Daxili işlər naziri general-polkovnik Vilayət Eyvazov daxili işlər orqanlarının şəxsi heyətini Polis Günü münasibətilə təbrik edib.

Bu barədə Daxili İşlər Nazirliyi məlumat yayıb.

Təbrikdə deyilir:

"Azərbaycan polisinin yaranmasının 108-ci ildönümü münasibətilə sizi təbrik edir, ən xoş diləklərimi çatdırıram.

Ötən müddətdə şərəfli bir inkişaf yolu keçmiş və ümummilli lider Heydər Əliyevin rəhbərliyi dövründə milli maraqların qorunmasında, qanunçuluğun möhkəmləndirilməsində, asayişin və təhlükəsizliyin təmin edilməsində mühüm xidmətlər göstərmiş polis dövlətin etibarlı dayaqlarından biri olaraq formalaşmışdır.

2003-cü ildən başlayaraq Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin xüsusi diqqət və qayğısı sayəsində fəaliyyətin bütün istiqamətləri üzrə davamlı surətdə yenilənmiş, təkmilləşmiş, özünü müasir təhlükəsizlik çağırışlarına adekvat cavab verməyə qadir, peşəkar insan resurslarına, qabaqcıl texnologiyalara və güclü maddi-texniki bazaya malik hüquq mühafizə institutu kimi təsdiqləmişdir. Cinayətkarlığa, onun transmilli mütəşəkkil formalarına, kibertəhdidlərə, narkotiklərin qanunsuz dövriyyəsinə, insan alverinə və digər təhlükəli əməllərə qarşı mübarizədə üzərinə düşən vəzifələri bu gün də məsuliyyətlə yerinə yetirir, eyni zamanda işğaldan azad edilmiş ərazilərdə təhlükəsizliyin təmin olunmasına, qanunçuluğun möhkəmləndirilməsinə, bərpa və quruculuq proseslərinə layiqli töhfələr verir.

Əminəm ki, andına həmişə sadiq qalan əməkdaşlarımız bundan sonra da peşəkarlıq, prinsipiallıq və yüksək məsuliyyət nümayiş etdirərək sabitliyin və ictimai təhlükəsizliyin təminatçısı kimi dövlətin və xalqın yüksək etimadını doğruldacaqlar.

Peşə bayramı münasibətilə bütün şəxsi heyətə, veteranlarımıza, xidməti vəzifələri yerinə yetirərkən sağlamlığını itirmiş əməkdaşlarımıza və şəhidlərimizin ailə üzvlərinə möhkəm can sağlığı, xidmətdə yeni-yeni nailiyyətlər və uğurlar arzulayıram!".

Azərbaycanda yay mövsümü başlayanda minlərlə müəllim, həkim və digər büdcə təşkilatlarında çalışan işçilərin eyni problemi yenidən gündəmə gəlib: illərlə həmkarlar ittifaqına üzvlük haqqı ödəyən insanlar sanatoriya və istirahət mərkəzlərinə göndəriş ala bilmirlər.

Bizimesr.com bildirir ki, illərdir eyni mənzərə təkrarlanır. Elektron sistem yaradılır, islahatlar vəd edilir, şəffaflıqdan danışılır. Amma nəticə dəyişmir. Elektron müraciətlər edilir, cavab isə çox vaxt bir söz olur: "Rədd edildi."

Bu zaman illərdir cavabsız qalan suallar bir daha gündəmə gəlir...

Sahib Məmmədov bu suallara cavab verə bilmir? » XalqXeber.Az | Son xeberler Azerbaycan xeberleri

Azərbaycan Həmkarlar İttifaqları Konfederasiyası (AHİK) nə üçün mövcuddur?
Bir əsrə yaxın fəaliyyət, amma nəticə haradadır?

Sahil Babayev maliyyə naziri təyin edilib

AHİK Azərbaycanda ən qədim ictimai qurumlardan biridir. Onilliklər ərzində milyonlarla işçidən üzvlük haqları toplanıb. Bu vəsaitlərin əsas məqsədi işçilərin sosial müdafiəsinin gücləndirilməsi, hüquqlarının qorunması, sağlamlığının bərpası və əmək şəraitinin yaxşılaşdırılması olmalıdır.

Lakin bu gün sadə müəllim, tibb işçisi və ya digər əməkçi üçün vəziyyət necədir?

AHİK-də nə dəyişib – sədr, yoxsa idarəetmə? Çingiz Hacıyevin “Kurort”u və Buzovna filialı “ailə şirkəti”dirmi? | No Comment

Yay mövsümü gələn kimi insanlar AHİK-in tabeliyində fəaliyyət göstərən Sanatoriya-Kurort Elektron Rezervasiya Sistemi vasitəsilə müraciətlər edirlər. Onlarla müraciət edən şəxslər bildirirlər ki, dəfələrlə müraciət etmələrinə baxmayaraq sistem onların müraciətlərini rədd edir.

Bu sistem doğrudanmı şəffaf işləyir?
Rədd edilən müraciətlərin səbəbi nədir?
Kimlər göndəriş alır, kimlər ala bilmir?

Bu sualların heç birinə cəmiyyətə açıq və ətraflı cavab verilmir.

Elektron sistem quruldu, amma problemlər niyə bitmədi?

AHİK rəhbərliyində dəyişiklikdən sonra cəmiyyətə yeni idarəetmə, yeni yanaşma və elektronlaşma vəd edildi. Böyük vəsait hesabına elektron rezervasiya sistemi yaradıldı.

Məqsəd şəffaflığın artırılması idi. Ancaq nəticə nə oldu? Bu gün minlərlə müəllim sosial şəbəkələrdə və mediada eyni şikayətləri yazır - müraciətlər qəbul edilmir; sistem rədd cavabı verir; səbəb izah olunmur; prosesin necə aparıldığı məlum deyil. Elektron sistem yalnız kompüter proqramı deyil. Əgər nəticə dəyişmirsə, elektronlaşdırmanın özü heç nəyi dəyişmir.

Dünyada həmkarlar ittifaqları necə işləyir? Sadəcə baxın öyrənin...

İnkişaf etmiş ölkələrdə həmkarlar ittifaqları tamam başqa missiya daşıyır.
Məsələn, işçini qanunsuz işdən çıxaranda məhkəməyə qədər onun hüquqlarını müdafiə edirlər; kollektiv müqavilələr bağlayırlar; maaşların artırılması uğrunda hökumətlə və işəgötürənlərlə danışıqlar aparırlar; təhlükəli əmək şəraitinə etiraz edirlər; lazım gəldikdə etiraz aksiyaları və tətillər təşkil edirlər; hüquqi yardım göstərirlər; üzvlərinin sosial rifahını yaxşılaşdırmaq üçün real proqramlar həyata keçirirlər.

Bir çox Avropa ölkəsində işəgötürən həmkarlar ittifaqının mövqeyini nəzərə almadan ciddi qərar qəbul etməkdə çətinlik çəkir. Çünki həmin qurumlar doğrudan da işçilərin nümayəndəsidir.

Azərbaycanda isə...

Azərbaycanda minlərlə müəllim qanunsuz işdən çıxarıldığını iddia edir. Minlərlə insan əmək hüquqlarının pozulduğunu bildirir. Əməkhaqqı problemləri, ixtisarlar, qeyri-şəffaf qərarlar illərdir müzakirə olunur.

Bəs bu proseslərdə AHİK harada görünür?
Neçə dəfə müəllimlərin hüquqlarının müdafiəsi üçün ictimai mövqe ortaya qoyulub?
Neçə dəfə əməkhaqlarının artırılması ilə bağlı prinsipial təşəbbüs irəli sürülüb?
Neçə dəfə işdən çıxarılan müəllimlərin müdafiəsi üçün məhkəmələrdə hüquqi yardım göstərilib?

Cəmiyyət bu sualların cavabını görmür.

Araz Paşayev yüksək vəzifəyə seçildi | Valyuta.az

Elm və Təhsil İşçiləri Həmkarlar İttifaqı nə iş görür?
Ən çox üzvü olan təşkilatlardan biri məhz Elm və Təhsil İşçiləri Həmkarlar İttifaqıdır. Sdərdi də Araz Paşayevdir
Minlərlə müəllim hər ay üzvlük haqqı ödəyir. Ancaq həmin müəllimlərin böyük hissəsi öz təşkilatının hansı konkret problemlərini həll etdiyini göstərə bilmir. Bu gün sanatoriya göndərişləri ilə bağlı narazılıqlar geniş yayılır. Lakin təşkilat rəhbərliyindən problemin köklü həlli istiqamətində ciddi və ictimaiyyətə açıq fəaliyyət müşahidə olunmur. Əvəzində sosial şəbəkələrdə və mediada səslənən tənqidlərə qarşı təşkilatın fəaliyyətinin təriflənməsi diqqət çəkir.

Halbuki həmkarlar ittifaqının əsas vəzifəsi imic formalaşdırmaq deyil. Əsas vəzifə üzvlərinin hüquqlarını qorumaqdır.

Üzvlük haqqı hara xərclənir?

İllərlə müəllimlərin maaşından üzvlük haqları tutulur.
Bu vəsaitlər necə xərclənir? Neçə müəllim sanatoriyaya göndərilir?
Neçə nəfər hüquqi yardım alır?
Neçə işçi işinə bərpa olunur?
Neçə nəfərin əməkhaqqının artırılmasına nail olunur?
Bu statistika tam şəffaf şəkildə ictimaiyyətə təqdim edilməlidir.

Artıq cavab vermək vaxtıdır

AHİK və onun tabeliyində fəaliyyət göstərən qurumlar cəmiyyət qarşısında bu suallara cavab verməlidir:
Sanatoriya göndərişləri hansı meyarlarla bölüşdürülür?
Niyə minlərlə müraciət rədd edilir?
Elektron sistemin audit nəticələri varmı?
Üzvlük haqları necə xərclənir?
Müəllimlərin hüquqlarının müdafiəsi istiqamətində son illərdə hansı real nəticələr əldə olunub?

Həmkarlar ittifaqları yalnız üzvlük haqqı toplayan, bayram tədbirləri keçirən və hesabatlar hazırlayan quruma çevrilməməlidir. Onlar ilk növbədə işçinin səsi, hüququnun müdafiəçisi və sosial dayağı olmalıdır.

Əgər müəllim illərlə ödədiyi üzvlük haqqının müqabilində nə sanatoriya göndərişi ala bilir, nə hüquqi müdafiə görür, nə də əmək hüquqlarının qorunduğunu hiss edirsə, onda cəmiyyətin verdiyi ən sərt sual tamamilə haqlıdır: Azərbaycan Həmkarlar İttifaqları Konfederasiyası bu gün həqiqətən kimə xidmət edir və onun fəaliyyəti sadə əməkçiyə hansı real faydanı verir?

Zəruri qeyd!

AHİK - Azərbaycan Həmkarlar İttifaqları Konfederasiyasının rəhbəri Sahib Məmmədovdur. İddia olunur ki, AHİK qurum olaraq o zamankı Əmək və əhalinin sosial müdafisəi naziri, indi isə Maliyyə naziri Sahil Babayevin kurasiyasəına keçib. AHİK tabeliyində Sanatoriya-Kurort Elektron Rezervasiya Sisteminin yaradılmasına böyük pullar xərclənib, amma nəticəsi göz qarşısındadır. AHİK-in tabeliyində “Kurort” QSC fəaliyyət göstərir. Rəhbəri də Mingəçevirdə otellərdə çalışmış baş direktor Çingiz Hacıyevdir. İddia olunur ki, bu adamın işi gücü qurumda haqqını istəyən, müəyyən tələblər edən işçiləri işdən qovmaqdır. Kimsəyə məhəl qoymadan Sahib Məmmədovla birləşib bu sahəni sözün əsl mənasında reanimasiyada saxlamaqdır.

Elm və Təhsil İşçiləri Həmkarlar İttifaqının Təşkilat Sədri Araz Paşayevdir. Təhsil işçilərinin məhz bu problemlə bağlı məsələsini nə içtimailəşdirə, nə də kökündən həll edə bilir. Sadəcə görüntü yaratmaqla məşğuldular.

Göründüyü kimi AHİK sədri Sahib Məmmədov, “Kurort” QS-nin rəhbəri Çingiz Hacıyev, Sanatoriya-Kurort Elektron Rezervasiya Sistemi, Elm və Təhsil İşçiləri Həmkarlar İttifaqının sədri Araz Paşayev və diğırləri birləşib AHİK-i Səttar Möhbalıyev kimi idarə edirlər... Nə qədər davam edəcək, bax bu sual hələ də açıəq qalır.

Bizimesr.com
Ədil Hüseynov

Ərəfəsində olduğumuz dövlət müstəqilliyinin bərpasının 35-ci ildönümü həm də keçilən dövlətçilik yolunun hesabatını, təhlilini zəruri edir. Yəqin ki, bu kontekstdə böyük müzakirələrə, araşdırmalara lüzum da yoxdur. Əsas nəticə məlumdur: Tarixin ən qüdrətli Azərbaycanının yaradılması və Azərbaycanın ərazi bütövlüyünün təmini. Xalqımızın əsrlər boyu əsas amalı, hədəfi olan bu prioritetlər məhz son dönəmdə gerçəkləşib və istiqlalımızın şanlı göstəricisinə, rəmzinə çevrilib.

Müstəqil Azərbaycanın əldə etdiyi bütün uğurların təməlində Ulu Öndərin xilaskarlıq fəaliyyəti və Prezident İlham Əliyevin tarixin gərdişini dəyişdirən missiyası dayanır. Onların rəhbərliyi altında xaosdan sabitliyə, tənəzzüldən tərəqqiyə, məğlubiyyətdən zəfərə keçid prosesinin əsas icraçıları olan dövlət qurumlarının fəaliyyətini də vətəndaşlarımız təqdirlə qarşılayır.

Bu qurumlar sırasında olan və Azərbaycan dövlətçiliyinin əsas dayaqlarından biri sayılan hüquq-mühafizə sistemi öz tarixi inkişaf yolunda müxtəlif mərhələlərdən keçərək bu gün yüksək peşəkarlığa, müasir idarəetmə prinsiplərinə və güclü institusional potensiala malik struktura çevrilib. Bu sistemin mərkəzində dayanan əsas təsisatlardan biri də Daxili İşlər Nazirliyidir.

Daxili işlər orqanlarının fəaliyyətinin bu gün tamam olan 108-ci ildönümü tək bir qurumun tarixini deyil, həm də Azərbaycanın dövlətçilik salnaməsinin, təhlükəsizliyinin, ictimai sabitliyinin və müstəqilliyinin keşiyində dayanmış şərəfli xidmət yolunu ifadə edir. Azərbaycan polisi dövlət quruculuğu prosesinin, sabitliyin və milli təhlükəsizlik modelinin ayrılmaz hissəsinə çevrilib.

Daxili işlər orqanları yaradıldığı ilk dövrdə Azərbaycan Xalq Cümhuriyyətinin təhlükəsizliyini təmin etmək kimi mürəkkəb vəzifəni yerinə yetirirdi. Sovet dövründə isə sistem mərkəzləşdirilmiş idarəetmə çərçivəsində fəaliyyət göstərsə də, milli kadrların yetişməsi və hüquq-mühafizə ənənələrinin formalaşması baxımından mühüm mərhələ oldu.

Müstəqillik bərpa edildikdən sonra ötən əsrin 90-cı illərində ölkədəki qeyri-sabitlik, iqtisadi böhran və müharibə şəraiti cinayətkarlığın artmasına rəvac verdi. Məhz bu dövrdə Heydər Əliyev tərəfindən həyata keçirilən islahatlar hüquq-mühafizə sisteminin yenidən qurulmasına, sabitliyin bərpasına və polis strukturunun güclənməsinə təkan oldu.

Bu gün Azərbaycan Prezident İlham Əliyevin rəhbərliyi altında dünyanın ən sabit və təhlükəsiz ölkələrindən biri kimi tanınır. Xüsusilə son illərdə qlobal miqyasda baş verən geosiyasi gərginliklər, müharibələr, terror təhlükələri, miqrasiya böhranları və sosial kataklizmlər fonunda ölkəmizdə qorunan ictimai-siyasi sabitlik təsadüfi deyil. Bu sabitliyin təmin olunmasında dövlətin təhlükəsizlik institutları ilə yanaşı, daxili işlər orqanlarının da xüsusi rolu var. Polis orqanları Prezident İlham Əliyevin müəyyən etdiyi təhlükəsizlik siyasətinin həyata keçirilməsində etibarlı dayaqlardan biridir.

Dünyanın müxtəlif bölgələri müharibələrin, silahlı toqquşmaların, terror aktlarının və ictimai qarşıdurmaların təsiri altında qalarkən, Azərbaycan təhlükəsizlik və sabitlik adasına çevrilib. Ölkəmizin beynəlxalq tədbirlərə uğurla ev sahibliyi etməsi, milyonlarla turistin Azərbaycana rahat və təhlükəsiz şəkildə səfər etməsi, investorların ölkəmizə inam göstərməsi məhz möhkəm daxili sabitliyin nəticəsidir. Bu sabitliyin qorunmasında isə polis əməkdaşlarının gecə-gündüz, hava şəraitindən və zaman anlayışından asılı olmayaraq həyata keçirdikləri gərgin xidmət xüsusi əhəmiyyət daşıyır.

Müasir dövrdə daxili işlər orqanlarının fəaliyyətində əsas prioritetlərdən biri cinayətkarlığa qarşı sistemli və qabaqlayıcı mübarizədir. Azərbaycanın MDB və Şərqi Avropa məkanında cinayətlərin az baş verdiyi ölkələr qrupunda uzun illərdir öndə olması, statistik göstəricilərin davamlı olaraq yaxşılaşması bu istiqamətdəki fəaliyyətin artıq yalnız klassik üsullarla deyil, eyni zamanda rəqəmsal texnologiyalar və analitik yanaşma ilə aparılmasının göstəricisidir.

Xüsusilə kibercinayətkarlığa qarşı mübarizə sahəsində əldə olunan nəticələr diqqətəlayiqdir. İnformasiya texnologiyalarının sürətli inkişafı ilə paralel olaraq yeni təhlükə formalarının yaranması daxili işlər orqanlarını daha çevik, texnoloji əsaslı fəaliyyətə sövq edir və onlar bu işin də öhdəsindən layiqincə gəlirlər.

Daxili işlər orqanlarının tarixində ən şərəfli məqamlarından başlıcası isə əlbəttə ki, ərazi bütövlyünün təminindəki əzmkarlıq və qəhrəmanlıqlardır. Birinci Qarabağ müharibəsi zamanı polis əməkdaşları yalnız ictimai asayişi qorumaqla kifayətlənməyərək, birbaşa döyüş əməliyyatlarında iştirak edib, torpaqların müdafiəsində rəşadət göstəriblər. Şəxsi heyətin 932 əməkdaşı şəhid olmuş, 681 nəfər isə yaralanmışdı.

Bu ənənə İkinci Qarabağ müharibəsi dövründə də davam etdirildi. 44 günlük Vətən müharibəsində daxili işlər orqanlarının əməkdaşları həm ön, həm də arxa cəbhədə mühüm tarixi vəzifələri yerinə yetirdilər. Onlar yalnız düşmənə qarşı deyil, eyni zamanda daxili sabitliyin qorunması, təxribatların qarşısının alınması istiqamətində də fədakar fəaliyyət göstərdilər. 66 şəhid verən, 346 əməkdaşı yaralanan bu struktur 23 saatlıq antiterror tədbirlərində də yenə ön cərgədə idilər.

İtkilər, əlbəttə ki, bu mübarizənin acı, lakin şərəfli hissəsidir. Onu da nəzərə alaq ki, polis əməkdaşları təkcə müharibə meydanında deyil, həm də cinayətkarlığa qarşı mübarizə zamanı həyatlarını itirirlər. Şəhid olan və xidməti vəzifəsini yerinə yetirərkən həlak olan əməkdaşlar daxili işlər orqanlarının qəhrəmanlıq salnaməsinin ayrılmaz hissəsidir.

Post-müharibə dövründə daxili işlər orqanlarının qarşısında duran əsas vəzifələrdən biri azad olunmuş ərazilərdə təhlükəsizliyin təmin edilməsidir. Bu gün Qarabağ və Şərqi Zəngəzurda hüquq qaydasının bərpası, ictimai asayişin qorunması və normal həyatın təşkili istiqamətində şəxsi heyət aktiv fəaliyyət göstərir. Yeni infrastrukturun qurulması, əhalinin qayıdışı və iqtisadi fəaliyyətin bərpası fonunda təhlükəsizlik məsələləri xüsusi əhəmiyyət daşıyır. Bu baxımdan daxili işlər orqanlarının fəaliyyəti regionun dayanıqlı inkişafının əsas şərtlərindəndir.
Ətraflı

Polis xidmətinin ən mühüm xüsusiyyətlərindən biri onun fasiləsiz xarakter daşımasıdır. Minlərlə polis əməkdaşı ölkənin bütün şəhər və rayonlarında, ən ucqar yaşayış məntəqələrində belə gecə-gündüz fərq etmədən xidmət aparır, ictimai təhlükəsizliyin keşiyində dayanır. Vətəndaşların əksəriyyəti gündəlik həyatını rahat şəkildə davam etdirərkən, polis əməkdaşları cinayətkarlığa qarşı mübarizə aparır, hüquq qaydasını qoruyur, fövqəladə hallara operativ reaksiya verir və cəmiyyətin təhlükəsizliyini təmin edirlər. Bu, yalnız peşə borcu deyil, həm də mənəvi məsuliyyət kimi qəbul olunur. Bu xidmət yüksək peşəkarlıqla yanaşı, böyük fədakarlıq və məsuliyyət tələb edir.

Son illərdə polisə ictimai etimadın artması da təsadüfi deyil. Bunun ən mühüm göstəricilərindən biri daxili işlər orqanlarında xidmət etmək istəyən gənclərin sayının əhəmiyyətli dərəcədə artmasıdır. Əgər əvvəlki dövrlərdə polis peşəsinə daha çox iş yeri kimi baxılırdısa, bu gün gənclər onu dövlətə xidmət, nüfuz və məsuliyyət nümunəsi kimi qəbul edirlər. Polis Akademiyasına və daxili işlər orqanlarında xidmətə marağın yüksəlməsi cəmiyyətin bu struktura olan inamının və hörmətinin mühüm göstəricisidir. Gənc polis əməkdaşlarının hazırlanması, onların müasir bilik və bacarıqlarla təmin olunması xüsusi diqqət mərkəzindədir.

Peşə hazırlığı, etik davranış qaydaları, texnoloji biliklər və fiziki hazırlıq – bütün bunlar yeni nəsil polis əməkdaşlarının formalaşmasında əsas komponentlərdir. Bu, həm də daxili işlər orqanlarının daha effektiv və çevik fəaliyyət göstərməsinə zəmin yaradır.

Bütün uğurların əsasında isə son illərdə daxili işlər orqanlarında həyata keçirilən genişmiqyaslı islahatlar dayanır. Maddi-texniki bazanın gücləndirilməsi, rəqəmsal texnologiyaların tətbiqi, elektron xidmətlərin genişləndirilməsi, əməkdaşların sosial müdafiəsinin yaxşılaşdırılması, peşə hazırlığının müasir standartlara uyğunlaşdırılması və idarəetmədə çevikliyin artırılması polis fəaliyyətinin keyfiyyətcə yeni mərhələyə yüksəlməsinə səbəb olub. Bu gün Azərbaycan polisi təkcə cinayətkarlıqla mübarizə aparan struktur deyil, həm də dövlətin müasir idarəetmə modelinin uğurlu nümunələrindən biridir.

Son illərdə vətəndaş məmnunluğunun yüksəlməsi, müraciətlərin operativ araşdırılması və şəffaflığın təmin olunması daxili işlər orqanlarının cəmiyyətlə münasibətlərində yeni keyfiyyət mərhələsi formalaşdırıb.

Polis artıq yalnız hüquq-mühafizə orqanı kimi deyil, həm də vətəndaşın gündəlik həyatında güvəndiyi sosial institut kimi çıxış edir.

Bu gün polisə olan inamın artması, vətəndaş məmnunluğunun yüksəlməsi və xidmətin keyfiyyətinin yaxşılaşması bu qurumun cəmiyyətdəki mövqeyini daha da möhkəmləndirir. Müasir dövrdə hüquq-mühafizə orqanlarının fəaliyyətinin effektivliyi təkcə cinayətkarlığa qarşı mübarizə ilə deyil, həm də cəmiyyətlə qurduğu münasibətlərin səviyyəsi ilə ölçülür.

Bu baxımdan Daxili İşlər Nazirliyi yanında İctimai Şura polis-vətəndaş və polis-vətəndaş cəmiyyəti münasibətlərinin inkişafında mühüm səmərəli dialoq platformasına çevrilib. Şura ictimai nəzarətin həyata keçirilməsi, vətəndaş müraciətlərinin araşdırılması, monitorinqlərin aparılması, hüquqi maarifləndirmə tədbirlərinin təşkili və ictimai rəyin öyrənilməsi vasitəsilə cəmiyyətlə polis arasında qarşılıqlı etimadın daha da möhkəmlənməsinə xidmət edir.

Azərbaycan polisi zəfərin, dövlətçiliyimizin və ictimai sabitliyimizin gündəlik həyatdakı ən etibarlı təminatçılarından, istiqlalımızın polad dayaqlarından biridir. Daxili İşlər Nazirliyinin tarixi – qəhrəmanlıq, fədakarlıq və peşəkarlıqla əsaslanan şanlı salnamədir. Bu tarix həm də gələcəyə olan inamın, təhlükəsiz və sabit Azərbaycanın təminatının təməllərindəndir.

Azərbaycan polisi 35 illik müstəqilliyin əksərən görünməyən qəhrəmanlarıdır...

Onlar 108 ildir Azərbaycanın növbətçiləri, keşikçiləridir...

Onlar istiqlalın polad dayağı, dövlətçiliyin sipəri, sabitliyin qalxanı, xalqın təhlükəsizlik təminatıdır...

Onlar yatmayanda Azərbaycan rahat yatır...

Ən nəhayət, Polis - qəhrəmanlığın gündəlik adıdır...

Ölkədə minlərlə insan sosial yardıma, pensiyaya və məşğulluq proqramlarına ehtiyac duyduğu bir vaxtda, Əmək və Əhalinin Sosial Müdafiəsi Nazirliyi şöbə müdirinin müavinləri üçün yeni masa dəstləri sif

12 minlik tender atrıq udulub və bu pula şöbə müdirinin müavinləri üçün masa, paltar dolabı alınacaq. Tenderi "EMBAWOOD" MMC-yə veriblər.
Maraqlıdır, nazirliyin illərdir fəaliyyət göstərən inzibati binalarında istifadə oluna biləcək bir masa belə qalmayıbmı? Yoxsa hər yeni kabinet üçün dövlət büdcəsi hesabına yenidən mebel alınması artıq adi praktikaya çevrilib? Dövlət vəsaitinin xərclənməsində qənaət prinsipi harada qalıb?

Bizimesr.com

Goranboyda qadın göldə batıb.


Hadisə Səfikürd kəndi ərazisində qeydə alınıb.


Hadisə yerinə polis və prokurorluq orqanı əməkdaşları cəlb olunub. 53 yaşlı Sevda Nəbiyevanın meyiti göldən çıxarılıb.


Faktla bağlı Goranboy Rayon Prokurorluğunda araşdırma başlanılıb.

Azərbaycan Dövlət Neft və Sənaye Universiteti (ADNSU) və Azərbaycan Texniki Universiteti (AzTU) “Sabah City” MMC (VÖEN – 1703866631) ilə satınalma müqaviləsi bağlayıb.

Yeniavaz.com açıqlanan rəsmi məlumatlara istinadən bildirir ki, müqavilələr tender müsabiqəsi keçirilmədən, bir mənbədən satınalma metodu əsasında imzalanıb.

Bir il müddətində qüvvədə olacaq müqavilənin ümumi dəyəri 1 milyon 12 min 914 manat 77 qəpik təşkil edir. Bu məbləğin 544 min 779 manat 23 qəpiyini AzTU, 468 min 135 manat 54 qəpiyini isə ADNSU ödəyəcək. Müqavilələrin şərtlərinə görə, “Sabah City” MMC “SABAH.city” innovasiya şəhərciyi layihəsində qurulan infrastrukturdan ADNSU-ya 1 224,46 kv. metr, AzTU-ya isə 1 424,93 kv. metr ofis sahəsini icarəyə verəcək.

Bunlardan başqa, “Sabah City” MMC “SABAH.city” innovasiya şəhərciyi layihəsində qurulan infrastrukturdan ASAN Xidmətin tabeliyində fəaliyyət göstərən “İnnovasiyalar Mərkəzi” MMC-yə də bir il müddətinə 118,65 kv. metr sahə icarəyə verəcək və qarşılığında 47 min 42 manat 36 qəpik alacaq.
Qeyd edək ki, “SABAH.city” innovasiya şəhərciyi layihəsi özəl şirkətlərlə birgə Elm və Təhsil Nazirliyinin Yüksək Texnologiyalar Parkının bazasında yaradılıb.

Məlumat üçün bildirək ki, innovasiya şəhərciyinin idarəetməsini həyata keçirən “Sabah City” MMC 2024-cü ildən fəaliyyət göstərir. Nizamnamə kapitalı 7 milyon 170 min manat olan MMC-nin qanuni təmsilçisi Tağıyev Rəşad Şakir oğludur. Rəşad Tağıyev eyni zamanda “Landau School” Təhsil Kompleksi QSC-nin də (VÖEN – 1305468751) qanuni təmsilçisidir.

Rəşad Tağıyev sosial şəbəkə hesabında açıqladığı məlumatda eyni zamanda “Sabah.hub” şirkətinin həmtəsisçisi olduğunu qeyd edib. “Sabah.hub” şirkətinin baş icraçı direktoru isə xarici işlər naziri Ceyhun Bayramovun oğlu Rəhim Bayramlıdır. Rəhim Bayramlı eyni zamanda “Push 30” MMC-nin (VÖEN – 1306296231) və “Landau School”un həmtəsisçilərindən biridir.
Məlumat üçün onu da bildirək ki, “Landau School” 2018-ci ildə dövlət qeydiyyatına alınıb. Açıqlanan rəsmi məlumatlarda “Landau School”un həmtəsisçilərindən birinin də Emil Leznik olduğu bildirilir. Emil Leznik eyni zamanda “Landau School”un İdarə Heyətinin üzvüdür.

“Landau School”un təhsil üzrə direktoru olmuş Yefim Leznik isə uzun illər Bakının Xətai rayonu ərazisində fəaliyyət göstərən “Xabad Or-Avner” yəhudi məktəbinin direktoru olub. “Xabad Or-Avner” məktəbi 2003-cü ildən Bakı şəhərində fəaliyyət göstərir. Məktəbdə Azərbaycan vətəndaşları olan yəhudi uşaqları təhsil alırlar. 2016-cı ildə İsrailin Baş naziri Benyamin Netanyahu da Azərbaycana işgüzar səfəri çərçivəsində “Xabad Or-Avner” təhsil mərkəzində olub.

Yeniavaz.com

Zakir Nuriyev, onun ailə üzvü və “Rabitəbank”ın digər səhmdarlarının ötən il üzrə gəlirləri məlum olub.

Plat.az-ın əldə etdiyi məlumata görə, bank ötən ili 9,65 milyon manat mənfəətlə başa vurub.

Səhmdarların qərarı ilə xalis mənfəətin 4,5 milyon manatı dividend şəklində onlar arasında bölüşdürülüb. Xalis mənfəətin yarısından bir qədər çox hissəsi, yəni 4,74 mln. manatı isə bölüşdürülməmiş mənfəət kimi kapitala əlavə edilib. 2024-cü ilə nisbətən bank dividend siyasətinə kəskin dəyişiklik edib. Belə ki, 2024-cü ildə 10,61 mln. manatlıq xalis mənfəətin 9,7 mln. manatı dividendə yönəldilmişdi. Yəni, bank qazandığı mənfəətin demək olar hamısını səhmdarlara paylamışdı. 2025-ci il üzrə isə vəziyyət dəyişib. Bank dividend ödənişlərini bir ildə 53,6% azaldıb.

Nəticədə bankın əsas səhmdarı Rauf Əliyevin dividend gəlirləri ötən il 3,7 mln. manatdan 1,7 mln. manata enib. İllik itki 2 milyon manat olub. Validə Abbasovanın gəlirləri isə 1,8 mln. manat azalaraq 3,36 mln. manatdan 1,56 mln. manata enib.

Bankın daha məşhur səhmdarı və Müşahidə Şurasının sədri Zakir Nuriyevin dividend payı isə bir ildə 1,3 mln. manatdan 515,9 min manata enib. Onun ailə üzvü Dilarə Nuriyeva da 2024-cü ildəki kimi 882 min manat deyil, 409 min manat dividendlə kifayətlənməli olub.

Aslan Xasiyev isə ötən il bankda payını 4%-dən 6,03%-ə kimi artırsa da,bu dəfə dividend ödənişini artırmağa müvəffəq olmayıb. Onun payına düşən dividend 338 min manatdan 270,8 min manata enib.

Xatırladaq ki, "Rabitəbank" 1993-cü ildə yaradılıb. Onun nizamnamə kapitalı 101,3 milyon manatdır. Bankın səhmlərinin 38,6 %-i Rauf Əliyevə, 34,64 %-i Validə Abbasovaya, 11,48 %-I Zakir Nuriyevə, 9,11 %-i Dilarə Nuriyevaya, 0,14 %-i isə Rəqəmsal İnkişaf və Nəqliyyat Nazirliyinə məxsus təşkilatlara məxsusdur.

Plat.az

Biləcəri qəsəbəsi, Vidadi küçəsində aparılan tikinti işləri ilə bağlı redaksiyamıza daxil olan məlumatlar ciddi narahatlıq doğurur. İddialara görə, sözügedən obyekt yüksək gərginlikli elektrik xəttinin mühafizə zolağında inşa edilir. Əgər bu məlumatlar doğrudursa, burada təkcə qanun pozuntusundan deyil, həm də insanların həyat və sağlamlığı üçün real təhlükədən söhbət gedir.
Mediatvaz.com xəbər verir ki,ən ciddi məqamlardan biri isə işçilərlə bağlıdır. Bildirilir ki, tikintidə çalışan fəhlələrlə heç bir əmək müqaviləsi bağlanmayıb. Bu isə həm əmək qanunvericiliyinin kobud şəkildə pozulması, həm də dövlətə ödənilməli olan sosial ödənişlərdən yayınma əlaməti kimi qiymətləndirilə bilər. İşçilərin xüsusi geyim və təhlükəsizlik vasitələri ilə təminatının isə demək olar ki, sıfır səviyyəsində olduğu qeyd edilir. Sabah burada bədbəxt hadisə baş verərsə, məsuliyyəti kim daşıyacaq? Araşdırmalar zamanı Şəhərsalma və Tikinti Məcəlləsinin məlumat bazasında da sözügedən tikinti ilə bağlı hər hansı məlumata rast gəlinməyib. Bu fakt tikintinin qanuniliyinə dair şübhələri daha da artırır. Bütün bunların fonunda ən vacib sual ortaya çıxır: aidiyyəti qurumlar hara baxır?Ümid edirik ki, aidiyyəti dövlət qurumları məsələni dərhal araşdıracaq,yüksək gərginlikli elektrik xəttinin mühafizə zolağına düşüb-düşməməsi, tikinti üçün verilmiş icazələr, eləcə də əmək qanunvericiliyinin tələblərinə əməl olunub-olunmaması ilə bağlı məsələlərə aydınlıq gətiriləcək.


Mediatvaz.com

Ağstafa rayonunun Eynallı kəndində yaşayan şəhid anası Nabat Rzayeva uzun müddətdir həllini tapmayan problemlə bağlı yenidən müraciət edib.
Onun sözlərinə görə, qızı Həmayə Mustafayevanın yaşadığı ev bir neçə il əvvəl baş verən təbii fəlakət nəticəsində ciddi zərər görərək yararsız vəziyyətə düşüb və indiyədək bərpa olunmayıb.

Nabat Rzayeva Qaynarinfo-ya bildirib ki, qızının həyat yoldaşı I Qarabağ müharibəsinin veteranı olub və dünyasını dəyişib. Ailənin maddi imkanları məhdud olduğundan evin təmiri mümkün olmayıb.

Şəhid anasının sözlərinə görə, müraciətlərdən sonra aidiyyəti qurumlar tərəfindən evə baxış keçirilib və təmir işlərinin aparılacağı, bunun üçün lazımi tikinti materiallarının ayrılacağı ilə bağlı vədlər verilib. Lakin onun iddiasına görə, sonradan bu vədlər yerinə yetirilməyib və məsələ həll olunmadan qalıb.

Nabat Rzayeva qeyd edir ki, illər əvvəl Ağstafa Rayon İcra Hakimiyyətinə müraciət etsə də, ona qurumun imkanlarının məhdud olduğu bildirilib. O isə müraciətində yeni ev və ya əlavə imtiyaz tələb etmədiyini, sadəcə yaşayış üçün yararsız hala düşmüş evin təmir olunmasını xahiş etdiyini vurğulayır.

Şəhid anası bildirir ki, ötən müddət ərzində məsələ ilə bağlı real nəticə əldə olunmayıb və ailə eyni problemlə hələ də üz-üzədir. Onun sözlərinə görə, verilən cavab və vədlərin icra olunmaması narahatlıq doğurur.

O, bu səbəbdən yenidən yuxarı dövlət qurumlarına müraciət etdiyini bildirir və problemin həlli üçün kömək göstərilməsini xahiş edir.

Şəhid anasının iddiaları ilə bağlı Ağstafa Rayon İcra Hakimiyyətindən mövqe öyrənmək mümkün olmayıb.

Ağstafa Rayon İcra Hakimiyyətinin başçısı vəzifəsini Seymur Orucovdur. O, 2020-ci ildən rayona rəhbərlik edir.(Qaynarinfo)

Son zamanlar tikinti şirkətlərindən gələn şikayətlər artmaqdadır. Sosial şəbəkələrdə bir sıra şirkətlərin çıxarışı olan və olmayan evləri vətəndaşın razılığı olmadan sökdüklərinə dair iddialar yer alır.

Mövzu ilə bağlı Pravda.az-a açıqlama verən hüquqşünas Aysel Mustafayevanın sözlərinə görə, tikinti şirkəti çıxarışı (daşınmaz əmlak üzərində dövlət qeydiyyatından keçmiş mülkiyyət hüququnu təsdiq edən sənədi) olan evi mülkiyyətçinin razılığı olmadan sökə bilməz.

O qeyd edib ki, belə bir hərəkət Azərbaycan Respublikasının Konstitusiyasına və mülki qanunvericiliyə ziddir: “Azərbaycan Respublikası Konstitusiyasının 13-cü maddəsinə əsasən, Azərbaycan Respublikasında mülkiyyət toxunulmazdır və dövlət tərəfindən müdafiə olunur. 29-cu maddəsinə əsasən, hər kəsin mülkiyyət hüququ vardır. Mülkiyyət hüququ, o cümlədən xüsusi mülkiyyət hüququ qanunla qorunur. Heç kəs məhkəmə qərarı olmadan və qanunda nəzərdə tutulmuş hallar istisna olmaqla mülkiyyətindən məhrum edilə bilməz. Hər kəsin mülkiyyətində daşınar və daşınmaz əmlak ola bilər. Mülkiyyət hüququ mülkiyyətçinin təkbaşına və ya başqaları ilə birlikdə əmlaka sahib olmaq, əmlakdan istifadə etmək və onun barəsində sərəncam vermək hüquqlarından ibarətdir. Heç kəs məhkəmənin qərarı olmadan mülkiyyətindən məhrum edilə bilməz. Bundan əlavə, Azərbaycan Respublikası Mülki Məcəlləsinin 152.1-ci maddəsinə əsasən, mülkiyyət hüququ subyektin əmlaka öz istədiyi kimi sahib olmaq, ondan istifadə etmək və onun barəsində sərəncam vermək hüququdur. Həmin Məcəllənin 157.2-ci maddəsinə görə isə mülkiyyətçi özgəsinin qanunsuz müdaxiləsindən öz hüquqlarının müdafiəsini tələb etmək hüququna malikdir”.

Hüquqşünasın sözlərinə görə, tikinti layihəsinin həyata keçirilməsi üçün hər hansı yaşayış evi və ya torpaq sahəsinin alınması nəzərdə tutulursa, bu, yalnız qanunvericiliklə müəyyən edilmiş qaydalara əməl edilməklə mümkündür: “Praktikada bu, əsasən mülkiyyətçi ilə qarşılıqlı razılaşma əsasında alqı-satqının həyata keçirilməsi və ya dövlət ehtiyacları üçün özgəninkiləşdirmə haqqında qanunvericiliyin tələblərinə uyğun qərarın qəbul edilməsi ilə mümkündür. Sadəcə, tikinti şirkətinin həmin ərazidə layihə həyata keçirmək istəyi mülkiyyətçinin hüquqlarını aradan qaldırmır. Əgər tikinti şirkəti mülkiyyətçinin razılığı olmadan evi sökər və ya sökülməsinə cəhd göstərərsə, bu, mülki hüquqların kobud şəkildə pozulması hesab olunur və zərərçəkmiş şəxs məhkəməyə müraciət etməklə pozulmuş hüquqlarının bərpasını, vurulmuş maddi və mənəvi ziyanın ödənilməsini tələb edə bilər. Qeyd etmək lazımdır ki, vətəndaşın çıxarışla təsdiq edilmiş mülkiyyət hüququ tikinti şirkətinin iqtisadi maraqlarından üstün hüquqi müdafiəyə malikdir. Buna görə də heç bir tikinti şirkəti yalnız öz layihəsini əsas gətirərək mülkiyyətçinin razılığı olmadan onun evini sökmək səlahiyyətinə malik deyil. İlk növbədə, tikinti şirkəti mülkiyyətçi ilə danışıqlar aparmalı və əmlakın alınması barədə qarşılıqlı razılıq əldə edilməlidir. Mülkiyyətçi yeni tikilən binadan mənzilin verilməsi, mənzil təhvil verilənədək yaşayış üçün nəzərdə tutulan aylıq kirayə ödənişi və digər şərtlər barədə tələblərini bildirməli və tərəflər arasında bunula bağlı müvafiq mülki-hüquqi müqavilə bağlanmalıdır”.

A.Mustafayeva onu da vurğulayıb ki, dövlət qeydiyyatı (çıxarışı) olan əmlak toxunulmazdır: “Tikinti şirkətinin vətəndaşı məcburi şəkildə evindən çıxarması və ya evini sökməsi tamamilə qanunsuzdur. Hər hansı bir söküntü yalnız əmlak sahibinin könüllü rəsmi razılığı və ya müstəsna hallarda (məsələn, bina qəzalı olduqda) məhkəmənin qəti qərarı ilə həyata keçirilə bilər. Hətta çıxarışın olmaması da tikinti şirkətinə həmin evi özbaşına sökmək hüququ vermir. İlk növbədə, həmin tikilinin hüquqi statusu müəyyən edilməlidir. Belə ki, vətəndaşın çıxarışı olmasa da, onun torpaq üzərində qanuni istifadə hüququnu təsdiq edən sənədləri, orderi, icra hakimiyyəti tərəfindən verilmiş aktları, texniki pasportu və ya mülkiyyət hüququnun tanınması üçün əsas yaradan digər sənədləri mövcud ola bilər. Bu halda həmin şəxsin hüquqları məhkəmə qaydasında da müdafiə oluna bilər. Digər tərəfdən, əgər tikili tamamilə qanunsuz inşa olunub və onun üzərində heç bir hüquqi əsas mövcud deyilsə belə, tikinti şirkəti öz təşəbbüsü ilə həmin tikilini sökə bilməz. Tikilinin qanunsuz olub-olmamasına və sökülməsinə dair qərarın qəbul edilməsi yalnız qanunvericilikdə nəzərdə tutulmuş səlahiyyətli dövlət orqanlarının və zəruri hallarda məhkəmənin səlahiyyətinə aiddir. Buna görə də çıxarışın olmaması heç bir halda tikinti şirkətinə vətəndaşın evini birtərəfli qaydada sökmək səlahiyyəti vermir. Hər bir konkret hal tikilinin hüquqi statusu, mövcud sənədlər və qüvvədə olan qanunvericiliyin tələbləri nəzərə alınmaqla qiymətləndirilməlidir”.