Uzun illərdir Bakı Şəhər İcra Hakimiyyətinin balansında fəaliyyət göstərən “Bakı Şəhər Əsaslı Tikinti və Təmir” MMC-nin keçirdiyi iri həcmli tenderlərin əsas qaliblərindən biri kimi “Xezer-Construction” MMC çıxış edir.
2026-cı ildə də eyni tendensiyanın davam etdiyinin şahidiyik. Belə ki, bu il ayrılan təxminən 25 milyon manatlıq tenderi yenidən həmin şirkətin qazandığı və artıq təmir işlərinə start verdiyi qeyd olunur. Tenderin ümumi məbləğinin 23 milyon 478 min 460 manat təşkil edir.
Layihə çərçivəsində Bakı şəhərinin Nərimanov, Səbail, Nizami, Binəqədi, Xəzər, Qaradağ və Pirallahı rayonları ərazisində dövlət mənzil fonduna aid binaların təmiri nəzərdə tutulub. Artıq Bakı Şəhər İcra Hakimiyyətinin tabeliyində olan “Bakı Şəhər Əsaslı Tikinti və Təmir” MMC ilə “Xezer-Construction” MMC arasında müqavilə imzalandıb və işlərə start verilib. Həmçinin qeyd olunur ki, müqaviləyə əsasən 100-dən çox müxtəlif xidmət növünün həyata keçirilməsi planlaşdırılır. 00-dən çox müxtəlif xidmət növünün nə olduğu açıqlanmır və yəqin ki, bura çox kiçik həcmli işlər də əlavə edilməklə görünyü yaradılması mümkün olacaq.
Elə isə sual yaranır - hər il milyonlarla manatlıq tenderləri qazanan “Xezer-Construction” MMC kimə məxsusdur və niyə digər şirkətlər bu tenderlərdə qalib ola bilmir?
Bizimesr.com bildirir ki, “Xezer-Construction” MMC haqqında açıq mənbələrdə mövcud olan bilgilər məhduddur. Bildirilir ki, şirkətin qanuni təmsilçisi Binnətov Rəmzi Rüfət oğludur və şirkət 26 fevral 2018-ci ildə dövlət qeydiyyatına alınıb. Qeyd edək ki, fəaliyyət istiqaməti əsasən abadlıq işləri, səkilərin və həyətlərin yenilənməsi kimi sahələri əhatə edir. Həmçinin şirkətin daha çox “Bakı Şəhər Əsaslı Tikinti və Təmir” MMC-nin keçirdiyi tenderlərin qalibi kimi tanındığı bildirilir. Açıq mənbələrdə şirkət haqqında geniş məlumatın, o cümlədən rəsmi internet səhifəsinin mövcud olmadığı qeyd olunur. Şirkətin nizamnamə kapitalının isə cəmi 200 manat olduğu bildirilir.
Digər diqqət çəkən məqam isə ondan ibarətdir ki, təmir işləri ilə bağlı layihə-smeta sənədlərinin hazırlanması ənənəvi olaraq “Az.Arxitektura” MMC-yə həvalə olunur. Bildirilir ki, bu sənədlərin hazırlanmasına 1 milyon 407 min 240 manat vəsait xərclənib. Rəsmi məlumatlara əsasən, “Az.Arxitektura” MMC son 4 il ərzində 9 milyon manatdan artıq dəyərdə tender müqavilələri imzalayıb.
Həmçinin qeyd edilir ki, şirkət son olaraq 28 May küçəsindən “The Ritz-Carlton Baku” otelinə qədər olan 12 hektar ərazini əhatə edən yeni istirahət parkının layihə-smeta sənədlərinin hazırlanması üzrə keçirilən tender müsabiqəsinin qalibi elan olunub və bu layihə üzrə 2 milyon 387 min 833 manat 84 qəpik vəsait ayrılıb.
“Az.Arxitektura” MMC-nin qanuni təmsilçisinin Şükürlü Yunis Sahib oğlu olduğu bildirilir. Gənc yaşına baxmayaraq Yunis Şükürlünün mühəndis-dizayner kimi tanındığı qeyd olunur. Bildirilir ki, o, bundan əvvəl Göyçay rayonu Mədəniyyət və Turizm şöbəsinin müdiri, daha sonra isə Ağdaş Regional Mədəniyyət və Turizm İdarəsinin rəis müavini vəzifələrində çalışıb.
Qeyd edək ki, Yunis Şükürlü “Global Engineering Management Company” MMC-nin də rəhbəridir. O, bu şirkəti 2022-ci ildə, yəni 19 yaşında təsis edib. Şirkətin əsasən dövlət qurumları üçün layihə-smeta sənədlərinin hazırlanması sahəsində fəaliyyət göstərdiyi və son 5 ildə 40-dan çox tenderin qalibi olduğu qeyd olunur. Eyni zamanda bildirilir ki, şirkət ötən il etibarsız təchizatçı reyestrində də yer alıb.
Əsas müzakirə doğuran məqam isə ayrılan vəsaitlərin həcmi ilə görülən işlərin mahiyyəti arasındakı fərqlə bağlıdır. İddia olunur ki, aparılan təmir işləri əsaslı xarakter daşımır. Belə ki, binaların konstruktiv problemlərinin aradan qaldırılması əvəzinə əsasən fasadların rənglənməsi, həyət ərazilərində qismən abadlıq işlərinin aparılması və dağılmış hissələrin örtüklərinin dəyişdirilməsi həyata keçirilir. Bu isə ümumi olaraq kosmetik təmir görüntüsü yaradır.
Bundan əlavə, qeyd edilir ki, təmir işləri daha çox yol kənarında yerləşən və görünən binaları əhatə edir. Məsələn, Xəzər rayonu, Buzovna qəsəbəsində aparılan işlərlə bağlı iddialara görə, eyni binaların hər il təkrar-təkrar təmir edildiyi müşahidə olunur. Bildirilir ki, bu binalar əsasən yol kənarından görünən tikililərdir və onların fasadları mütəmadi olaraq rənglənir. Arxa tərəfdə yerləşən binaların isə baxımsız vəziyyətdə qaldığı iddia olunur.
Bu vəziyyətin sakinlər arasında narazılıq yaratdığı bildirilir. Sosial şəbəkələrdə çoxsaylı Buzovna sakinlərinin gördükləri işlərin əsaslı təmir deyil, yalnız görüntü xarakteri daşıdığını qeyd etdikləri vurğulanır. Onların sözlərinə görə, yalnız yol kənarındakı binalar təmir edilir, digər binalar isə diqqətdən kənarda qalır. Həmçinin qeyd olunur ki, oxşar vəziyyət Bakı şəhərinin digər qəsəbə və rayonlarında da müşahidə edilir.
Beləliklə, qeyd olunan faktlar fonunda milyonlarla manat vəsait ayrılan təmir layihələrinin icrası, keyfiyyəti və real təsiri ilə bağlı sualların açıq qaldığı bildirilir.
Bizimesr.com

Medianın İnkişafı Agentliyi onlayn media subyektlərinə dəstək üçün müsabiqə elan edib.

Bu barədə MEDİA-dan məlumat verilib.

Bildirilib ki, Media Reyestrinə daxil edilmiş ictimai-siyasi və idman məzmunlu kütləvi informasiya dərc edən onlayn media subyektləri müsabiqədə iştirak edə bilərlər.

Müsabiqədə iştirak etmək üçün müraciət və ona əlavə edilən sənədlər elektron formada mib.media.gov.az portalı vasitəsilə Azərbaycan Respublikasının Medianın İnkişafı Agentliyinə təqdim edilir.

Media subyektlərinin müsabiqədə iştirak etməsi üçün bir nəfər məsul redaktor və üç nəfər jurnalist olmaqla ən azı dörd nəfərdən ibarət heyəti olmalıdır.

Müsabiqənin yekununda qalib elan edilmiş onlayn media subyektləri ilə Agentlik arasında həmin subyektlərin hər birinə aylıq 5000 (beş min) manat məbləğində maliyyə yardımının göstərilməsinə dair müqavilə imzalanır və 6 (altı) ay müddətində qüvvədə olur. Bu dövr ərzində müvafiq dörd nəfər işçinin hər birinin əməkhaqqının minimum məbləği 800 (səkkiz yüz) manat təşkil etməlidir.

Qeyd edək ki, müsabiqəyə 12 may 2026-cı il saat 18:00-dək müraciət etmək mümkündür.

Müsabiqənin qaydaları ilə buradan ətraflı tanış ola bilərsiniz.

https://media.gov.az/uploads/2025/11/onlayn-media-musabiqe-qaydalari.pdf

Azərbaycan Texnologiya Universitetində (ATU) səhər saatlarında çox sayda ağacın kəsilməsini əks etdirən video görüntülər üzə çıxıb.

32gun.az-a daxil olan daxil olan foto və video materiallardan aydın olur ki, universitetin girişində və inzibati binanın qarşısında yerləşən ağaclar kəsilib.

Məlumata görə, ağacların kütləvi şəkildə kəsilməsi prosesi universitetin daxili həyətində də müşahidə olunur. Universitetin daxili ərazisindəki bəzi ağacların da kütləvi şəkildə kəsilməsini əks etdirən görüntülər mövcuddur.

ATU- nun rektoru Yaşar Ömərov yaşıllıqları qənim kəsilibdir.

Sözü gedən ərazidə quru ağaclar da var, amma nədənsə yaşıl ağaclara qarşı "ekoloji terror" törədirlər.

Yaşıllıqların məhv edilməsi fonunda Ekologiya və Təbii Sərvətlər Nazirliyinin regional strukturları baş verənlərə hələ də səssiz qalır.

***

32gun.az-a daxil olan məlumata görə, ümumilikdə 14 ağac kəsilib.

Bakının tanınmış yaşayış komplekslərindən olan “Azure Residenc“e (Meafun) bu günlərdə təkcə komfort deyil, həm də “qanunların necə işləmədiyi”nin canlı nümunəsinə çevrilib. Mediatvaz.com-a müraciət edən sakinlərin şikayətindən sonra redaksiya əməkdaşları hadisə yerində olub, çəkiliş aparıb və ortaya çıxan mənzərə açıq desək, heç də ürəkaçan deyil.

Zirzəmi bağlanıb. Sadəcə qapı kilidlənməyib – işıqlar söndürülüb, müşahidə kameraları deaktiv edilib, giriş bloklanıb. Maraqlıdır ki, məhz həmin zirzəmidə binanın elektrik qovşaqları, su nasosları və istilik sistemləri yerləşir. Yəni fövqəladə vəziyyət baş versə, ilk lazım olan yer elə həmin “bağlı zona”dır. Bundan əlavə, yüzlərlə vətəndaşın daşınar əmlakı (avtomobili) də təhlükə altındadır. Əmlaka hər hansı bir ziyan dəysə müşahidə kameraları olmadığından nə baş verdiyini nə bilmək, nə də sübut etmək mümkün olacaq. Amma görünür, təhlükəsizlik məsələsi kimlər üçünsə prioritet deyil.

Sakinlər bunu artıq “parkinq mübahisəsi” kimi yox, açıq risk kimi qiymətləndirir. Onların sözlərinə görə, 324 ailə faktiki olaraq idarəetmə eksperimentinin içində yaşayır – gah lift dayanır, gah binadaxili sürahilər (eskalator) söndürülür, gah digər texniki sistemlər “səbəbsiz” sıradan çıxır, gah da müxtəlif adlarla ödənişlər tələb olunur. Bütün bunların isə təsadüf olmadığı iddia edilir.

Ən maraqlı və eyni zamanda ən düşündürücü məqam isə başqadır: sakinlərin bildirdiyinə görə, sözügedən MTK məhkəmə qərarı ilə bina üzərində hüququnu itirib. Yəni hüquqi baxımdan məsələ artıq həll olunmuş sayılmalıdır. Amma görünən odur ki, bu qərar kağız üzərində qalıb. Praktikada isə əvvəlki idarəetmə eyni qaydada davam edir.

Bu yerdə sual yaranır: əgər məhkəmə qərarı var və icra olunmursa, problem haradadır? Qanunda, yoxsa onun tətbiqində?

Sakinlər binanı idarə edən Güvənli Servis Management MMC və əlaqəli şəxslərin fəaliyyətindən narazıdır. Onların iddiasına görə, qərarlar sakinlərin iradəsi nəzərə alınmadan qəbul edilir və vəziyyət getdikcə daha da gərginləşir.

Məsələ ilə bağlı Daxili İşlər Nazirliyi, Fövqəladə Hallar Nazirliyi və Əmlak Məsələləri Dövlət Xidməti-nə dəfələrlə müraciət edildiyi bildirilsə də, sakinlərin sözlərinə görə, hələlik ortada real nəticə yoxdur. Görünür, bu məsələ də “baxılır” statusunda qalmaqda davam edir.

Sakinlər arasında səslənən iddialardan biri də odur ki, adı hallanan Babək Babayev məmur qohumuna arxayın olduğu üçün vəziyyətə bu qədər rahat yanaşır. Onların fikrincə, məhz bu “rahatlıq” məhkəmə qərarına baxmayaraq əvvəlki fəaliyyətin davam etdirilməsinə şərait yaradır. Amma fakt budur ki, bir tərəfdə məhkəmə qərarı, digər tərəfdə isə dəyişməyən reallıq var. Arada isə 324 ailə qalır.

Sakinlər tərəfindən son dəqiqə verilən məlumata görə, medianın gəlişini eşitdikdən dərhal sonra qarajın işığı yandırılsa da Babək Babayevin tapşırığı ilə bəzi şəxslərin giriş kartları bloklanıb.

Qeyd edək ki, sakinlər məhkəmə qərarının icra olunmadığı üçün məsələ məhz bura qədər gəlib çıxdığını deyirlər. Məhkəmə qərarının icra olunmaması isə bütöv bir yaşayış binasının yüzlərlə sakinlərini dövlətin qurumları və qanunları ilə üz-üzə qoyur. Qanunların icrası mı zəifdir, Babək Babayevin “qoruyucu mələyi”mi güclüdür aidiyyəti dövlət qurumlarıın məsələdən xəbərdar olmasından sonra bəlli olacaq.
Qarşı tərəfin mövqeyini dərc etməyə hazırıq.

Məsələ ictimai əhəmiyyət daşıdığından Mediatvaz.com olaraq prosesi diqqətdə saxlayacağıq. Görünən odur ki, burada təkcə zirzəmi yox, daha dərin problemlər var. Odur ki, mövzunu davam etdirəcəyik!!!(Mediatvaz.com)

Dünyaca məşhur “fast food” şəbəkəsi KFC-nin Azərbaycandakı fəaliyyəti və satışa çıxarılan məhsulların təhlükəsizliyi ilə bağlı suallar artıb. Son illərdə bu restoran şəbəkəsi tez-tez şikayətlərlə gündəmə gəlir. İstehlakçılar məhsulların bayat və ya tam bişməmiş şəkildə verildiyini bildirirlər.
Növbəti belə şikayətlərdən biri də sosial şəbəkələrdə paylaşılıb.
Restorana üz tutan müştəri ona təqdim edilən toyuğun çiy, xoşagəlməz qoxulu olduğunu və üzərində qan izləri gördüyünü bildirib.
Müştəri narazılığını belə ifadə edib:
“O boyda yol gedirik, pul veririk. Amma o qədər iyrəndim ki, artıq toyuğa baxa bilmirəm”.
Sözügedən paylaşıma yüzlərlə istifadəçi şərh yazaraq, oxşar vəziyyətlə qarşılaşdıqlarını, satılan ətin çiy və qanlı olduğunu iddia ediblər. Həmin şərhlərdən bir neçəsini təqdim edirik:
Qida eksperti İlkin Şirinov Bakupost.az-a bildirdi ki, görüntülərdən toyuğun xarici hissəsi ədviyyatlarla qızardılmış olsa da, daxili hissəsinin çiy qaldığı hiss olunur:
“Bunu həm rəngindən, həm də sümük üzərindəki mayedən anlamaq mümkündür. Belə hallar adətən müştəri sıxlığı və sifarişlərin tez çatdırılması səbəbindən baş verir. Bəzən məhsul tam bişmədən təqdim olunur ki, bu da narazılıq yaradır”.
Azad İstehlakçılar Birliyinin sədri Eyyub Hüseynov isə bildirdi ki, birlik bu məsələdə istehlakçılarla maarifləndirmə işləri aparır:
“Xüsusilə azyaşlı uşaqların McDonald’s, KFC kimi məkanlardan istifadəsinin məhdudlaşdırılmasını tövsiyə edirik. Bu şirkətlər insanların sıx olduğu yerlərdə aktiv şəkildə təmsil olunurlar. Təəssüf ki, yerli ekoloji məhsullar arxa planda qalır.
Belə hallarla bağlı video paylaşan şəxslər mütləq məhsulu haradan aldıqlarını dəqiq göstərməlidirlər. Əks halda, bu cür iddialar rəqib şirkətlərin fəaliyyəti kimi qiymətləndirilə bilər. Vətəndaşlara tövsiyə edirik ki, 1100 qaynar xətti vasitəsilə Qida Təhlükəsizliyi Agentliyinə müraciət etsinlər”.

Bakupost.az

Paytaxtın Xəzər rayonu, Ramana qəsəbəsi, Anar Mehdiyev küçəsində tikilən çayxana sakinlərin narazlığına səbəb olub.

XALQ-ın məlumatına görə, sakinlər iddia edirlər ki, rəsmi sənədi olmayan iaşə obyekti qanunsuz artırılıb, üstəlik, əraziyə toplaşanların səs küyü narahatlığa səbəb olur.

Həmçinin sözügedən ərazidə ağacların da kəsildiyi iddia olunur.

Lakin sahibkar səs-küylə bağlı olan şikayətləri təkzib edir. Onun sözlərinə görə, obyektdə səs-küyə səbəb olacaq heç nə yoxdur. Obyektin qanunsuz olmasına gəldikdə isə, sahibkar deyib ki, sənədlər aidiyyəti üzrə təqdim olunub və yaxın vaxtlarda çıxarış alacaq.

Məsələ ilə bağlı Xəzər Rayon İcra Hakimiyyətinə müraciət etsək də, cavab ala bilmədik.

DİN-in Mətbuat xidmətnin əməkdaşı Elbrus İbrahimov isə bildirdi ki, qeyd olunan obyektdə səs-küylə əlaqədar sakinlərin müraciəti əsasında polis əməkdaşları tərəfindən araşdırma aparılıb və icarədara xəbərdarlıq edilib. Gələcəkdə bu kimi halların təkrarlanacağı təqdirdə barəsində əlavə məsuliyyət tədbirlərinin görüləcəyi onun diqqətinə çatdırılıb.

Ağacların kəsilməsi ilə bağlı iddialara gəldikdə isə, Dövlət Ekoloji Təhlükəsizlik Xidmətindən bildirildi ki, sözügedən ünvanda ağacların kəsilməsi ilə bağlı daxil olan şikayət 11 saylı Regional Ekologiya və Təbii Sərvətlər İdarəsinin əməkdaşları tərəfindən araşdırılıb və təsdiqini tapıb.

Faktla bağlı akt tərtib olunub. Təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar Baş Prokurorluğa göndərilib.

Xezerxeber.az mövzu ilə bağlı daha ətraflı videomaterialı təqdim edir.

Bir müddət bundan əvvəl millət vəkili Əlibala Məhərrəmzadəyə məxsus “A and J Holding”in mülkiyyətində olan “Şahdağ” hotel kompleksinin binasında qanunsuz tikinti aşkarlanması barədə xəbər təqdim etmişdik.

Quba şəhəri Lütfizadə küçəsində yerləşən həmin hotelin 6-cı mərtəbəsində layihədən kənar aparılan tikinti-quraşdırma işləri müvafiq icra hakimiyyəti orqanı tərəfindən aşkarlanmışdı. Məlumatın yayılmasından sonra millət vəkili mətbuat vasitəsi ilə bu xəbəri təkzib edən açıqlamalar verərək həmin hoteldə heç bir qanunsuz tikintinin olmadığını bəyan etmişdi.

Əlibala Məhərrəmzadənin mətbuat vasitəsi ilə cəmiyyətə bu xəbərin yalan olduğu barədə açıqlamalarının verildiyi 28 aprel tarixində FHN-nin Tikintidə Təhlükəsizliyə Nəzarət Dövlət Agentliyinin 28 aprel 2026-cı il tarixli qərarı ilə bəhs etdiyimiz həmin hoteldəki tikinti-quraşdırma işlərinin dayandırılması barədə qərar çıxarılıb.

Hər yalan öz içində ifşasının tarixini daşıdığı kimi, Əlibala Məhərrəmzadənin də “qanunsuz deyil” açıqlamasını bəyan etdiyi həmin gündə, həmin tarixdə açıqlamanın yalan, tikintinin isə qanunsuz olduğu elan olundu.

Bu, FHN-nin deputat Əlibala Məhərrəmzadənin mənəvi mülkiyyətində, amma qardaşının adında olan “A and J Holding” barəsində elan etdiyi ilk qərar deyil. Şirkətin Quba şəhəri Nəriman Nərimanov küçəsi 75 ünvanında inşa etdiyi tikililərin dayandırılması barədə 27 oktyabr 2023-cü il, 30 yanvar 2025-ci il və 19 noyabr 2025-ci il tarixli üç qərarı olmasına baxmayaraq, tikintilər davam etdirilib. Tikintidə Təhlükəsizliyə Nəzarət Dövlət Agentliyi artıq bu barədə FHN-nin əməliyyat-istintaq idarəsinə müraciət edib. Həmin faktla əlaqədar olaraq Quba RPŞ-nin istintaq bölməsində də cinayət işi açılıb, iş icraata götürülüb.“7Times.az”

VİDEO LİNKDƏ: https://xalq.online/fhn-i-deputat-elibala-meherremzadenin-qardasinin-qanunsuz-tikintilerini-dayandirdi

Bərdə səhiyyəsində özbaşınalıqlar və şübhəli maliyyə əməliyyatları baş alıb gedir. Anaxeber.info.az-a verilən məlumata görə, rayonun doğum evi ilə bağlı yeni faktlar üzə çıxıb. Məlumata görə, Bərdənin doğum evində Baxşeyiş həkimin şəxsi vəsaiti hesabına alınan aparat uğrunda mübarizə gedir. Belə ki, həmin aparatla bağlı direktor müavini Vasif hüquq-mühafizə orqanlarına müraciət edib. Bildirilir ki, rayon prokurorluğun və polisinə şikayət edərək sözügedən aparatın doğum evinin anbarına qoyulmasını tələb edir. Halbuki həmin avadanlıq Baxşeyiş həkimin öz vəsaiti hesabına alınıb və doğum evinə məxsus deyil. Məlumatda deyilir ki, hətta bu şikayətin ardınca aparat təmirdən geri qaytarılıb və doğum evinin anbarına qoyulub. Burada əsas məqsəd isə odur ki, xəstəxanaya maliyyə yoxlaması gələndə doğum evinin müdiri Tünzalə Bəşirova və müavini Vasif həkimə bir problem yaranmasın.
Bərdə doğum evində qalmaqala səbəb olan bu hadisə indi bir məsələni açıq qoyur: Bərdə səhiyyə şöbəsi nə vaxtsa bu aparatdan alıbmı? Və alıbsa harada istifadə olunub? Üstəlik, təşkilatın direktoru olduğu halda Vasif doktor və Tünzalə xanım bu məsələyə görə niyə canfəşanlıq edirlər? Bütün hallarda məsələnin araşdırılmasına ehtiyac var. Çünki Baxşeyiş həkimin öz cibinin pulu ilə aldığı aparatı əlindən alaraq doğum evinin anbarına yerləşdiriblər, bu azmış kimi, avadanlığın tibb ocağına aid olduğunu həyasız şəkildə iddia edirlər. Görünür ki, dövlətin vəsaiti ilə alınmış, yaxud heç alınmayıb pulu yeyilmiş avadanlığın yerini Baxşeyiş doktorun aldığı ilə doldurmağa, öz qanunsuz hərəkətlərini isə ört-basdır etməyə çalışıblar. Qeyd olunur ki, məsələ barədə Səhiyyə Nazirliyindən, TƏBİB-dən və TƏBİB-in Bərdə rayon Mərkəzi Xəstəxanasından araşdırma aparılması xahiş olunur. Bu yoxlama nəticəsində müəyyən edilə bilər ki, vətəndaşa aid aparat hansı firmadan və neçənci ildə alınıb.
Азер Талибов
Anaxeber.info.az

Azərbaycanın bir qrup xalçaçısı "Tərəqqi" medalı ilə təltif edilib.

Prezident İlham Əliyev bununla bağlı Sərəncam imzalayıb.

Təltif edilən xalçaçılar:

Ağalıyeva Neva Şahpələng qızı

Babayeva Aidə Elman qızı

Babayeva Ceyhunə Zakir qızı

Eyyubova Raya Şahvələd qızı

Əbilova Nazilə Əlisəfa qızı

Əhmədova Şəfiqə Məzəddin qızı

Əkbərova İradə Xanağa qızı

Ələkbərova Vüsalə Mərifət qızı

Əsgərova Kəmalə Sərdar qızı

Həsənova Xaliqə Yelmar qızı

Hüseynova Dilşad Mahmud qızı

Qənbərova Nargilə Əliağa qızı

Qurbanova Sədaqət Əmir qızı

Nəsirova Jalə Abduləli qızı

Nuriyev Əlisafa İdris oğlu

Özbəkova Gülgəz Mətləbulla qızı

Rəhimova Nailə Allahverdi qızı

Şahmuradova Alisa Sadıq qızı.

02 aprel 2026-cı il tarixində 10/348 nömrəli rəsmi məktubla TƏBİB rəhbərliyinə ünvanlanan elektron sorğunun bu günədək cavabsız qalması artıq sıradan bir gecikmə deyil. Bu, açıq şəkildə qanunvericiliyin tələblərinə məhəl qoyulmaması, ictimaiyyətə qarşı hörmətsizlik və şəffaflıqdan yayınma cəhdidir.Qanunvericiliyə əsasən, dövlət qurumları vətəndaşların və media subyektlərinin sorğularına müəyyən edilmiş müddətdə cavab verməyə borcludur. Lakin görünən odur ki, TƏBİB bu öhdəliyi ya bilərəkdən görməzdən gəlir, ya da sistemli idarəetmə böhranı ilə üz-üzədir. Hər iki hal isə ciddi suallar doğurur.
Mediatvaz.com-un redaksiyasına daxil olan məlumatlar vəziyyətin daha da ağır olduğunu göstərir. Bildirilir ki, bir neçə gün əvvəl TƏBİB nümayəndələri Qobustan Rayon Mərkəzi Xəstəxanasında yoxlamalar aparıblar. Bu faktın özü artıq həmin tibb müəssisəsində müəyyən problemlərin mövcudluğunu təsdiqləyir. Amma məsələ bununla bitmir.Məlumata görə, xəstəxananın direktoru Günay Muradova işə gəlməyən əməkdaşların yerinə davamiyyət jurnalında imzaların atılmasını tapşırıb. Əgər bu fakt təsdiqini taparsa, bu artıq sadəcə intizam pozuntusu deyil, rəsmi sənədlərin saxtalaşdırılması, korrupsiya elementləri və vəzifə səlahiyyətlərindən sui-istifadə deməkdir.Redaksiyamıza təqdim olunan fotofaktlar isə vəziyyətin nə qədər acınacaqlı olduğunu açıq şəkildə göstərir. “Ölü canlar” – yəni kağız üzərində mövcud olub faktiki olaraq işə gəlməyən, lakin əməkhaqqı alan şəxslərin olması iddiaları ölkənin səhiyyə sistemində ciddi boşluqların olduğunu bir daha üzə çıxarır.Anar Bayramov bu faktlara göz yumacaq, yoxsa dərhal araşdırma başladacaq? Çünki ortada sadəcə intizam pozuntusu deyil, dövlət vəsaitinin mümkün təyinatdan kənar istifadəsi ilə bağlı ciddi şübhələr var. Burada əsas sual yaranır: TƏBİB rəhbərliyi bu baş verənlərdən xəbərdardırmı,aparılan yoxlamalar “Ölü canlar”-ı üzə çıxarıbmı, yoxsa bu cür qanunsuzluqlara bilərəkdən göz yumulur? Əgər yoxlamalar aparılıbsa, niyə nəticələr ictimaiyyətə açıqlanmır? Niyə media sorğuları cavabsız qoyulur?Susqunluq artıq mövqe deyil, məsuliyyətdən yayınmaqdır. TƏBİB nümayəndələri anlamalıdır ki, informasiya gizlədildikcə problemlər yox olmur, əksinə daha da dərinləşir. Qobustan Rayon Mərkəzi Xəstəxanası obyektiv araşdırılmalı və günahkar şəxslər qanun qarşısında cavab verməlidir. Əks halda bu cür halların davam etməsi qaçılmaz olacaq.
Mediatvaz.com
Bu ilin yanvar-fevral ayında işçilərin işə davamiyyət jurnalından çıxarışdı