəli işləri podratçı qismində icra edib və görülmüş işlərə görə bütün ödənişlər tam şəkildə, nəzərdə tutulmuş müddətdə həyata keçirilib. Adıçəkilən şirkət ilə hazırda qüvvədə olan hər hansı aktiv müqavilə və ya borc öhdəliyi yoxdur”,-deyə “Azərgold” QSC-dən bildirilib.

Xezerxeber.az mövzu ilə bağlı daha ətraflı videomaterialı təqdim edir.

Bir neçə gün öncə Akademik Musiqili Teatrın aktrisası Gülçöhrə Abdullayeva saytımıza müraciət edərək, “Günəşli” inşaatın rəhbəri Firutan Məmmədovun onun tikinti üçün verdiyi pulunu ələ keçirdiyini bildirmişdi. Aktrisa açıqlamasında dəfələrlə Firutan Məmmədovun təhqirlərinə məruz qaldığını da deyib:

“Firutan Məmmədovun məni aldadıb, dələduzluqla pullarımı əlinə keçirməsi azmış kimi məni təhqir etməkdən də çəkinmir. Mənə deyir ki, “artistsən, artistlik etmə”. Deyir ki, pul yoxdur. Deyirəm ki, maşınını sat, pulumu ver. Mənə hədə-qorxu gələrək deyir ki, “bu maşın satmaq üçün yox, sənin üstündən keçmək üçündür, şikayət etsən gözləmədiyin yerdə üstündən keçəcəm” deyə aktrisa bildirmişdi.

Moderator.az-a açıqlama verən “Günəşli inşaat”-ın rəhbəri Firutan Məmmədov aktrisanın dediklərini kökündən yalanlayıb və saytımıza bunları bildirib:

“Bizdə daxili kreditlə evlərin tikintisi üçün ilk ödəniş 15000 manat təklif olunur. Sifarişçi Gülçöhrə Abdullayevanın mədəniyyət işçisi olduğu üçün ilkin ödənişi az olduğu nəzərə alındı. O ödənişi 3 il ərzində hissə-hissə ödəyib.. İmkanının olmadığını səbəb gətirib. Bütün bunların hamısı ödəniş cədvəlində göstərilib. Onun üçün 3 sot torpaq sahəsində müəyyən tikinti işləri aparılıb. Özü də həmin işlərlə tanış olub. Sonralar ağır xəstə olduğunu deyərək, pul ödəyə bilməyəcəyini bildirib və müqavilə şərtlərini pozub. O bizə heç bir əsaslı, yazılı şəkildə müraciət etməyib. Buna baxmayaraq ödədiyi pulu geri istəyir. Bu səbəbdən də tikinti işləri dayandırılıb. Şifahi dediyi xəstəliyini nəzərə alaraq bir müddətdən sonra tikintinin davam etdirilməsi təklif olunub. Qalan pulu ödəmədiyi üçün tikinti tam dayandırılıb. O telefon danışığında bizə təhdidlər edir, hədələyir, heç bir razılığa gəlmək istəmir. O deyir ki, guya biz onu təhqir edib, hədə-qorxu gəlmişik. Bütün bunların hamısı şər və böhtandır”, - deyə tikinti şirkətinin rəhbəri deyib.

Aktrisa Gülçöhrə Abdullayeva isə tikinti şirkətinin rəhbərinin dedikləri ilə razılaşmayıb:

“Firutan Məmmədov haqda sosial şəbəkələrdə, saytlarda, internet səhifələrində bütün məlumatlar var. Mən hələ sonuncuyam, gör mənə kimi nə qədər insan ondan narazıdır! Tutaq ki, mən yalan deyirəm, bəs bu qədər insan da yalan danışır?! Onun səs yazıları da məndədir. Hamısını lazımı orqanlara vermişəm. Camaatı təhqir edir. Mənim tanıdığım 88 insan ondan şikayət edib. Mən onu nə təhqir etmişəm ki?! Demişəm ki, pulumu ver də. Sənin nə ofisin var, nə də ödəniş cədvəlin! Göstər də ofisini, gəlib orada çəkiliş etsinlər! Günü-günə satır, həftəni-aya calayır. Hami bilir ki, o çoxdanın dələduzudur. Bilirəm ki, əvvəl-axır həbs olunacaq. Dövlətimizə, onun qayda-qanunlarına inanıram. Onun heç bir sözü bir-birinə uyğun gəlmir. Mən pulumu istəyirəm. Deyir ki, “pulum yoxdur, gəl öldür məni”. İşçiləri onu qoyub qaçıb. Bu insanın möhürlü peçatı da saxtadır. Bir torpağı 10 nəfərə satan insandan nə gözləyəsən?! Başqasının evini göstərib, mənə deyir ki,, sənin üçün tikmişəm. Özünü xeyriyyəçi kimi göstərir. Hələ də yutubdan reklamlarını yığışdırmayıb, hələ də ona inananlar var. Aidiyyatı orqanlar onun bu əməllərindən xəbərdardırlar. Onu bütün Hövsan, Suraxanı tanıyır”, - deyə aktrisa bildirib.

Qeyd edək ki, aktrisa Gülçöhrə Abdullayeva “Günəşli inşaat” tikinti şirkətinin sahibi Firutan Məmmədovun ona 16 min manat borclu olduğunu bildirib.(Moderator.az)

Azərbaycan Avtomobil Yolları Dövlət Agentliyinin Sabirabad rayonunda fəaliyyət göstərən 8 saylı Yol İdarəsinin əməkdaşı maaşını ala bilmədiyini bildirib.

Bu barədə Tribuna.az-a müraciət edən şikayətçi Ağayev Tural Nərbala oğlu qeyd edib ki, işlədiyi müddət ərzində ona ödənilməli olan əməkhaqları verilməyib.
Onun sözlərinə görə, məsələ ilə bağlı aidiyyəti qurumlara, o cümlədən Əmək Müfəttişliyinə rəsmi qaydada müraciət etsə də, şikayəti hələ də araşdırılmayıb:

“2020-ci ildən Azərbaycan Avtomobil Yolları Dövlət Agentliyinin 8 saylı Yol İdarəsində işləyirəm. Bir müddətdir əməkhaqqımı ala bilmirəm. Dəfələrlə müraciət etmişəm, amma heç bir nəticə yoxdur. Əmək Müfəttişliyinə də yazmışam, baxan yoxdur. Hər dəfə deyirlər sizə məlumat veriləcək, gözləyin. Ancaq hələ də bir nəticə yoxdur”.

Şikayətçi vəziyyətin araşdırılmasını və problemin həlli üçün tədbir görülməsini xahiş edir.

Öz qeyri-adi təyinatları ilə təhsil sistemini məhvə sürükləyən, Azərbaycan təhsilini təcrübə obyektinə çevirən Eşqi Bağırov məcburiyyətdən növbəti təəccüb doğuran kadr təyinatına imza atıb. Bu yaxınlarda Turanə Məcidlinin BŞTİ müdir müavini təyin olunması təhsil cameəsi tərəfindən heç də birmənalı qarşılanmayıb. Əslində bu təyinatın izi Ağ şəhərdəki evlərə qədər gedib çıxır. Yəni məcburiyyətdən doğan təyinatın sədası şəhər meriyasından başlayıb Ağ şəhərdə əks səda verir. ( bu barədə ətraflı növbəti yazımızda) İndiyə qədər hansısa ciddi uğuru ilə tanınmayan, amma vəzifə pillələrində sürətli yüksəlişi ilə təcrübəli atletləri belə geridə qoyan Turanə Məcidli cəmisi 8 ay öncə BŞTİ-də sektor müdiri təyin olunmuşdu. Görəsən onun hansı fövqəladə qabiliyyəti, yaxud innovativ fəaliyyəti Eşqi Bağırovu bu qədər cəlb edib ki, cəmisi 8 aydan sonra onu daha yüksək posta gətirib?
İllərlə təhsil sahəsində külüng çalan, neçə-neçə elmi işi olan şəxslər var ki, heç kimin yadına düşmür, quruca bir “çox sağ ol”la mükafatlandırılmır. Amma Turanə Məcidli 10 ildə karyerasında inanılmaz yüksəlişə nail olaraq indiki vəzifəyə təyin olunub. Bu xanıma sıravi müəllimlikdən paytaxtın təhsil idarəsinin müdir müavini olmasına qədər 10-12 il bəs edib. Nəzərə alsaq ki, Azərbaycan praktikasında bunun istedad, yaxud qabiliyyətlə mümkün olması o qədər də inandırıcı görünmür. O səbəbdən də Turanə Məcidlini himayə edən, əsən yellərdən, axan sellərdən qoruyan qüvvənin kim olduğu maraqlı deyilmi?
Xatırladaq ki, Turanə Məcidlinin yaxınları təhsil sistemində kök atmış “köhnə qvardiyanın” nümayəndələrindəndir. Onun qayınatası Məhəbbət Kazımovun dövlətə xəyanətdə ittiham olunan Ramiz Mehdiyevin əsas kadrlarından biri olduğu bildirilir. Qayınanası isə Bakı İdman Liseyinin direktorudur. Ən əsası isə qaynanası Təhminə xanımın Təhsil nazirinin sabiq müavini Məhəbbət Vəliyevanın yaxın rəfiqəsi olmasıdır. Azərbaycan təhsilinə xüsusi “məhəbbət” bəsləyən xanım Vəliyevanın, onları daim qanadının altında saxlayan Ramiz Mehdiyevin bu sahədə hansı faciəvi addımlar atdığı, təhsilimizə hansı sağalmaz yaralar vurduğu heç kimə sirr deyil. Görünür bu çetenin himayəsi ilə Turanə Məcidli sürətlə vəzifə pillələrində irəliləməyə müvəffəq olub. Paytaxtın təhsil sistemində böyük şəbəkə formalaşdıran Mehdiyev-Vəliyeva tandemi hələ də mövqelərini əldən vermək istəmir. Elə bu səbəbdəndir ki, paytaxtın təhsil sektorunu nəzarətdə saxlamaq üçün Turanə Məcidlini tezbazar müdir müavini təyin etdirməyə müvəffəq olublar. Dövlətə xəyanət ittihamı ilə ev dustaqlığına məhkum olunan qocaman akademikin hələ də təhsil sistemində dominant rol oynadığı aydın görünür. Yoxsa onun çətiri altında olmaqda ittiham olunan birinin sürətlə vəzifə pillələrində irəliləməsinə başqa nə ad vermək olar ? Maraqlı olan isə bu təyinata imza atan Eşqi Bağırovun və yaxud daha yüksəklikdə razılığ verənin ixtiyarının kimlərdə olmasııdır. Deyəsən cənab Bağırov Azərbaycan təhsilinə elə belə yox, “meravik məhəbbət” bəsləyir...

"Gəncədə direktor əməliyyatı"

Direktor təyinatı demişkən, bu barədə danışıb Eşqi Bağırovun məhşur "Gəncə əməliyyatı"nı qeyd etməmək günah olardı. Ən azından onun sabiq köməkçisi və "qara kassası" olmuş Vüqar İsmayılovun haqqına girmiş olarıq. Nədən ki, Vüqar İsmayılov direktor təyinatlarında hansı oyunlardan çıxıb, nələr eləyib bir özü,bir Allahı, bir şefi, ucundan-qulağından bir az da biz bilirik.
Doğrudur "Gəncə əməliyyatı" haqqında Təhsil Nazirliyi də bilmişdi, hətta məsələ böyüyüb iş o yerə çatmışdı ki,az qala hüquq mühafizə orqanlarına müraciət ediləcəkdi. Lakin, E.Bağırov bu dəfə də sudan quru çıxmağı bacardı. Doğrudur "Gəncə əməliyyatı"da az əməyi olmayan Vüqar İsmayılovu qurban verməli oldu. Amma deyəsən "qurbanı qəbul olundu", nədən ki, Təhsil Nazirliyi də sonradan bu məsələni çox da açıb ağartmadı.Amma
Çox maraqlıdır ki, bu boyda haqq hesabı heç nə olmamış kimi ört-basdır edənlər görəsən nə vaxta qədər cidanı çuvalda gizlətməyi bacaracaqlar
İndi biz kimin ,ƏDALƏTİNƏ" inanaq,
HAQQIN YOXSA EŞQİNİN?...
Davamı var.
fraksiya.az/

Bakıda üç yaşlı uşağın Suraxanı rayonu, Hövsan qəsəbəsində fəaliyyət göstərən 273 saylı bağçada şiddətə məruz qaldığı iddia olunur.

Azyaşlının valideyni Aygün Adıgözəlova bağçanın tərbiyəçi-müəlliminin bıçağı qızdıraraq uşağın əl nahiyəsinə - barmağına toxundurduğunu bildirib. Onun sözlərinə görə, buna səbəb uşağın çirklənmiş bezini təmizləməsini müəllimdən xahiş etməsi olub.

“Oktyabr ayında uşağın yaxasının cırıldığını gördüm. Ondan soruşdum, İlahə müəllimin şəklini göstərdi. Özünə zəng edib xəbərdarlıq etmişdim”, - valideyn deyib.

A.Adıgözəlova qeyd edib ki, ötən ilin oktyabrında baş verən hadisə ilə bağlı körpələr evi - uşaq bağçasının müdiriyyətinə müraciət etməyib. O, övladının bu il aprelin 8-də bağçanın tərbiyəçi-müəllimi İlahə Qarayeva tərəfindən yenidən şiddətə məruz qaldığını iddia edib: “Gördüm ki, əlində yara izi var. Uşaqdan soruşduğum zaman dedi ki, “bağçada bibi yandırıb”. Övladım bildirdi ki, “pampers”ini təmizləməsini istədiyi üçün müəllim onu döyüb. Ağladığı zaman susması üçün üstünə qışqırıb. Susmadığı üçün isə bıçağı mətbəxdə qızdıraraq əlinə basıb”.

Məsələ ilə bağlı Daxili İşlər Nazirliyinin Mətbuat Xidmətinin əməkdaşı Elbrus İbrahimov bildirib ki, Suraxanı rayonu ərazisində yerləşən uşaq bağçasında azyaşlıya xəsarət yetirilməsi iddiası ilə bağlı polisə məlumat daxil olub. Xəsarətin dərəcəsini müəyyən etmək məqsədilə müvafiq ekspertiza təyin edilib. Araşdırmalar davam etdirilir.(Xəzər TV)

Bakı şəhərinin Binəqədi rayonu, 9-cu mikrorayon, Mir Cəlal küçəsində yerləşən ərazidə aparılan tikinti işləri yerli sakinlərin narazılığına səbəb olub.

Bununla bağlı müraciət edən sakinlər iddia edirlər ki, “VİP Construction” MMC tərəfindən həyata keçirilən tikinti zamanı çoxsaylı ağaclar kəsilib və bu hal aidiyyəti qurumlara bildirilib, tədbir cavabı olaraq da dəfələrlə cəzalandırıldığı deyilib.

Şikayətçilərin sözlərinə görə, aprelin 16-sı tikinti aparılan ərazidə yerləşən bəzi ağaclar gecə saatlarında kəsilib. Hazırda isə ərazidəki digər ağaclar da kəsilmə təhlükəsindədir. Belə ki, tikinti materialları və dəmir konstruksiyalar ağacların üzərindən daşınır, bu da onların məhv olma riskini artırır.

Bildirilib ki, digər narahatedici məqam tikintinin aparıldığı ərazinin elektrik yarımstansiyasına yaxın olmasıdır. İddialara əsasən, bina yarımstansiyaya təxminən 10-15 metr məsafədə inşa olunur ki, bu da təhlükəsizlik baxımından təşviş doğurur.

Vətəndaşlar qeyd ediblər ki, məsələ ilə bağlı “Azərişıq” ASC-yə də müraciət olunub və qurum tərəfindən cavab olaraq tikintiyə Dövlət Şəhərsalma və Arxitektura Komitəsi tərəfindən icazə verildiyi vurğulanıb.

Mövzu ilə bağlı Dövlət Ekoloji Təhlükəsizlik Xidmətindən sorğumuza cavab olaraq bildirilib ki, Binəqədi rayonu, 9-cu mikrorayon, Mir Cəlal küçəsində ağacların kəsilməsi ilə bağlı xidmətə daxil olan şikayət 11 saylı Regional Ekologiya və Təbii Sərvətlər İdarəsinin əməkdaşları tərəfindən araşdırılıb: “Araşdırma zamanı “VİP Construction” MMC tərəfindən sözügedən ərazidə tikinti işləri aparılan zaman çoxgövdəli iki ağacın gövdələrindən ikisinin kəsilməsi nəticəsində ağacların zədələndiyi, lakin bioloji inkişafdan qalmadığı müəyyən edilib. Faktla bağlı akt tərtib olunub. Ərazidəki digər ağaclar inventarlaşdırılaraq identifikasiya nömrələri ilə işarələnib və agac.az portalına yerləşdirilib.

Eyni zamanda, MMC-nin hüquqi şəxs qismində cərimə olunması məqsədilə toplanmış materiallar Binəqədi Rayon Məhkəməsinə göndərilib və məhkəmənin qərarı ilə MMC 3000 manat məbləğində cərimə edilib.

Əraziyə keçirilən növbəti baxış zamanı 1 ağacın kəsildiyi müəyyən olunub. “VİP Construction” MMC-nin hüquqi şəxs qismində cərimələnməsi məqsədilə qanunamüvafiq tədbirlər görülür”.

Şikayətlə bağlı Fövqəladə Hallar Nazirliyinə də sorğu ünvanladıq. Qurumdan müraciətimizə belə cavab verildi: “Bakı şəhəri, Binəqədi rayonu, 9-cu mikrorayon, 3169-cu məhəllə, Mir Cəlal küçəsində “V.İ.P. Construction” MMC tərəfindən inşa edilən 2 girişli, 1 səviyyəli zirzəmi, kürsü mərtəbəsi, 16+ texniki mərtəbəli yaşayış binalarının (Blok-A və Blok-B) tikintisinə Azərbaycan Respublikasının Dövlət Şəhərsalma və Arxitektura Komitəsi yanında Bakı Şəhər Memarlıq və Şəhərsalma Baş İdarəsi tərəfindən 22.12.2021-ci il tarixli Tİ-119/21 nömrəli icazə sənədi verilib.

Yaşayış binalarına Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Təsisatdankənar Dövlət Ekspertiza Baş İdarəsi tərəfindən 02.03.2021-ci il tarixli 30981 nömrəli ekspertiza rəyi verilib.

Yaşayış binaları üçün 13.01.2023-ci il tarixli 0011 və 0012 nömrəli “Tikintidə Dövlət Nəzarət Jurnal”ları açıllb və və həmin tarixdən etibarən FHN-in Titikintidə Təhlükəsizliyə Nəzarət Dövlət Agentliyi tərəfindən tikintinin layihəyə uyğun aparılmasına nəzarət edilir.

Hazırda Blok A-da tamamlama işləri görülür. Blok B-nin 1-ci mərtəbəsində isə sütunların və diafraqmaların qəliblənməsi işləri davam edir”.

Tikintinin yerləşdiyi ərazinin elektrik yarımstansiyasına yaxınlığı barədə Binəqədi Rayon İcra Hakimiyyətinə sorğu ünvanlamışıq.

VİDEO LİNKDƏ: https://xalq.online/bineqedi-rayonunda-vip-construction-yarimstansiyanin-dibinde-agaclari-kesib-tikinti-aparir