Fevral ayında vəzifəsindən azad edilən Tibbi Ərazi Bölmələrini İdarəetmə Birliyinin (TƏBİB) icraçı direktoru Vüqar Qurbanovun Mingəçevir şəhər Mərkəzi Xəstəxanasındakı adamı Ülfət Qurbanov həkimlərin başına oyun açır.

Bu barədə haqsız yerə işdən çıxarılan Mingəçevir şəhər Mərkəzi Xəstəxanasının həkimi kardioloq Gülü Namazova bildirib. O qeyd edib ki, 4 ildir çalışdığı xəstəxanadan Ülfət Qurbanov onu heç bir səbəb olmadan çıxarıb:

“Mən Mingəçevir Mərkəzi Xəstəxanasında 4 il çalışmışam. Bu ilin yanvar ayında Vüqar Qurbanovun adamı Ülfət Qurbanov adımda heç bir izahat, töhmət, işə gecikmə halı olmadığı halda işimə xitam verib. Mən bu haqsızlığa görə çəkiliş edirəm.
Hörmətli Anar Bayramov, Mingəçevir Mərkəzi Xəstəxanasında heç də hər şey göründüyü kimi deyil. Ülfət Qurbanov bu xəstəxanada “at oynadır”. Kimi istəyir işdən çıxarır, iclaslarda işçiləri təhqir edir”.

Məsələ ilə bağlı Mİngəçevir şəhər Mərkəzi Xəstəxanası ilə əlaqə yaratmağa çalışsaq da, zənglərimizə cavab verən olmadı.(Tribuna.az)

Ayağında 5 barmaq əvəzinə 3 barmaq olan 25 yaşlı Fəzail Amil oğlu Abbasquliyev yararlı kimi hərbi xidmətə qəbul edilib.

Bizimesr.az bildirir ki, bu barədə sosial şəbəkədə hərbi bloqer Tofiq Şahmuradov paylaşım edib.

O qeyd edib ki, F. Abbasquliyev daha əvvəl bir neçə dəfə hərbi komissiyadan keçsə də, yararsız kimi xidmətə göndərilməyib. Lakin Dövlət Tibbi-Sosial Ekspertiza və Reabilitasiya Agentliyinin müayinəsindən sonra onun yararlı olduğu müəyyənləşib:

“Səfərbərlik və Hərbi Xidmətə Çağırış üzrə Dövlət Xidmətinin Füzuli rayon şöbəsi vətəndaşı yoxlanış üçün Elmi-Tədqiqat Travmatologiya və Ortopediya İnstitutuna göndərib. Orada vətəndaşın hərbi xidmətə yararsız olması barədə rəy verilib. Xidmət bu rəyə əsasən onu yararsız kimi orduya göndərməyib. Buna baxmayaraq, Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi yenidən vətəndaşı müayinə edib və bu müayinədən sonra onun 3 barmağı olub 5 barmaq. Həmin rəyə əsasən, onu avtobusa əyləşdirib hərbi xidmətə yola salıblar”.(Bizimesr.az)

“Aqrar tədarük və təchizat” ASC-nin adı bir Bir mənbədən satınalmada vasitəçi kimi hallanır
Azərbaycan Respublikası Səhiyyə Nazirliyinin 1 Nömrəli Körpələr Evi “Qubadoğlu” Məhdud Məsuliyyətli Cəmiyyəti (MMC) ilə Ərzaq məhsullarının alınması ilə bağlı müqavilə bağlayıb. 16.04.2026-ci il tarixdə dövlət satınalmalarının vahid internet portalında yerləşdirilmiş məlumata görə tərəflər arasında Bir mənbədən olmaqla bağlanan müqavilənin dəyəri 316.335.05 AZN-dir...
Bu istiqamətdə oxucularımızın Yenixeberorg.com-a ötürdüyü məlumata görə, tərəflər arasındakı bu əməkdaşlığın özünəməxsus səbəbləri var...Məlumata görə bu müqavilə üzrə satınalma proseduru dövlət satınalmalarının vahid internet portalında keçirilməmişdir (elektron satınalma deyil)(?) Başqa sözlə 1 Nömrəli Körpələr Evi yuxarıda qeyd etdiyimiz iş üzrə müvafiq satınalma müsabiqəsi elan etmədən, bir mənbədən olmaqla “Qubadoğlu” MMC ilə müqavilə bağlayıb.
Uşaq bağçası, körpələr evi 1 saylı uşaq körpə evi, Bakı, foto

Bu ilginc faktor olmaqla bərabər, məlum qanunla qadağan da deyil. Amma,...müvafiq əsaslandırmalarla!
Bu arada qeyd edək ki, Azərbaycan Respublikasının “Dövlət satınalmaları haqqında” Qanunun 15.1 maddəsində göstərilir ki, məxfi məlumatlarla əlaqəli satınalmalar istisna olmaqla, bütün dövlət satınalmaları yalnız məlum portal vasitəsilə həyata keçirilir.
Eyni zamanda Qanunun 49-cu maddəsində qeyd olunur ki, bir mənbədən satınalma metodu aşağıdakı hallarda tətbiq olunur: satınalma predmeti yalnız hər hansı konkret təchizatçıda olduqda; satınalma predmetinin əvəzedicisi və alternativi olmadıqda; satınalma predmetinə təcili tələbat yarandıqda; təbii fəlakətlər, texnoloji qəzalar, epidemiyalar baş verdikdə və fövqəladə xarakter daşıyan digər hallarda bilavasitə insanların həyat və sağlamlığına vurulan ziyanın qarşısının təcili alınması məqsədilə; satınalma predmeti kəşfiyyat və əks-kəşfiyyat fəaliyyətini təmin edən tələbata aid olduqda.
Göründüyü kimi, "Dövlət satınalmaları haqqında" Qanunda bir mənbədən satınalamaları zəruri edən şərtlər aydın şəkildə sadalanır...
İndi isə sual olunur: 1 Nömrəli Körpələr Evinin Ərzaq məhsullarının alınması ilə bağlı müvafiq satınalma müsabiqəsi etmədən, birbaşa “Qubadoğlu” MMC ilə müqavilə bağlaması hansı səbəblərdən qaynaqlanır???
Bu prosesdə dövlətin pulunu xərcləyən tərəf kimi, 1 Nömrəli Körpələr Evi tərəfindən hansı məsul şəxslər iştirak edib, rəhbərlik kimə məxsus olub?
Söhbət hansı ərzaq məhsullarından gedir?
“Qubadoğlu” MMC-nə niyə üstünlük verilib? Və s...
Qubadoğlu” MMC ilə bağlı...
Bu şirkətlə bağlı internet üzərindən apardığımız araşdırmalarla maraqlı faktlar üzə çıxdı:
Məlum oldu ki, “Qubadoğlu” MMC Ağcabədi rayonu Aşağı Avşar kəndində ət kəsimi-satışı ilə məşğul olur. Bu barədə Qida Təhlükəsizliyi Agentliyinin Qurban bayramı günlərində qurbanlıq heyvan kəsimi və satışının müvafiq norma və qaydalara uyğun heyvanların baytarlıq nəzarəti altında kəsimi və satışı həyata keçirəcək ticarət şəbəkələrinin ünvanları və əlavə məlumatları www.qurbanliq.satish.az linkə daxil olmaqla əldə etmək olar.
Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “QUBADOĞLU” (VÖEN: 1604035851) Məhdud Məsuliyyətli Cəmiyyətinin 03.06.2020-ci il tarixdə 8 saylı Ərazi Vergilər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının, BAKI ŞƏHƏRİ NİZAMİ RAYONU, KEŞLƏ ŞTQ, 1-Cİ KÖNDƏLƏN, ev 23, m. 4/1A, qanuni təmsilçisi kimi isə Məhərrəmov Vüsal Qubad oğlu qeyd olunub.

Bundan əlavə elektron medianın 2024-cü ilin fevralında yaydığı yaydığı məlumata görə “Qubadoğlu” MMC-yə qarşı İnzibati Xətalar Məcəlləsinin 483-cü (Xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmaması) maddəsi ilə ittiham irəli sürülüb. İşə Nizami Rayon Məhkəməsində Nəriman Mehdiyevin sədrliyi ilə baxılacaq.
Daha bir məlumatda isə “Qubadoğlu”MMC barəsində İnzibati Xətalar Məcəlləsinin 483-cü (Xarici iqtisadi fəaliyyətin həyata keçirilməsi nəticəsində əldə edilmiş və Azərbaycan Respublikasının müvəkkil olunmuş banklarının hesablarına məcburi qaydada köçürülməli olan az miqdarda xarici valyuta vəsaitlərinin xaricdən qaytarılmaması) maddəsi ilə iş başlanıb. İşə Xəzər Rayon Məhkəməsində baxılacaq. Hüseyn Hüseynli iş üzrə hakim təyin edilib.
Qeyd edək ki, 483-cü maddədə inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə edilməsi nəzərdə tulur.
Göründüyü kimi, “Qubadoğlu” MMC-nin adı təkrar olunan bir sıra şübhəli maliyyə əməliyyatlarında hallanır.
Adı dəfələrlə məhkəmə müstəvisində hallanan “Qubadoğlu” MMC ilə bağlı internet üzərindən heç bir əlaqə vasitəsinə rast olmaq mümükün deyil?) Heç bir əlaqə vasitəsinin olmaması faktı da dövlətin milyonlarla vəsaitinin belə bir şirkətə etibar edildiyinə ciddi şübhələr doğurur...
Cavabsız suallar...
Biz Yenixeberorg.com olaraq, bu və digər şübhələrə aydınlıq gətirmək məqsədi ilə 1 Nömrəli Körpələr Evinin baş həkimi Dürdanə xanım Budaqovaya online rəsmi sorğu ünvanladıq...
Aydın və azsaylı suallarımız belə idi:
1. 1 Nömrəli Körpələr Evinin Qubadoğlu MMCilə satınalma proseduru dövlət satınalmalarının vahid internet portalında keçirilibmi? Əgər belə deyilsə, bu satınalmada “Dövlət satınalmaları haqqında” Azərbaycan Respublikasının qanunun 15-ci və 49-cu maddələrinin tələblərinə nə dərəcədə əməl edilib və bir mənbədən satınalma hansı zərurətdən olub?
2. Əgər satıalma elan olunubsa, satınalma komissiyasında neçə nümayəndəniz olub, kimlərdir və sədr kimdir?
3. Müsabiqədə neçə iddiaçı iştirak edib, hansılardır və “Qubadoğlu” MMC hansı üstünlükləri ilə qalib olub?
4. “Qubadoğlu” MMC-ninanaloji işlərdə təcrübəsi, potensialı, texniki və digər lazımı imkanları haqqında hansı məlumatlarınız var?
5. “Qubadoğlu” MMC-ninson birildəki fəaliyyəti haqqında vergi orqanları tərəfindən təsdiq olunmuş maliyyəhesabatı (Vergi borcu ilə bağlı.) və maliyyə vəziyyəti haqqında müvafiq bank arayışı varmı?
6. “Qubadoğlu” MMC-ninmüvafiq xidmətlər üzrə uyğunluq sertifikatları (Yaxud Lisenziyası) varmı, varsa hansı qurumlardan alınıb?

Təəssüf ki, sorğumuzda yer alan suallara aydınlıq gətirilmədi... Cavab məktubunu ümumi söz yığını da adlandırmaq olar: Bildiririk ki, butun müqavilələr və satınalma prosedurları Azərbaycan Respublikasının "Dövlət satınalmaları haqqında" Qanununa və müvafiq qaydalara tam uyğun olaraq təmin edilib. Əgər iddianızda konkret pozuntular varsa, nəzərinizə çatdırmaq istərdik ki, satınalma proseduru “Aqrar Tədarük və Təchizat” ASC-nin vasitəçiliyi ilə bağlanmış müqavilə yolu ilə həyata keçirilmişdir. Eyni zamanda nəzərinizə çatdırırıq ki, bağlanmış müqavilə Antiinhisar və İstehlak Bazarına Nəzarət Dövlət Xidmətinin rəsmi saytrnda yerləşdirilmişdir. Xidmət satınalma proseslərini araşdırmaq və qərar qəbul etmək səlahiyyətinə malikdir.
Hörmətli Baş həkimə xatırlatma...
Əvvəla, hörmətli Baş həkimə xatırlatma xatırlatmaqda fayda var ki, hər bir Azərbaycan insanı vergiləri sayəsində formalaşan büdcə vəsaitinin necə xərcləndiyini bilməlidir. Bu onun haqqı və hüququdur...
Dövlət büdcəsi nə kiminsə dədə-babasından qalma xəzinə deyil, nə də hansısa yardım fondu deyil ki, ölkə ictimaiyyəti və aidiyyatı dövlət orqanları tərəfindən bir o qədər də, maraqlı görünməsin... Dövlətin pulun heç bir məmur, səlahiyyət sahibi könülü istədiyi kimi xərcləyə bilməz, xərcləməməlidir də!(Yenixeberorg.com:)
Uşaq bağçası, körpələr evi 1 saylı uşaq körpə evi, Bakı, foto

TƏBİB-in rəhbərinin işdən ayrılması xəbəri ilə yanaşı, onun işlədiyi dövrdə baş verən neqativ hallar haqqında da, ətraflı yazıldı

İndi isə sizlərə TƏBİB-in keçmiş rəhbəri Vüqar Qurbanovun işdən çıxmadan 1 gün öncə işlədiyi qanunsuz əməlindən, özü də ən son gündə Azərbaycan Səhiyyəsinə vurduğu ən pis ziyanından danışmaq istərdik.

Belə ki, ölkə səhiyyəsinə hörməti olan heç bir rəhbər belə bir təyinata imza atmazdı, onsuzda imza atmamışlar, çünki Vüqar Qurbanov bu təyinatı TƏBİB-in Müşahidə Şurasının qərarı olmadan, təkbaşına bütün qaydalara zidd şəkildə vermişdir. Əcabə Niyə? Nəyə görə? Nə qarşılığında?.

Söhbət 16 fevral 2026-cı il tarixdə yəni Vüqar Qurbanovun vəzifədən azad edilən günü, Nizami Tibb Mərkəzinə yeni baş həkim təyin olunması haqqında da xəbər paylaşıldı və bu vəzifəyə Əhmədov Fikrət Əli oğlu təyin edildiyi bildirildi. Lakin, həmin gün Nizami Tibb Mərkəzinə 2-ci bir təyinat da, olmuş və bu təyinat ictimaiyyətə açıqlanmamışdır.
Belə ki, Mərkəzə direktor müavini və doğum evinə yeni baş həkim təyin edilmiş və bu şəxs
Mama-ginekologiya sahəsində işləsədə bu sahədən çoxda məlumatı olmayan Rəhimova Gülnarə təyin edilmişdir.
Çoxda məlumatı olmayan yazdıq çünki, əldə etdiymiz məlumatlar bu adamın bildiyi ən yaxşı iş doğum evinin əvvəlki rəhbəri və hazırda Nizami tibb Mərkəzinin direktoru olun Vəfa Hüseynovanın “qara kassası” olmaqla pul toplamaqdan ibarətdir.

Doğum evində bütün kollektiv bilir ki, ora müraciət edən bütün xəstələr mütləq Rəhimova Gülnarəyə’ yönəldilməlidir, onunla görüşdürülməlidir, bundan sonra, o da, öz kefinə uyğun baxır pulunu danışır və həkimlərə, yəni işinin professionalı olanlara əsl həkimlərə yönləndirir, həmin həkimlərdə məcburən o xəstələri əməliyyat və digər prosedurları edir, yekunda da,

Gülnarə “həkim” nə versə qəbullanırlar. Gülnarə doktor o qədər ədalətlidir ki, hətta xoşuna gəlməyən həkimlərədə xəstə verir əlbəttə də ki, pul verməyənləri, haqqını tələb edənləri, qanunları bilənləri bu tip xəstələri həkimlər, doğurdan öz sahəsinin peşəkarlar arasında bölüşdürür.

Məhz belə səbələrə görə bu doğum evində işləyən işini peşəkarı və ən əsası adamı olan həkimlər bu xəstəxandan uzalaşdılar. Yəni bir sozlə sanki doğum evi yox, Şəmkirin Kolxoz bazarıdır, “Bazarkom”da öz işində. Hələ bu azmış kimi, Vəfa Hüseynovanın idarəetməsi altında işləməsinə baxmayaraq, hər kəlməsində doğum evində düzgün iş qurulmadığını, əvvəlki baş həkimi, indiki direktorunun düzgün iş qurmadığını, onun qoyduğu qaydaların tam qanunsuz olduğunu bildirməklə yanaşı bu “tanınmış doktorcuq” işinin professionalı olan, öz peşələrini sevən həkimlərimizi də, onun kefinə uyğun davarmayacaqları halda işdən qovacağı ilə hədələyir. Onları işdən atacağını, onlara “göstərərəm” deyə təhdid etməsi, onlara əsl işin necə qurucağını, iclaslarda öz tipinə uyğun bazar alverçilərinin dili ilə danışmaqla ölkə səhiyyəsinə əsl üzqarası olduğunu göstərir. Yuxarıda da, qeyd edtik Niyə? Nəyə görə? Onun da cavabı var – Rəhimova Gülnarə öz dilindən bəzi həkimlərin yanında bu vəzifə üçün V.Hüseynova vasitəsilə Vüqar Qurbanova 150 000,00 (yüz əlli min) manat verdiyini demişdir. Ona gördə onun təyinatı TƏBİB-in müşahidə şürasından və ictimaiətdən gizlədilmişdir.

Hal hazırda Rəhimova Gülnarə bazarkomlar kimi, xəstəxanada mühafizə (öz tibb bacısı, özəl) ilə gəzir. Ümid edirik ki, TƏBİB-in indiki rəhbərliyi bu məsələni nəzarət götürərək ən azından, əvvəlki xələfinin 1 gün əvvəl etdiyi səhvin aradan qaldırılmasına cəhd göstərəcəkdir.

Bundan başqa əvvəllər bu doğum evində işləmiş lakin müəyyən səbələrdən 2 il əvvəl burdan qovulmuş, sonradan Sabunçu və Xəzər Tibb mərkəzlərinə işə düzəlmiş, lakin ordan da qovulmuş (deyilənə görə rüşvət, x) bir həkim Anestezioloq-reanimatoloqu təkrar bura işə götürməyə hazırlıq gedir.

Həmin həkim də, artıq hər yerdə hamıya 30 000, (otuz min) manat ödədiyini, hətta şöbə müdiri olacağını bildirmişdir.Sabunçu və Xəzər Tibb Mərkəzlərinə 25 000, (iyirmi beş min) manat ödəyərək işə girdiyini, işdən çıxanda isə direktorlara onlara pul verərkən səslərinin yazdığını bildirərək şantaj etmiş və pulunu geri istəmişdir.

.Bu “qoçaq” həkim haqqında da, əvvəlki fəaliyyəti və məcaraları barədə ətraflı məlumat veriləcək.
Paytaxt.org

VİDEO LİNKDƏ: https://xalq.online/vefa-huseynzade-ile-150-min-manatliq-sovdelesme-gulnare-rehimova-ile-bagli-ilginc-faktlar

Daşınmaz Əmlakın Dövlət Reyestri Xidmətinin keçmiş rəisi Arif Qaraşov nə zamandır gözə dəyməsə də, bir ara sabiq MTN şefi Eldar Mahmudovla bağlı Prezidentə etdiyi şikayəti ilə diqqətə gəlmişdi. Keçən il isə Qaraşovun ağır xəstəlik keçirdiyi məlum oldu.

"DİA-AZ" bildirir ki, sabiq oliqarx-məmurlardan olan Arif Qaraşov bu gün də əlində köhnə biznes rıçaqlarını saxlamaqdadır

Bu barədə özünün sosial şəbəkə hesabında paylaşım edən tanınmış jurnalist Fadil Paşayev olduqca ilginc bir məqama toxunub. Yuxarıdakı fotoları ictimailəşdirən jurnalist yazır:

"Gördüyünüz foto XXI Əsr Beynəlxalq Təhsil və İnnovasiya Mərkəzinin binasıdır. Arif Qaraşovun yaratdığı məktəbdir. O məktəb ki, bir şagirdin illik təhsil haqqı 11. 500-12. 500 manatdır. Məktəbdə isə 750 nəfərdən çox şagird təhsil alır. Bilirsiniz, söhbət hansı Qaraşovdan gedir? Uzun illər Daşınmaz Əmlakın Dövlət Reyestri Xidmətinin rəisi işləyən bir oliqarx məmurdan. İllik gəliri orta hesabla 8 milyon manatdan çoxdur. Bu isə ona məxsus olan kommersiya əsaslı obyektlərdən cəmi birinin qazanc göstəricisidir. Belə "uğur hekayəsini" görən digər məmurlar sizcə nə etməlidirlər?!"

Bir daha xatırladaq ki, ağır onkoloji xəstəlikdən əziyyət çəkən cənab Qaraşovun hazırda biznesinə oğlu nəzarət edir və Arif Qaraşov "toxunulmaz" hesab olunan sabiqlərdən hesab olunur...Dia-az

Zaqatala şəhər Vasif İsmayılov küçəsinin sakinləri 30 il bundan əvvəl inşa olunan ikimərtəbəli, 3 bloklu yaşayış binasının damının qəzalı vəziyyətdə olduğunu, yağan yağışların mənzillərə tökülməsindən şikayətçidir.

Vəziyyəti yerində araşdırmaq üçün Bizim.Media-nın əməkdaşı deyilən ünvanda olub.

Sakinlər mənzilin damı ilə yanaşı blokların qapısı olmadığından bloka itlərin daxil olduğunu, əşyalarını apardığını bildirir.

Zaqatala şəhəri Vasif İsmayılov küçəsində yerləşən çoxmənzilli binanın sakini Adilə Musayeva kimi hər kəs uzun illərdir yağan yağışlardan narahatdır. Sakinlərin sözlərinə görə, yağış yağandan az keçməmiş əllərində vedrə evdən, mətbəxdən sonra da binanın bloklarından su təmizləməyə başlayırlar.


Binanın digər sakini Elsurə Abışova da bina istifadəyə veriləndən onun damının dəyişdirilmədiyini, bu səbəbdən azbes-şifer örtüyünün istismar vaxtının çoxdan keçdiyini, bu səbəbdən yağış yağan zaman damlarına su damdığını bildirir.

Zaqatala Rayon İcra Hakimiyyyətinin şəhər üzrə nümayəndəsi, Mənzil Kommunal təsərrüfatının rəhbərliyi məsələ ilə əlaqədar əraziyə birgə baxış keçirdikdən sonra bildirilib ki, ötən il bu məhəllədə abadlıq işlərinə başlanılsa da, maliyyə vəsaiti tükəndiyindən işlər yarıda saxlanılıb.

Yaxın müddətdə binanın damının və həyətin əsaslı abadlaşdırılması üçün əlavə maliyyə vəsaiti ayrılacağı gözlənilir. Vəsait ayrılan kimi binanın damının dəyişdiriləcəyini, həmçinin həyətdə abadlıq işlərinin yekunlaşdırılacağı diqqətə çatdırılıb.

Şəhər üzrə nümayəndə vəzifəsinə yeni təyin edilən Ceyhun Hüseynov onu da əlavə edib ki, ilk növbədə şəhərin bütün məhəllə və binaları, həyətlərini gəzərək sakinlərlə tanış olur, onları dinləyərək qeydlər götürürlər. Şəhər nümayəndəsi söhbət gedən bu binanın və həyətin ilin sonuna kimi Zaqatalanın ən abad və səliqəli məhəllələrdən birinə çevriləcəyini də sözlərinə əlavə edib.

Sakinlər də öz növbəsində şəhər rəsmilərinin gəlişindən və aparılan söhbətdən razılıq edərək işlərin başlayacağı günü səbrlə gözləyəcəklərini deyiblər.(Bizim.Media)

Cinayət əməlinə görə vəzifədən uzaqlaşdırılan, barəsində cinayət işi açılan Laçın Mərkəzi Xəstəxanasının sabiq direktoru Güllü İbadova sabiq TƏBİB rəhbəri Vüqar Qurbanov tərəfindən qoruma altına alınaraq Bakı Baş Səhiyyə Mərkəzinin direktorunun tibbi xidmətin təşkili üzrə müavini vəzifəsinə təyin olunmuşdu. Bu barədə məlumatlar ölkə mətbuatında dəfələrlə yazılıb və səsləndirilib.
Bu günlərdə məlum olub ki, TƏBİB-in yeni icraçı direktoru Anar Bayramov da Güllü İbadovaya Bakı Baş Səhiyyə Mərkəzinin direktoru səlahiyyətlərini verib.
Belə ki, bir neçə il əvvəl Laçın Mərkəzi Xəstəxanasının sabiq direktoru, baş həkimi, 1985-ci il təvəllüdlü Güllü İbadova Bakı Baş Səhiyyə Mərkəzinin direktorunun tibbi xidmətin təşkili üzrə müavini vəzifəsinə təyin olunub. Məlumata görə, Güllü İbadova Baş Prokurorluq tərəfindən Laçın Rayon Mərkəzi Xəstəxanasına ayrılmış vəsaiti, yəni ona etibar edilmiş özgə əmlakını vəzifə səlahiyyətlərindən istifadə etməklə israf etmə yolu ilə talamaqda ittiham olunub. Onun barəsində Cinayət Məcəlləsinin 179.2.3 və 179.2.4-cü maddələri ilə cinayət işi açılıb və iş məhkəməyə göndərilib.
İddialara əsasən, Güllü İbadova 2017–2020-ci illər ərzində ştat cədvəllərində saxtakarlıqlar edərək 17 575,92 manat məbləğində dövlət vəsaitini mənimsəyib.
Xatırladaq ki, Vüqar Qurbanov bu yaxınlarda vəzifəsindən azad edilib və bu qərar geniş müzakirələrə səbəb olub. Onun ardınca Anar Bayramov quruma rəhbər təyin edilib. Yeni rəhbərliyin ilk günlərində bir sıra tibb müəssisələrində rəhbər şəxslərin vəzifədən uzaqlaşdırıldığı baş verir. Bu proses çərçivəsində Bakı Şəhər Baş Səhiyyə İdarəsinin rəisi Elçin Əmirov də vəzifəsindən kənarlaşdırılıb və idarəetmənin müvəqqəti olaraq müavinlərə həvalə olunub. Lakin burada diqqət çəkən mühüm məqam var. Məlumata görə, hazırda Bakı Baş Səhiyyə Mərkəzinin idarə olunması məhz Güllü İbadovaya həvalə olunub. Bu isə ciddi suallar doğurur. Bir tərəfdən TƏBİB-də “təmizləmə” və islahat siyasətindən danışılır, digər tərəfdən isə barəsində cinayət işi açılmış və sonradan məsuliyyətdən azad edilmiş şəxsin yenidən yüksək vəzifədə saxlanılması müşahidə olunur.
Bu hansı islahatdır? Bu hansı fərqdir?
Baş həkim olduğu dövrdə ciddi qanun pozuntuları ilə ittiham olunan və sonradan Vüqar Qurbanov tərəfindən qorunaraq yüksək vəzifəyə gətirilən şəxslərin yenidən irəli çəkilməsi yeni rəhbərliyin yanaşması ilə nə dərəcədə uyğun gəlir? Əslində, yeni rəhbərliyin “təmizləmə” siyasətinin əsas istiqamətlərindən biri məhz belə hallara qarşı prinsipial mövqe nümayiş etdirmək olmalıdır. Çünki bu kimi şəxslərin sistemdə qalması korrupsiya risklərinin davam etməsi ilə bağlı narahatlıqları artırır.
Ümid etmək olar ki, yeni rəhbərlik bu məsələyə aydınlıq gətirəcək və səhiyyə sistemində daha şəffaf və prinsipial idarəetmə modeli formalaşdıracaq. Əks halda, əvvəlki və indiki yanaşmalar arasında ciddi fərqin olmadığı barədə fikirlər daha da güclənə bilər.(Xalq.online)

Bakı şəhər sakini Ərəstun Rzayev martın 23-ü vəfat edən oğlunun həkim səhlənkarlığının qurbanı olduğunu iddia edir.

“Qafqazinfo”ya müraciət edən Ə.Rzayev 34 yaşlı övladının ölümündən 12 gün əvvəl əməliyyat edildiyini bildirib.

O, oğlu Adil Rzayevin ölümü ilə bağlı obyektiv araşdırma aparılmasını xahiş edib: “Oğlum Adilin səhhətində yaranmış problemə görə onu martın 11-də “SPERO Hospital”a apardıq. Oradakı KT müayinəsi nəticəsində oğlumun dalağının arxa hissəsində qan toplanması (hematoma) olduğu bildirildi. Elə həmin gün Adili dərhal Respublika Diaqnostika Mərkəzində həkim İlqar İsmayılovun qəbuluna apardım. O, övladımın dərhal cərrahi əməliyyat edilməsinin zəruri olduğunu bildirdi. KT və analizlərin nəticəsinə əsasən tam diaqnoz təyin edə bilmədiyi üçün ilk öncə endoskopik (kamera ilə), əgər zərurət yaranarsa, açıq əməliyyata keçəcəyini bildirdi. Əməliyyatdan sonra İlqar İsmayılov mənə prosesin uğurlu olduğunu, qan yığıntısının təmizləndiyini və bir azdan palataya keçiriləcəyini dedi. Lakin qan yığınının nədən yaranması barədə dəqiq məlumat vermədi”.

Şikayətçi bildirib ki, oğlu 6 gün xəstəxanada qalıb: “Martın 12-si həkimdən oğlumun səhhəti barədə soruşdum. Dedi ki, hər şey qaydasındadır. Amma Adil palatada yatdığı müddətdə hər gün ağrılarının olduğunu və ağrıkəsici dərmanların vurulduğunu söyləyirdi. Hətta ağrıdan səhərə qədər yata bilmədiyini deyirdi. İlqar həkimdən bu ağrıların səbəbini soruşduqda əməliyyatın ağrısının olduğunu söyləyirdi, amma uşağımın ağrıları dayanmırdı. Martın 17-si onun köməkçisi olan Ramil həkim oğlumu xəstəxanadan çıxara biləcəyimizi deyərək qalan məbləği gətirməyimi söylədi. Həkimə tərəfimizdən ümumilikdə 5 000 manata yaxın pul verildi. Çıxarış sənədlərini soruşduqda bayramdan sonra veriləcəyini bildirdi. Oğlum mənə həmin günü UZİ-dən (USM-dən) keçdiyini və həkimin ona hər şeyin qaydasında olduğunu söylədiyini dedi”.

Ərəstun Rzayevin sözlərinə görə, evə gətirildikdən sonra da övladının ağrıları davam edib: “Martın 19-da Adili İlqar həkimin yanına apardım və ona dedim ki, uşağımın ağrıları hələ də keçmir. O, qarın nahiyəsinə iki barmağı ilə baxaraq heç bir şey olmadığını, hər şeyin qaydasında olduğunu dedi. Mən nə qədər narahatlıq hissimi bildirsəm də, təşviş üçün heç bir əsas olmadığını deyərək məni arxayın saldı. Martın 22-si oğlumun ağrıları artdığı üçün həyat yoldaşım Ramil həkimlə danışıb, o da KT müayinəsindən keçirməyi söyləyib. Bayram günləri olduğu üçün heç bir yer işləmədiyinə görə martın 23-də “SPERO Hospital”da Fariz həkimin yanında KT müayinəsindən keçirdik. Nəticəni Fariz həkim İlqar İsmayılova vatsap vasitəsilə atdı. Yoldaşım İlqar həkimə səs atdıqda o bildirdi ki, “mən səs yazılarına qulaq asmıram və ölkə xaricindəyəm, uşağınızı başqa dövlət xəstəxanasına yerləşdirin”. Artıq 1 saylı Kliniki Tibbi Mərkəzə oğlumu çatdırdıqda təcili əməliyyata alındı, əməliyyat masasında dalağının partladığı, qarın boşluğunun qanla dolu olması məlum oldu. Əfsus ki, oğlumu xilas etmək mümkün olmadı. Təəssüfləndirici digər məqam odur ki, İlqar İsmayılov bir dəfə belə olsa, bizə zəng edib xəstə ilə maraqlanmadı, telefonlarımıza cavab vermədi, oğlum vəfat etdikdən sonra adi başsağlığı belə vermədi”.


Mərhumun atası övladının ölümünə keçirdiyi dalaq əməliyyatı və sonrakı ağırlaşmaların səbəb olduğunu düşünür: “Bütün faktlar əməliyyatı həyata keçirən Respublika Diaqnostika Mərkəzinin həkimi İlqar İsmayılovun səhvinin olmasını göstərir. Oğlum barəsində tərtib olunmuş ölüm haqqında şəhadətnamədə bilavasitə ölümə səbəb kimi trombositlərin keyfiyyət qüsurları, Bernar Sulye (nəhəng trombositlər) sindromu, Qlansman trombasteniyası göstərilib, patoloji prosesin başlanması ilə ölüm arasında fərqin 12 gün olması qeyd edilib. Patoloji prosesin başlanması ilə ölüm arasında zamanın 12 gün qeyd edilməsi ölümün səbəbinin birbaşa olaraq İlqar İsmayılov tərəfindən edilmiş əməliyyat olduğuna işarə edir. Çünki həmin əməliyyat ölümdən 12 gün qabaq edilmişdi”.

Ə.Rzayev hadisə ilə bağlı aparılan araşdırmaların gedişatından narazı olduğunu əlavə edib: “İş üzrə araşdırmanın Abşeron Rayon Prokurorluğunda aparılmasının məntiqi izahı yoxdur. Əməliyyat baş verən ərazinin Abşerona heç bir aidiyyəti yoxdur. Oğlum Yasamal rayonunda yerləşən klinikada əməliyyat edilib və işə bu rayonun prokurorluğunda baxılmalıdır. Oğlumun vəfatından sonra onun dalağı tərəfimizdən özəl klinikalardan birinə təhvil verilsə də, bizim xəbərimiz və məlumatımız olmadan götürülərək ekspertizaya təqdim edildiyi bildirilib. Bütün bunların bizə heç bir məlumat verilmədən aparılması məndə araşdırmanın ədalətli araşdırılmadığı və nəticənin də ədalətli olmayacağı qənaətinə gətirir. Hazırda iş üzrə ekspertiza təyin olunub. Xahiş edirəm, məsələyə obyektiv baxılsın və faktla bağlı cinayət işi açılaraq ətraflı istintaq tədbirləri həyata keçirilsin”.

Məsələ ilə bağlı prokurorluqdan sorğumuza cavab olaraq bildirilib ki, hazırda araşdırmalar davam etdirilir. Ekspertizanin rəyinə əsasən, cinayət işi açıla bilər.


İttihamlarla əlaqədar həkim İlqar İsmayılovla da əlaqə saxladıq. O, saytımıza açıqlamasında Adil Rzayevin ölümünün onun 11 mart tarixində keçirdiyi cərrahi əməliyyatla əlaqəli olmadığını deyib: “Adil Rzayev təsadüfən bizim yanımıza gəlməyib. Onun atası Ərəstun bəyi bir neçə ay əvvəl bağırsaq xərçənginə görə çox mürəkkəb əməliyyat etmişdik. O da gecikdirilmiş vəziyyətdə yanımıza gəlmişdi. Uğurlu əməliyyat oldu. Adil isə bizə müraciət etməmişdən təxminən 6 ay əvvəl beyin qanaxması – insult keçirmişdi, daha sonra başqa bir mərkəzdə öd kisəsindən əməliyyat edilmişdi. Bundan sonra qarındakı ağrılarla bizə müraciət etmişdi. 1 həftə evdə nəzarətsiz saxlayıblar və müayinə edərkən məlum oldu ki, 1 həftədir qarın boşluğuna qan yığılıb və böyükölçülü qan laxtasını götürmək üçün təcili əməliyyat etmişik.
Əməliyyatla qan laxtasını götürdük, əməliyyatın videosu da mövcuddur. Orada görünür ki, dalaq sağlamdır, hər hansı qanaxma yoxdur. 1 həftə xəstəxanada qaldı və müayinələr də göstərdi ki, əməliyyat etdiyimiz yer təmizdir və evə buraxıldı. Sonradan kontrola gəldikdə də baxdıq və məlum oldu ki, vəziyyəti kafidir. Daha sonra bayram günlərində bizim və komandamızın Bakıda olmadığı dönəmdə anası zəng edib ki, kəskin ağrıları başlayıb. Biz də dedik ki, dərhal tomaqrafiyadan keçsin. KT edən həkim də bizə müayinənin nəticəsini göndərdi, səs də göndərdi və dedi ki, Adildə başqa yerdə qanaxma var. Məlum oldu ki, bu dəfə tamamilə başqa yerdə – dalağın içində qanaxma var. Anasına bildirdik ki, təcili əməliyyata ehtiyac ola bilər, dərhal xəstəxanaya aparılsın. Sonra Kliniki Tibbi Mərkəzə aparılıb və orda əməliyyat vaxtı vəfat edib. Ölümə nə səbəb olub hələ ki, bilinmir. Bizdə olduğu müddətlə, keçirdiyimiz əməliyyatla heç bir əlaqəsi yoxdur ölümün. Çox güman ki, xəstənin damar problemi olub. Biz bütün bunları xəstənin yaxınlarına izah etdik. Ola bilər ki, emosional vəziyyətlə bağlı şikayət edirlər”.(Qafqazinfo)

Ömrünün 45 ilini müəllim peşəsinə həsr etmiş, iki oğlu Qarabağ döyüşlərinin iştirakçısı olan Natella Məmmədovaya Naxçıvanın Şahbuz rayon İcra Hakimiyyəti problem yaratmağa davam edir.

Tribuna.az-a bu barədə məlumat verən şikayətçi bildirib ki, həm özü, həm də mərhum həyat yoldaşı uzun illər dövlətə və xalqa xidmət edib, müəllim kimi yüzlərlə şagird yetişdiriblər. Lakin bu gün onlar ən sadə dolanışıq problemini belə həll edə bilmirlər.
İki oğlu Qarabağ döyüşlərinin iştirakçısı olan N.Məmmədova uzun müddətdir maddi sıxıntı səbəbindən özlərinə məxsus və bütün sənədləri qaydasında olan həyətyanı torpaq sahəsində kiçik dükan tikərək dolanışıqlarını təmin etmək istəyir. Lakin Şahbuz Rayon İcra Hakimiyyətinin başçısı Rəfael Babayev qərəzli şəkildə buna mane olur, müxtəlif bəhanələrlə ailəyə problem yaradır.
Natella Məmmədova bildirir ki, məsələ ilə bağlı Naxçıvan rəhbərliyinə də dəfələrlə müraciət edib və ailənin sosial vəziyyəti, övladlarının müharibə iştirakçısı olması nəzərə alınaraq onlara köməklik göstərilməsi tapşırılıb.
Buna baxmayaraq, Şahbuz rayonunun başçısı Rəfael Babayev müxtəlif səbəblərlə tikintiyə mane olmağa davam edir.
Şikayətçi qeyd edir ki, başqa şəxslərə yolun mühafizə zolağına daha yaxın ərazilərdə obyekt tikintisinə şərait yaradıldığı halda, onların ailəsinə fərqli münasibət göstərilir. Bildirirlər ki, yola yaxın yerdə belə tikinti aparmaq olmaz:

“Bizim yol kənd yoludur. Bu dövlət əhəmiyyətli yol deyil ki, icazə verməsinlər. Biz dövlət əhəmiyyətli yola yaxın dükan tikmirik ki. Qanunlardan da xəbərimiz var. Bizim sadə dolanışığımız üçün tikmək istədiyimi dükan kənd yoluna yaxındır. O yol da dövlət əhəmiyyətli sayılmır. Ancaq icra hakimiyyəti bunu nəzərə almır. Boş və qanunsuz formada bizə icazə vermirlər”.

Mövzu ilə bağlı Tribuna.az-a danışan Sosial Hüquqların Müdafiə Mərkəzinin rəhbəri Xəzər Teyyublu bildirib ki, şəhid ailələrinə və qazilərə dövlət qayğısı var və hər hansı məmur səlahiyyətlərindən sui-istifadə edərək onları incitməklə, süründürməklə dövlətin maraqlarına zidd addım atmış sayılır.
Hüquq müdafiəçisi hesab edir ki, Şahbuz rayonunda yaranmış problemin aradan qaldırılması üçün Naxçıvanın yeni rəhbərliyi tapşırıq verməlidir:

“Vətənin azadlığı uğrunda döyüşlərdə iştirak etmiş müharibə veteranlarına köməklik göstərmək məmurların borcudur. Onlar bizim təhlükəsiz şəraitdə fəaliyyət göstərməyimiz üçün səngərdə vuruşublar. İndi qazilərin öz mənzil, sadə dolanışıq şəraitini yaxşılaşdırması üçün hər hansı bir addım atırsa, onlara əngəl olmaq yox, kömək göstərmək, dəstək vermək lazımdır”.

X.Teyyublu qeyd edib ki, bəzi yerlərdə kiçik məmurlar özlərini padşah kimi aparır və vətəndaşları dövlətdən narazı salan hərəkətlərə yol verirlər:
“Cənab prezident dəfələrlə xəbərdarlıq edib ki, icra başçıları, vəzifəli şəxslər vətəndaşlarla işləməlidirlər, onların müraciətlərini dinləməlidirlər. Bu günə qədər olarla icra başçısı, vəzifəli şəxs həbs olunub, işdən azad edilib, onların yerinə təyin olunan məmurlara dövlət başçısı tapşırıqlar verib, lakin bi görürük ki, bəzi hallarda bu etimaddan sui-istifadə edənlər olur”.

Xatırladaq ki, məsələ ilə bağlı Şahbuz Rayon İcra Hakimiyyəti ilə dəfələrlə əlaqə saxlamağa çalışsaq da, cəhdlərimiz uğursuz alınıb.(Tribuna.az)

Qarşı tərətin mövqeyini dinləməyə hazırıq.

Kənd Təsərrüfatı Nazirliyinin nəzdində fəaliyyət göstərən Azəraqrar Dövlət İstehsalat və Emal Birliyində rəhbərlik dəyişikliyindən sonra qurum ətrafında müzakirələr səngimir.

Biziməsr.com-un əldə etdiyi məlumata görə, hazırda quruma rəhbərlik edən Hikmət Hüseynovun dövründə geniş kadr dəyişikliklərinə hazırlıq gedir. İddialara əsasən, yaxın günlərdə başlanacağı gözlənilən bu dəyişikliklər çərçivəsində vaxtilə müxtəlif səbəblərlə, əsasən yeyinti faktları ilə işdən uzaqlaşdırılmış şəxslərin yenidən vəzifələrə qaytarılması nəzərdən keçirilir.

Məlumatda bildirilir ki, vəzifəyə gətiriləcəyi iddia olunan şəxslər arasında əvvəllər korrupsiya faktları ilə bağlı cinayət işi açıldığı və bu səbəbdən vəzifəsindən uzaqlaşdırıldığı deyilən keçmiş direktor Çərkəz Şirinov, eləcə də dövlətə məxsus buğda məhsullarının mənimsənilməsi iddiası ilə işdən çıxarıldığı qeyd olunan Mirağa Kazımovun adı keçir.

İddialara görə, Çərkəz Şirinovun “Azəraqrar”ın Şərqi Zəngəzur Regional İdarəsində, Mirağa Kazımovun isə Mərkəzi Aran Regional İdarəsində rəhbər vəzifələrdən birinə təyin olunması gözlənilir.

Mənbə iddia edir ki, bu proseslərə qurum rəhbərliyində təmsil olunan şəxslər, o cümlədən direktor müavinləri Həsən Abdullayev və Fəxrəddin Qəhrəmanov tərəfindən rəhbərlik olunur.


Bundan əvvəl yerli mediada yayılan məlumatlarda Həsən Abdullayev və Fəxrəddin Qəhrəmanovun Hikmət Hüseynov üzərində təsir imkanlarına malik olduqları iddia edilirdi. Həmin iddialarda onların müxtəlif əlaqələr vasitəsilə rəhbərliyə təsir göstərdikləri də qeyd olunurdu. Adıçəkilən şəxslərlə bağlı mümkün kadr təyinatları üzrə ilkin danışıqların əsasən Həsən Abdullayev tərəfindən aparıldığı bildirilir.

Məlumata görə, Həsən Abdullayev Prezident Administrasiyasında çalışan qohumu vasitəsilə, Fəxrəddin Qəhrəmanov isə nazirin hərbi xidmətdə komandiri olması səbəbilə Məcnun Məmmədova yaxın olduqlarını tez-tez Hikmət Hüseynova xatırladaraq onu təsirləri altında saxladıqları iddia olunur.

Qeyd olunan bütün məlumatlar iddia xarakterlidir və rəsmi qurumların mövqeyi hələlik açıqlanmayıb.

Biziməsr.com