Öz qardaşını nəzarətində olan qurumda — müsabiqəsiz, elansız, testsiz — yüksək maaşlı vəzifəyə yerləşdirmək. Üstəlik, aidiyyəti olmayan sahəyə cəlb etmək. Sonra isə tribunaya çıxıb şəffaflıqdan danışmaq...

Son üç ildə Azərbaycan QHT sektoru üzrə rəsmi tribunalardan, konfranslardan, iclas zallarından eyni sözlər eşidildi: şəffaflıq, hesabatlılıq, islahat, inkişaf. Bu sözlər hər toplantıda var. Lakin onların arxasında duran reallıq tamamilə başqa mənzərəni ortaya qoyur.

Faktlar kifayət qədərdir. Amma baxan yoxdur. Daha doğrusu — baxmaq istəyən yoxdur. Vaxtilə QHT-lərə Dövlət Dəstəyi Agentliyinin İdarə Heyətinin sədriAygün Əliyeva da yayılmış səs yazısında elə bu fikri səsləndirib: araşdırsalar, istəsələr taparlar. Görünən odur ki, araşdırmırlar, istəmirlər. Amma, biz isə öz peşə fəaliyyətimizi davam etdirərək araşdırmalarımızı davam etdiririk!Maraqlıdır, nəhayət o biri neqativ məsələlər kimi cənab Prezidentin göstərişinimi gözləyirlər... Amma bu sahəyə nəzarət edənlərin baxmaları məsləhətdir! Çünki baxsalar, görəcəklər: bu "inqilab" sektorun inkişafı üçün deyil, seçilmiş bir dairənin varlanması üçün düzənlənib.

Tural Əliyev 21 dekabr 2023-cü ildə Prezident Administrasiyasında QHT sektorunun müdiri vəzifəsinə təyin edilib. QHT-lər, həmkarlar təşkilatları və bir sıra vətəndaş cəmiyyəti strukturları onun kurasiyasına daxildir. Yəni — böyük imkanlar, böyük məsuliyyət.

Lakin vəzifəyə gəldikdən qısa müddət sonra bu geniş kuratorluq bir başqa funksiyanı da yerinə yetirməyə başladı: öz adamlarını sistemin içinə yerləşdirmə mexanizmi.

Bu köhnə ənənənin yeni üzüdür.

Tural Əliyevin qardaşı Vüsal Əliyev peşəsi etibarilə reklam sahəsinin adamıdır. Elm, təhsil, həmkarlar hərəkatı ilə heç bir peşəkar əlaqəsi olmayıb.

2024-cü ildə Vüsal Əliyev Azərbaycan Həmkarlar İttifaqları Konfederasiyasının protokol şöbəsində sektor müdiri vəzifəsinə təyin edildi. Bir müddət sonra - şöbə müdirinin müavini. Heç bir açıq müsabiqəsiz, heç bir testsiz, heç bir elansız. Çünki ehtiyac yox idi — qardaşı tapşırıq verdi və onu vəzifəyə götürdülər. .

Sonra isə Vüsal Əliyev daha da irəli çəkildi. 2025-ci ildə Vüsal Əliyev Elm və Təhsil İşçiləri Həmkarlar İttifaqı Respublika Komitəsinin sədrinin müşaviri oldu. Bu komitənin tarixinə baxın — əksər rəhbər şəxslər ya pedaqoji fəaliyyətlə məşğul olub, ya Qabaqcıl Təhsil İşçisi adına layiq görülüb, ya da Elm və Təhsil Nazirliyinin müxtəlif qurumlarından buraya cəlb olunub.

Vüsal Əliyev isə reklam sektorundan gəldi — bilavasitə müşavir kürsüsünə. Bu, heyrətamiz bir "inqilabi yüksəliş"dir.

Bir vəzifəli şəxsin öz nəzarəti altındakı quruma qardaşını yerləşdirməsi — bu, etik pozuntuların ən ağırıdır. Amma burada söhbət yalnız bir hadisədən getmir. Bu bir modeldir, bir davranış normasına çevrilmiş sistemdir.

Düşünün: neçə nəfər var idi ki, Elm və Təhsil İşçiləri Həmkarlar İttifaqında müşavir vəzifəsinə həqiqətən layiq idi — uzun illər sektorda çalışmış, peşəkar biliyini sübut etmiş, fəaliyyətiylə tanınan? Onlar qaldılar öz yerlərində. Çünki onların "doğru" qardaşı yox idi.

Tural Əliyev isə şəffaflıqdan, qayda-qanunlardan danışır, görüşlər keçirir, nitqlər söyləyir. Bəs öz qohumlarını kurasiyasındakı qurumların ən "yağlı" yerlərinə yerləşdirərkən həmin qaydalar yadına düşürmü?

Münasib adamları vəzifəyə yerləşdirmək bu tablonun yalnız bir hissəsidir. Digər hissəsi QHT-lərə Dövlət Dəstəyi Agentliyinin qrant mexanizmidir.

Diqqətli oxucularımıza da məlum olduğu kimi, biz "Yenixeberorg" olaraq son illər bu mexanizmdəki pozuntuları araşdırıb, ictimailəşdirməkdəyik. Amma nəticə? Eyni pozuntular davam edir. Çünki tənqid bu insanlar üçün həqiqətən önəmli deyil. Onlar üçün əhəmiyyətli olan: istədikləri adamlara qrant vermək, öz qohum və tanışlarını yaxşı vəzifələrə yerləşdirmək.

Xüsusi qeyd etmək lazımdır: tanışlara QHT qeydiyyatı açdırmaq, həmin təşkilatlara dövlət büdcəsindən maliyyə ayırmaq — bu faktlar açıqdır, lakin heç kim cavabdeh tutulmur.

Bu biabırçı vəziyyətin ən ağır nəticəsi — ölkənin vətəndaş cəmiyyəti institutlarının öz mahiyyətini itirməsidir.

QHT-lər, həmkarlar ittifaqları, ictimai birliklər — bunlar öz təşəbbüslərini və mövqelərini getdikcə daha çox itirir. Artıq onlar yalnız direktivlər əsasında hərəkət edir. Sosial problemlərə müstəqil yanaşma yoxdur. Cəmiyyətin maraqlarını təmsil etmək iddiası yoxdur.

Üstəlik, bu təşkilatların profillərinin özü dəyişir. Reklam adamları elm-təhsil həmkarlar ittifaqını "idarə edir". Tanışlar QHT rəhbəri olur. Sistem içdən boşalır.

Bu mənzərədə ölkənin əsl vətəndaş cəmiyyəti hərəkatının sağ qala bilməsi böyük sual altındadır.

"İnqilabi dəyişiklik" dedikdə nə başa düşülür? Bu suala cavab verən bir tərif artıq meydandadır:

Öz qardaşını nəzarətində olan qurumda — müsabiqəsiz, elansız, testsiz — yüksək maaşlı vəzifəyə yerləşdirmək. Üstəlik, aidiyyəti olmayan sahəyə cəlb etmək. Sonra isə tribunaya çıxıb şəffaflıqdan danışmaq.

Budur, «inqilabın» mahiyyəti. Sözlə bir şey, əməllə başqa şey. Nitq — publika üçün. Vəzifə — qardaş üçün.

Sonda Tural Əliyevə bir neçə sual ünvanlamaq istəyirik:

— Vüsal Əliyev hansı müsabiqə ilə həmkarlar konfederasiyasına daxil oldu? Həmin müsabiqə harada dərc olunmuşdu?

— Protokol şöbəsindən müşavir vəzifəsinə keçid hansı meyarlar əsasında baş verdi?

— Elm və Təhsil İşçiləri Həmkarlar İttifaqı Komitəsi sədrinin müşaviri vəzifəsi üçün hansı iş elanı yayıldı?

— Reklam sahəsindən gələn bir şəxs bu sahəyə hansı peşəkar töhfəni verə bilər?

— Şəffaflıqdan danışan vəzifəli şəxs öz davranışını bu tələblərə görə necə qiymətləndirir?

Bu suallar cavabsız qaldıqca, "inqilabi dəyişiklik" ifadəsi yalnız bir şeyi ifadə etməyə davam edir: köhnə ənənənin yeni adını.(Yenixeberorg.com)

Yazıda adları hallanan tərəflərin cavab haqqını tanıyırıq.

Yalçın İsmayılovun direktor olduğu zaman Ağstafa Mənzil Kommunal Təsərrüfatı Birliyinin (MKTİB) əməkdaşlarının qanunsuz olaraq şəxsi obyekt tikintisində əməyə cəlb olunmaları barədə informasiyalar yayılmışdı. Bildirilirdi ki, MKTİB-nin işçiləri Ağstafa şəhərində mağaza və obyektlərin tikintisinə məcburi cəlb edilirlər. Əks təqdirdə MKTİB əməkdaşları işdən çıxarılma ilə hədələnirlər.

Rəşad Bayramov sözgüdən quruma direktor təyin olunandan sonra kollektivdə ümid yaranmışdı ki, nəhayət neqativ hallara son qoyulacaq. Lakin çox təəssüflər olsun ki, ümidlər özünü doğrultmadı.

Ağstafa rayonunun Göyçəli kənd sakini 1992-ci il təvəllüdlü Məmmədli Vüqar Eldar oğlu bildirir ki, işlədiyi Mənzil – Kommunal Təsərrüfatı Birliyinin direktoru Rəşad Bayramov onun əmək haqqını kəsir:

“Həftənin 6 günü işdə oluram. Səbəbsiz yerə dəfələrlə maaşımdan tutur. Qurban bayramı ilə əlaqədar bütün idarə, müəssisə və təşkilatlar may ayının əmək haqqını işçilərə ödədilər. MKTB isə may ayının əmək haqqını iyun ayının 10-da köçürdü. Mənim 342 (üç yüz qırx iki) manat təşkil edən əmək haqqımdan səbəbsiz yerə 150 (bir yüz əlli) manat tutulma edib. Səbəbini öyrənmək üçün dəfələrkə idarəyə yaxınlaşsam, da Rəşad Bayramov hər dəfə məni qovub və nalayiq sözlərlə təhqir edib. Ümumiyyətlə, tək mənimlə deyil, bütün işçilərlə davranışında etik normalara riayət etmir. İdarədə özbaşınalıq baş alıb gedir, direktor qanunsuz işlər görür, istehlakçılardan toplanan kommunal xidmət haqlarını mənimsəyir...”

Vüqar Məmmədov həmçinin bildirir ki, Rəşad Bayramov rayonda həyata keçirilən abadlıq işləri zamanı aparılan söküntüdən çıxan materialları idarəyə məxsus işçi qüvvəsi və texnika ilə Poylu kəndinin girişində yerləşən özünə məxsus obyektə daşıtdırır və satdırır...”

Şikayətçi məruz qaldığı hüquqpozmalar və qeyd etdiyi mənimsəmə faktları ilə əlaqədar Dövlət Əmək Müfəttişliyi Xidmətinə müraciət etdiyini, amma həmin qurum tərəfindən problemin həlli üçün heç bir addım atılmadığını bildirir. Odur ki, məsələni ictimailəşdirərək media vasitəsilə cənab Prezidentdən və aidiyyəti qurumların rəhbər vəzifəli şəxslərindən əmək haqqından qanunsuz tutulan pulların qaytarılmasında köməklik göstərilməsini və Rəşad Bayramov barəsində ciddi tədbir görülməsini xahiş edir.
Nisa Şirvanlı.

Nyus.Az

Azərbaycanda dövlət qurumlarında peşəkarlıq, şəffaflıq və kadr siyasəti məsələləri uzun illərdir cəmiyyətin müzakirə etdiyi əsas problemlərdən biri olaraq qalır. Xüsusilə strateji əhəmiyyət daşıyan qurumlarda vəzifə təyinatlarının hansı prinsiplərlə həyata keçirilməsi ictimai maraq doğuran məsələlərdəndir.

DoğruXeber.tv informasiya portalının redaksiyasına daxil olan məlumatlara görə, İri Şəhərlərin Birləşmiş Su Təchizatı Xidmətinin sədr əvəzi Tahir Xəlilovun qaynı olduğu bildirilən Ramin Abdurrəhmanov Yasamal Rayon Sukanal İdarəsində cəmi üç ay nəzarətçi vəzifəsində çalışdıqdan sonra Gəncə Şəhər Birləşmiş Su Təchizatı Xidmətinə rəis müavini təyin olunub.

Məlumatlara görə, Ramin Abdurrəhmanovun bundan əvvəl dövlət idarəçiliyi sahəsində hər hansı ciddi iş təcrübəsi olmayıb. Ən diqqət çəkən məqam isə ondan ibarətdir ki, uzun illər müxtəlif dövlət qurumlarında çalışan, peşəkar təcrübəyə malik çoxsaylı mütəxəssislər olduğu halda, cəmi üç aylıq nəzarətçi fəaliyyətindən sonra rəhbər vəzifəyə yüksələn şəxsin hansı meyarlarla seçildiyi ictimaiyyət üçün qaranlıq olaraq qalır.

Məsələnin digər diqqət çəkən tərəfi isə Tahir Xəlilovun xalası oğlu və yeznəsi olduğu bildirilən Sərxan Orucovun hazırda Yasamal Rayon Sukanal İdarəsinin rəisi vəzifəsində çalışmasıdır. Məlumatlara görə, Sərxan Orucov bundan əvvəl "Bazarstore" mağazalar şəbəkəsində mağaza müdiri vəzifəsində fəaliyyət göstərib.

Ortaya çıxan mənzərə isə haqlı olaraq bir sıra suallar yaradır. Dövlət idarəçiliyində rəhbər vəzifələr peşəkarlıq, təcrübə və idarəetmə bacarığı əsasında verilir, yoxsa qohumluq əlaqələri burada həlledici rol oynayır? Əgər yayılan məlumatlar həqiqəti əks etdirirsə, bu halda illərlə təcrübə toplamış mütəxəssislərin kənarda qalması və təcrübəsi məhdud şəxslərin yüksək vəzifələrə gətirilməsi dövlət idarəçiliyinin səmərəliliyi baxımından ciddi narahatlıq doğurur.

İctimaiyyət həmçinin cavab gözləyir ki, bu təyinatlar hansı müsabiqə, hansı qiymətləndirmə və hansı peşəkar göstəricilər əsasında həyata keçirilib. Çünki dövlət qurumları şəxsi münasibətlərin deyil, qanunun və peşəkarlığın hökm sürdüyü idarəetmə modeli üzərində qurulmalıdır.

Əgər dövlət qurumlarında qohumluq əlaqələri peşəkarlıq meyarlarını üstələyirsə, bu, təkcə bir qurumun deyil, bütövlükdə dövlət idarəçiliyinə olan ictimai etimadın zədələnməsinə səbəb ola bilər.

Qeyd edək ki, məsələ ilə bağlı İri Şəhərlərin Birləşmiş Su Təchizatı Xidmətinə rəsmi sorğu ünvanlasaq da, artıq bir həftədən çox vaxt keçməsinə baxmayaraq sorğumuza hər hansı cavab təqdim edilməyib. Ümid edirik ki, yayımlanan bu yazıdan sonra qurum səsləndirilən məsələlərə münasibət bildirəcək və redaksiyamızın sorğusunu cavablandıracaq.

DoğruXeber.tv olaraq mövzunu diqqətdə saxlayırıq və əldə etdiyimiz yeni məlumatları ictimaiyyətə təqdim etməyə davam edəcəyik.

DoğruXeber.tv

İşğaldan azad edilmiş ərazilərə Böyük Qayıdış proqramı çərçivəsində köçürülən vətəndaşların mənzil-məişət şəraitinin yüksək səviyyədə təmin olunacağı bəyan edilsə də, görünür, bəzi hallarda bu vədlər kağız üzərində qalır.Kəlbəcər rayonunun Tağlar kəndindən olan məcburi köçkün Ramin Çıraqovun sözlərinə görə, ailəsi uzun illər Şəmkir rayonunda məskunlaşıb, daha sonra isə Ağdərə rayonunun Həsənriz kəndinə köçürülüb.


Lakin onlara təqdim edilən ev yaşayış üçün yararsız vəziyyətdədir.Vətəndaş iddia edir ki, evdə aparıldığı deyilən təmir işləri formal xarakter daşıyıb. Divarlarda çatlar, tikinti qüsurları və digər nöqsanlar hələ ilk günlərdən özünü göstərib. Onun sözlərinə görə, təmir işlərini həyata keçirən REAL MMC-nin nümayəndələrinə dəfələrlə müraciət etsə də, problemə ciddi yanaşan olmayıb.Şikayətçinin bildirdiyinə görə, Həsənriz kəndində şirkətin nümayəndəsi kimi təqdim olunan Rüfət adlı şəxsə də müraciətlər edilsə də, nəticə əldə olunmayıb. Nəticədə ailə yeni yaşayış yerinə köçdüyü gündən problemlər içərisində yaşamağa məcbur qalıb.


Ən narahatedici məqam isə odur ki, dövlət büdcəsindən ayrılan vəsait hesabına aparılan tikinti və təmir işlərinin keyfiyyəti ilə bağlı ortaya çıxan suallar hələ də cavabsız qalır. O zaman belə çıxır ki, məcburi köçkünlərin rifahı üçün ayrılan vəsaitlər ya düzgün istifadə olunmayıb, ya da görülən işlərə lazımi nəzarət həyata keçirilməyib.Ramin Çıraqov bildirir ki, aidiyyəti qurumlara etdiyi çoxsaylı müraciətlər nəticəsiz qalıb.


Ümidini ölkə rəhbərliyinə bağlayan vətəndaş Azərbaycan Prezidenti cənab İlham Əliyevə müraciət edərək problemin araşdırılmasını, məsul şəxslərin fəaliyyətinə hüquqi qiymət verilməsini və ailəsinin normal yaşayış şəraiti ilə təmin olunmasını xahiş edir.Məsələ ilə bağlı REAL MMC-nin və digər aidiyyəti qurumların da mövqeyini dərc etməyə hazırıq. Ümid edirik ki, səsləndirilən iddialar operativ şəkildə araşdırılacaq və Həsənrizdə məskunlaşan vətəndaşların problemləri diqqətdən kənarda qalmayacaq.


Bizimesr.com

Azərbaycanda məhkəmə sisteminə inamın qorunması hüquqi dövlətin əsas prinsiplərindən biri hesab olunur. Lakin 1-ci dərəcəli Qarabağ qazisinin Nərimanov Rayon Məhkəməsində baxılan işi ilə bağlı səsləndirdiyi iddialar bu inamın ciddi şəkildə sarsıldığını göstərir.
İddialara görə, təbii inhisarçı xidmət qurumu tərəfindən qazinin Nardaran qəsəbəsində yerləşən bağ evinin enerji təchizatı ilə bağlı 2017-ci ildə verilmiş texniki şərt bu günədək icra olunmayıb. Qazi bildirir ki, səbəb sayğacın quraşdırılması üçün rəsmi hesab nömrəsi və ödəniş qəbzi təqdim edilmədən 201,72 manat vəsaitin tələb olunmasıdır. Onun fikrincə, qanuni sənədlərlə rəsmiləşdirilməyən belə tələb korrupsiya əlamətləri daşıyır və dövlət qurumları tərəfindən araşdırılmalıdır.
Şikayətçinin sözlərinə görə, məsələ ilə bağlı müxtəlif dövlət qurumlarına müraciətlər nəticəsiz qalıb. Bundan başqa, Nərimanov rayonunda yerləşən yaşayış binasında əvvəlcədən ödənişli sayğac sisteminə keçid olmasına baxmayaraq, ona qəfil 151,5 manat borc hesablanıb. İddia olunur ki, bu borcun yaranması sayğacın mobil rabitə zəifliyi səbəbindən sərfiyyatı düzgün qeydə almaması ilə əsaslandırılıb.
Məhkəmə prosesində isə qazinin irəli sürdüyü bir sıra vəsatətlərin cavabsız qaldığı bildirilir. Dövlət hesabına vəkillə təmin olunması, ekspertiza təyin edilməsi və Antiinhisar və İstehlak Bazarına Nəzarət Dövlət Agentliyinin üçüncü şəxs qismində prosesə cəlb olunması barədə müraciətlərin aylarla cavablandırılmadığı qeyd edilir.
Ən ciddi narazılıq doğuran məqam isə iş üzrə qətnamənin bazar günü – 14 iyun 2026-cı il tarixində qəbul edilməsi ilə bağlıdır. Şikayətçi bunu məhkəmə praktikasında qeyri-adi hal kimi qiymətləndirərək, qərarın qəbul edilmə qaydası və prosesin şəffaflığı barədə suallar qaldırır.
Hüquq müdafiəçilərinin fikrincə, məhkəmə proseslərində tərəflərin vəsatətlərinə vaxtında və əsaslandırılmış şəkildə münasibət bildirilməsi, qəbul edilən qərarların isə tam şəffaf olması ədalətli məhkəmə araşdırması hüququnun vacib tələblərindəndir. Əks halda, məhkəmə qərarlarının legitimliyi və cəmiyyətin məhkəmə sisteminə etimadı zərbə altında qalır.
Səsləndirilən ittihamların nə dərəcədə əsaslı olduğu yalnız aidiyyəti qurumların araşdırmasından sonra məlum ola bilər. Lakin bir məqam aydındır: Qarabağ qazisinin illərdir davam edən mübarizəsi və məhkəmə prosesi ilə bağlı ortaya çıxan suallar cavabsız qaldıqca, “bazargünü qətnaməsi” ifadəsi təkcə bir işin deyil, hüquq sisteminə yönələn narahatlıqların simvoluna çevrilməkdə davam edəcək.

Gundemxeber.com

Son illər ölkəyə xarici ölkədən avtomobil gətirən sahibkarların sayı durmadan artır. Artıq dünyanın istənilən ölkəsindən Azərbaycana satış üçün avtomobillər gətirən sahibkarlar var. Lakin son illər bu sahədə də dələduzluq halları kifatə qədər artmağa başlayıb. Bu dəfə redaksiyamıza müraciət edən vətəndaşlar “RAHAT AUTO” Məhdud Məsuliyyətli Cəmiyyəti tərəfindən aldadıldıqlarını bildiriblər.

Avtomobil almaq üçün müraciət edən çoxsaylı vətəndaşlar “RAHAT AUTO” Məhdud Məsuliyyətli Cəmiyyətnin (VÖEN 1407055411) direktoru Azər Cəfərzadə tərəfindən aldadılıb. Tərəflər arasında bağlanmış müqaviləyə əsasən “RAHAT AUTO” MMC tərəfindən vətəndaşlara Çin Xalq Respublikasından nəqliyyat vasitəsinin alınması öhdəliyini götürdüyü halda, müqavilənin şərtlərini pozulub və vətəndaşların pullarını mənimsənilib. Azər Vaqif oğlu Cəfərzadə ümumilikdə zərərçəkmişlərdən 200 000 manatdan çox vəsaiti mənimsəyib.

Vətəninfo.az xəbər verir ki, şikayətçilər şirkətin ofisinə getdikdə isə tələyə düşdüklərini anlayıblar. Məlum olub ki, Azər Cəfərzadə şirkətin ofisini bağlayaraq Çin Xalq Respublikasına qaçıb.

Qeyd edək ki, müqaviləyə əsasən, xidmətlərin göstərilməsi 60 təqvim günü müddətində həyata keçirilir, əgər avtomobilin təhvil verilməsi qeyd olunan tarixi keçərsə, ödənilən məbləğ geri qaytarılır. Lakin sifariş tarixlərindən 6 aydan çox vaxt keçməsinə baxmayaraq, sifariş olunan avtomobillərdən bir xəbər yoxdur.

Şirkətin əməkdaşları avtomobilin təhvil verilməməsinə dair ziddiyyətli və əsassız məlumatlar verirlər.

Şirkətin rəhbəri Azər Vaqif oğlu Cəfərzadə ilə telefonla danışan vətəndaşlara vəsaiti geri qaytarmağı rədd edərək, nə istəsələr, hara şikayət edə bilərlərsə etsinlər deyib.

Şirkət öhdəliklərini yerinə yetirmir. Hal-hazırda Azər Vaqif oğlu Cəfərzadə ilə telefon əlaqəsi yaratmaq mümkün deyil, əlaqə vasitələrinin hamısını söndürüb.

Zərərçəkənlərin bir neçəsi Azər Vaqif oğlu Cəfərzadənin yaşadığı Lənkəran rayonuna gedərək qardaşı Mehman Cəfərzadə və atası Vaqif Cəfərovla görüşüblər. Lakin Azər Cəfərzadənin valideynləri bildiriblər ki, onlar bu şikayətlə bağlı onlara yox, polisə müraciət etsinlər.

Beləliklə, “RAHAT AUTO” MMC-nin bu cür fəaliyyəti istehlakçıların hüquqlarını kobud şəkildə pozur, onları aldadır və həm maddi, həm də mənəvi zərərə səbəb olub.Şikayətçilər bildirib ki, yaxın günlərdə bu dələduzluq faktı ilə bağlı güc strukturlarına müraciət edəcəklər.

P.S. Qarşı tərəfin mövqeyini öyrənmək istəsək də şirkətin əlaqə nömrələrinə zəng çatmadı…

Vətəninfo.az

SOCAR "Azəriqaz" İstehsalat Birliyində baş verən neqativ olaylarla bağlı davamlı şəkildə oxucularımızı məlumatlandırırq. Bu dəfə isə sözügedən qurumun işçilırəindən biri - Samir Feziyev olduqca ilginc faktları təqdim edir. "Dia-az" olaraq həmin açıqlamanı təqdim edirik:


"SOCAR "Azəriqaz" rəhbərliyi bütün region rəislərinə aylıq hesab qoyub. Həmin hesab qurumun direktor müavini Nail Abdullayev tərəfindən müəyyən olunub. Bir neçə gün olar ki, Nail Abdullayev Naxçıvan qaz istismar idarəsinin işçiləri ilə görüşüb. Həmin görüşə öz katibəsini də aparıb. Görün Nail Abdullayev özünə nə qədər arxayındır ki, bir katibəsini İstismar departamentinə rəis müavini qoyub.


Qarabag regional qaz idarəsinin rəisi isə Nail Abdullayevlə oturub restoranda yemək yeyir. Sonra isərəis Azay müəllim rayon rəislərinin hamısından 50 manatdan yığır ki, bəs "rəhbərə" qonaqlıq vermişəm...."


Müraciətin sonunda sıravi işçilər qara masqalıların nəhayətdə bu kimi məmurlara qarşı konkret addım atacaqlarına ümid etdiklərini də fiadə ediblər.


Dia-az

Yüksək qiymətlərə baxmayaraq, təqdim olunan xidmət və yeməklərin keyfiyyəti gözləntiləri doğrultmayıb. Sifariş edilən bəzi yeməklər əvvəlcədən xəbərdarlıq edilmədən başqa məhsullarla əvəz olunub.

Bu barədə "Müştəriyəm Şikayətim Var" səhifəsində "Kəndimiz Mərdəkan" restoranındakı xidmətdən narazı qalan şikayətçi yazıb.

“Bir çox hallarda ofisiant yeməyi masaya gətirəndə deyirdi ki, sifariş etdiyiniz məhsul yox idi, ona görə əvəzinə bunu gətirdik. Bu isə bizimlə məsləhətləşmədən edilirdi”, – deyə paylaşımda qeyd olunur.

Müştəri həmçinin tortun kəsilməsi üçün təqdim edilən bıçağın çirkli və ət qoxulu olduğunu iddia edib. Onun sözlərinə görə, iki dəfə təmiz bıçaq tələb olunsa da, problem aradan qaldırılmayıb və nəticədə qonaqlar özləri bıçaq tapmaq məcburiyyətində qalıblar.

Narazılıq yaradan əsas məqamlardan biri də hesab təqdim edilərkən tətbiq olunan qiymətlər olub. İddiaya görə, menyuda birgə göstərilən tərəvəz assortisi ayrı-ayrılıqda hesablanıb.

Paylaşım müəllifi bildirir ki, bir ədəd xiyar 3 manata, pomidor 4 manata, soğan isə 1 manata hesablanıb. Bundan əlavə, pomidor-yumurta yeməyinə əlavə edilən bibərin ayrıca “bibər kababı” kimi qiymətləndirildiyi iddia olunur.

Müştərinin fikrincə, restoranlarda yüksək qiymətlərin keyfiyyətli xidmət və dadlı yeməklərlə müşayiət olunması vacibdir. O qeyd edib ki, təqdim edilən yeməklərin dadı da gözləntiləri qarşılamayıb.

Qeyd edək ki, paylaşım sosial şəbəkədə müzakirələrə səbəb olub. Qarşı tərəfin məsələ ilə bağlı mövqeyi hələlik məlum deyil. (Bizimesr.com)

Restoranın cavabı olduğu təqdirdə, onu da dərc etməyə hazırıq.

Azərbaycanda bəzi dövlət qurumlarının taleyi heç cür sabitlik tapmır. Xüsusilə söhbət təhsil sektorundan gedəndə bu problem daha qabarıq görünür. Çünki təhsil təkcə bir sahə deyil, gələcəyi formalaşdıran strateji istiqamətdir. Bu baxımdan Elm və Təhsil Nazirliyinin Peşə Təhsili üzrə Dövlət Agentliyində baş verən proseslər təkcə bir qurumun daxili işi deyil, ölkənin əmək bazarının və iqtisadi inkişafının gələcəyi ilə birbaşa əlaqəlidir. Dövlətin son illərdə peşə təhsilinə ayırdığı milyonlarla manat investisiya, həyata keçirilən islahatlar və infrastruktur layihələri fonunda idarəetmə ilə bağlı ortaya çıxan neqativlər ortaya ciddi problemlər çıxarıb.
Unudulmuş sahədən strateji istiqamətə
Azərbaycanda peşə təhsili sistemi uzun illər diqqətdən kənarda qalmışdı. Köhnəlmiş infrastruktur, zəif maddi baza, əmək bazarının tələblərinə cavab verməyən ixtisaslar və idarəetmə problemləri bu sahəni faktiki olaraq tənəzzül vəziyyətinə salmışdı. Lakin son on ildə vəziyyət dəyişməyə başladı. Dövlət tərəfindən peşə təhsilinin inkişafına böyük həcmdə maliyyə vəsaiti ayrıldı, yeni peşə təhsil mərkəzləri yaradıldı, mövcud müəssisələr əsaslı təmir olundu, müasir avadanlıqlar alındı və beynəlxalq təcrübənin tətbiqinə başlanıldı. Nəticədə gənclərin peşə təhsilinə marağı da artdı.
Bununla belə, görünən odur ki, maddi-texniki bazanın yenilənməsi idarəetmə problemlərini tam aradan qaldırmayıb.
Peşə Təhsili üzrə Dövlət Agentliyinin rəhbərliyi son illərdə bir neçə dəfə dəyişib. Son beş il ərzində Agentliyə ard-arda yeni rəhbərlərin təyin olunması sistemdə uzunmüddətli və dayanıqlı idarəetmə modelinin formalaşmasına imkan verməyib.
Peşə təhsili sahəsində çalışan şəxslərin fikrincə, əvvəlki rəhbərlik dövründə, əsasən Ceyhun Kərəmovun direktorluğu zamanı həyata keçirilən bəzi kadr siyasəti, qərarları bu gün də sistemə təsir göstərməkdə davam edir. İddialara görə, peşə təhsili sahəsində kifayət qədər təcrübəsi olmayan şəxslərin rəhbər vəzifələrə gətirilməsi idarəetmədə əlavə çətinliklər yaradıb. Bir yandan da hazırkı direktor İlqar Bayramlının məhz belə kadrlara üstünlük verməsi vəziyyəti daha da ağırlaşdırıb. Hazırda aylardır Agentliyə İlqar Bayramlı direktor təyin edilib. Lakin təyinatdan müəyyən vaxt keçməsinə baxmayaraq, peşə təhsili sahəsində nəinki fundamental dəyişikliklərin hiss olunduğu, əksinə ciddi geriləmələrin ciddi şəkildə özünü göstərməsi müşahidə olunduğu iddia edilir.

Peşə təhsili spesifik sahədir və onun effektiv idarə olunması üçün təkcə inzibati idarəçilik deyil, həm də sahə üzrə dərin peşə bilikləri vacibdir. İlqar Bayramlı isə Peşə təhsili sistemində yenidir və bu da özünün ciddi fəsadlarını göstərir.
Bizimesr.com-a daxil olan məlumatlara görə, Agentlik daxilində aylardır kadr siyasəti və səlahiyyət bölgüsü ilə bağlı açıq mübarizə gedir. Mənbələrin bildirdiyinə görə, İlqar Bayramlı bütün səlahiyyətləri həmyerlisi olan İnsan resursları və hüquq sektoru müdiri Murad Məmmədova həvalə edib. Məhz bu addım bütün peşə təhsili sisteminə ciddi təsirlər göstərməyə başlayıb. Bu sahədə o qədər də təcrübəyə malik olmayan Murad Məmmədovun qərarlarını icra etməyin mümkünsüzə çevirilib.
İddia olunur ki, İlqar Bayramlının tapşırığı ilə heç bir Peşə Təhsili Mərkəzi rəhbəri və ya Peşə məktəbinin direktoru Murad Məmmədovun icazəsi olmadan addım ata bilməz və bu mütləq icazə ilə edilməlidir. Agentliyin tabeliyindəki Mərkəzlərin və məktəblərin direktorları Murad Məmmədovun icazəsi olmadan bir xadiməni işdən çıxara və işə qəbul edə bilməz. Murad Məmmədovun imzası olmadan İlqar Bayramlı belə qərar verə bilməz (?)... 

Bir sözlə, İlqar Bayramlının həmyerlisi, sıradan bir sektor müdiri Murad Məmmədova verdiyi bu səlahiyyətlər bütün peşə strukturuna təsirsiz ötüşmür. 
Məlumata görə, bəzi peşə təhsil mərkəzlərinin rəhbərləri verilən tapşırıqların normativ sənədlərlə uzlaşmadığını və onların icrasında çətinliklər yarandığı bildirilir. Agentlik daxilində formalaşdığı iddia edilən qeyri-rəsmi təsir mexanizmləri idarəetmə proseslərini mürəkkəbləşdirir və qərarların qəbulunda əlavə gərginlik yaradır.
İddia olunur ki, Agentlik daxilində təsir imkanları ilə adı hallandırılan şəxslərin fəaliyyət dairəsi təkcə inzibati qərarlarla məhdudlaşmır. 

İnsan resursları və hüquq sektorunun müdiri Murad Məmmədovun 2026–2030-cu illəri əhatə edən və müasir standartlara cavab verən 21 peşə təhsili müəssisəsinin tikintisi və yenidən qurulmasını nəzərdə tutan layihələrə münasibətdə də müəyyən təsir cəhdlərinin olduğu iddia edilir.  

Həmçinin Agentlik tərəfindən həyata keçirilən bütün layihələrin, daxili razılaşdırma mexanizmlərinin və qərarların müəyyən rəhbər şəxslərin mövqeyi nəzərə alınmadan irəliləməsinin çətin olduğu barədə qurum daxilində fikirlər mövcuddur. Eyni zamanda, qeyd edilir ki, İlqar Bayramlı öz həmyerlisi Murad Məmmədovu yaxın günlərdə daha yüksək vəzifələrə, o cümlədən direktor müavini vəzifəsinə təyin etdirə bilər.

Daha bir ciddi məsələ isə bir aydan sonra keçiriləcək müəllim və istehsalat təlimi ustalarının işə qəbulu imtahanları ilə bağlıdır. Bildiyimiz kimi, Peşə Agentliyinin keçirdiyi imtahanlar, işə qəbul prosesi uzun illərdir ciddi problemlər və narazılıqla yadda qalır. Hətta sənədlərin qəbulu prosesi belə qarışıq qərarlarla həyata keçirilir və bu da saysız şikayətlərlə nəticələnir. Agentlıik illərdir bu problemi aradan qaldıra bilmir. Agentliyə üz tutan, hansısa problemini araşdırmaq istəyən şəxslər də Murad Məmmədova yönləndirilir və onların problemi həll olunmur. Peşə təhsili müəssisələrinə müqavilə ilə işə qəbul prosessinə də Murad Məmmədovun nəzarət və diqtə etdiyi iddia olunur. Peşə Mərkəzlərinin direktorları müqavilə ilə işə qəbulun aparılmasını, qərarların verilməsini məhz Agentlıikdən gələn tapşırıqla əlaqələndirirlər.
İmtahanlardan yüksək bal toplayan, müsahibələrdən keçən, amma işə qəbul ala bilməyən şəxslərin müraciətləri də Murad Məmmədova yönləndirilir və nəticəsiz qalır. Ötən il onlarla şikayət Murad Məmmədovun rəhbəri olduğu İnsan resursları və hüquq sektoruna ünvanlansa da, heç biri həllini tapmayıb. Şikayətçilərlə telefon əlaqə saxlayan Murad Məmmədov onlara yalnız "araşdırılacaq" cavabını verərək, vaxt qazanır.
 
Bütün bunların fonunda ən maraqlı nüanslardan biri direktor (?) İlqar Bayramlının idarəetmə sistemində davam edən qəribə yeniliyidir. Agentliyin strukturunda vəzifəli şəxslərin konkret tabeliliyi açıq göstərilir. Agentlik direktoru və iki müavin. 

Müavinlər Agentliyin direktoruna, şöbə müdirləri müavinlərə, sektor müdirləri də şöbə müdirlərinə tabeli şəkildə fəaliyyət göstərməlidir.  Amma İlqar Bayramlı bu sxemi Murad Məmmədov naminə pozub və bütün Agentliyin müavin, şöbə müdirləri və sektor rəhbərlərini İnsan resursları və hüquq sektorunun müdiri Murad Məmmədovun nəzarətinə verib.  Maraqlıdır, görəsən İlqar bayramlı Peşə Təhsili üzrə Dövlət Agentliyinin əsasnaməsini oxuyubmu?
Xatırladaq! Peşə Təhsili üzrə Dövlət Agentliyinin əsasnaməsinin - 5. Agentliyin fəaliyyətinin təşkili bölməsində yazılır...
5.4. Agentlik direktorunun müavinləri vəzifə bölgüsünə uyğun olaraq fəaliyyət göstərirlər və onlara həvalə edilmiş vəzifələrin yerinə yetirilməsinə görə şəxsən məsuliyyət daşıyırlar.

Beləliklə, Elm və Təhsil naziri Emin Əmrullayevə bir sorğu ünvanlamaq üçün əsl səbəb var...

Peşə Təhsili üzrə Dövlət Agentliyinə direktor İlqar Bayramlını təyin etmisiz, yoxsa Murad Məmmədovu? Əgər elədirsə, bəs iki müavin, şöbə müdirləri, sektor rəhbərləri kimə lazımdır? 

Bizimesr.com

"Şikayətim Əhmədlidə Neapol küçəsi 142 ünvanında... ,,kruqun,, düz yanındakı "MEGASTORE" hipermarketdəndir...." "Dia-az" xəbər verir ki, bu barədə Günay Tağızadə adlı sosoal şəbəkə istfiadəçisi öz postunda gileylənir.
Narazı vətəndaş daha sonra başına gələnləri belə nqəl edir: "Dəfələrlə yarı yeyilmiş xurma qutuları, alt hissəsi cırılmış paketli məhsulları... necə deyərlər, abrımıza qısıldığımızdan bizə sata biliblər. Hətta 6 ay marketin özünə məxsus bonus kartını qeydiyata salmışıq deyə... müştərini aldadıb səs çıxanda qeydiyyata salıblar. Səhv bizdə olub ki, vaxtında səs etməmişik.
14 iyun tarixində saat 17:18-17-23 aralığında kassada nümunə üçün qoyulan nəlbəki (6 dənəsinin qiyməti 2 manat) ehtiyyatsızlıqdan "paçka"nın üzərinə düşdü. "Paçka" salamatdır, bir dənə nəlbəki isə çatlaq olduğu üçün sınır. Marketə nəzarətdə olan bəy çox peşəkarcasına "paçka" nəlbəkini ,,almalısınız,, deyib dirənir. Ona qanun-qaydanı xatırladıb almayacağımı dediyim halda ,,onda mən kefim istəyəni vurum sındırım... deyim almıram?,, cavabını verir. Yüksək səslə və nə qədər adam içində....
Mən də sınan nəlbəkini götürüb qalan 5 dənəsini istəyirəm ki ödənişi edim... təki bu ,,bəy,, sussun. O isə israrla yeni paçkanı kassaya vurmağa verir. Əvəzində ,,mən qanunları bilirəm, nəlbəkilər alınacaq,, deyir. Məsələ nəlbəki deyil, yerində daha fərli qiymətə məhsul ola bilərdi. Malı alıb şikayət edəcəyimi dedikdən sonra o bəy yox olur, nəlbəkini satmaqdan vaz keçirlər.
Sırf bu ünvandakı problemlər çoxdur, indilik belə şikayət edirəm ki, xəbər həmin bəyə və işçilərə çatsın. Düzələcəklərinə ümid var. Ən azından müştəri ilə səs tonuna fikir verərək danışmağı, işlədiyi yerin adına hörmət edib aqresiyasını cilovlamağı öyrənməlidirlər..."(Dia-az)