Fövqəladə hallar naziri Kəmaləddin Heydərovun oğlu Tale Heydərova yalan vəd verərək onun böyük məbləğdə pulunu ələ keçirməkdə təqsirləndirilən İntiqam Səfərəliyevin barəsindəki cinayət işi üzrə növbəti məhkəmə baxış iclası olub.

Bakı Ağır Cinayətlər Məhkəməsində hakim Kamil Əliyevin sədrliyi ilə keçirilən iclasda zərərçəkən Tale Heydərovun müdafiəçisi müvəkkilinin hazırda ölkə hüdudlarından kənarda olduğunu əsas gətirərək onun prosesdə iştirak edə bilməyəcəyini və ibtidai istintaqa verdiyi ifadələrini təsdiq etdiyini deyib.

Təqsirləndirilənin vəkili isə buna cavab olaraq vurğulayıb ki, Tale Heydərovun zərərçəkən oldugunu və iş materiallarında qeydə alınmış səs yazılarının mövcudluğunu nəzərə alaraq onun iclaslarda iştirakını vacib sayıb.

Cavabdeh tərəfin vəkilinin vəsatəti təmin olunmayıb və bundan sonra T.Heydərovun ibtidai istintaqa verdiyi ifadəsi elan edilib. Onun ifadəsindən bəlli olub ki, İntiqam Səfərəliyevlə əvvəllər yaxın münasibəti olmayıb. Tərəflərin bir-birini tanıması Tale Heydərovun qardaşı Nicat Heydərovun vasitəsi ilə baş verib.

Onların arasındakı milyonluq pul mübahisəsi isə “Azersteel”in səhmlərinin alınması ilə bağlı olub. Buna görə qardaşların müxtəlif dövrlərdə İntiqam Səfərəliyevlə Abid Mamedova verdikləri pullar müxtəlif yollarla mənimsənilib.

Zərərçəkənin ifadəsi ilə bağlı yaranan sualları cavablandırmaq isə vaxt məhdüdiyyətindən iyulun 24-nə təyin edilmiş növbəti prosesə saxlanılıb. Qeyd edək ki, “AzFinance İnvestisiya Şirkəti”nin direktoru, məşhur maliyyəçi İntiqam Səfərəliyev xüsusilə külli miqdarda dələduzluqda ittiham olunur. Rəsmi ittihama görə, İ.Səfərəliyev T.Heydərova yalan vəd verərək onun bir milyon manatdan çox pulunu ələ keçirib.

Heydərovun şikayəti əsasında İ.Səfərəliyev barəsində həbs qətimkan tədbiri seçilib. Ona sanksiyasında 10 ildən 14 ilə kimi həbs cəzası olan – Cinayət Məcəlləsinin 178.4-cü (dələduzluq – xüsusilə külli miqdarda törədildikdə) maddəsi üzrə yekun ittiham verilib.

Onu da nəzərə çatdıraq ki, İntiqam Səfərəliyev 2019-cu ildən “AzFinance İnvestisiya Şirkəti”nin direktoru işləyib. 15 ildən çox idarəçilik və pul vəsaitlərinin idarə edilməsi təcrübəsinə malik iş adamı Heydərovlara aid olduğu deyilən “AFB Bank”ın Müşahidə Şurasının üzvü və başqa vəzifələrdə də çalışıb. Xatırladaq ki, ötən proseslərdə İ.Səfərəliyev barədə seçilmiş həbs qətimkan tədbiri ev dustaqlığı ilə əvəz olunub, o, iclas zalından azadlığa buraxılıb.

İttihamda İntiqam Səfərəliyevlə yanaşı adı keçən və dələduzluqda təqsirləndirilən Abid Mamedovun barəsindəki cinayət işi başqa icraatda araşdırılır. O, hazırda ölkə hüdudlarından kənarda olduğu üçün barəsində axtarış elan edilib.(Oxu.az)

Yerli idarəetmə orqanlarının əsas vəzifəsi vətəndaşın rifahını təmin etmək, rayonda sosial-iqtisadi inkişafa təkan vermək olduğu halda, Qubada tamamilə fərqli və acınacaqlı bir mənzərə hökm sürür

Poliqon sosial şəbəkələrdə yayılan məlumatlara əsasən xəbər verir ki, rayon sakinlərinin şikayətləri Quba Rayon İcra Hakimiyyətinin Sosial-iqtisadi inkişaf və proqnozlaşdırılması şöbəsinin müdiri Şahin İsrafilovun öz vəzifə səlahiyyətlərini şəxsi maraqlarına tabe etdirdiyini göstərir. Əslən Xaçmazdan olan bu məmurun Qubada yaratdığı dözülməz bürokratik maneələr və qeyri-qanuni tələblər artıq narazılığı pik həddə çatdırıb.
Qeyd edilir ki, Şahin İsrafilovun rəhbərlik etdiyi şöbə kağız üzərində "inkişaf və proqnozlaşdırma" ilə məşğul olsa da, reallıqda o, rayonun "qara kassası" funksiyasını yerinə yetirir. Tikinti sektorunu tamamilə nəzarətə götürən şöbə müdiri, rəsmi dövlət portallarını və qanunları heçə sayaraq öz şəxsi "tarif və rüsumlarını" tətbiq edir. Məlumatlara görə, rayonda baş qaldıran qanunsuzluqların miqyası belədir:

Fərdi yaşayış evləri: İddia olunur ki, sadə vətəndaşın öz torpağında başını soxmağa bir daxma tikməsi və layihənin təsdiqi üçün 2000 manat "haqq" tələb olunur.

Kommersiya obyektləri: İddiaya görə, sahibkarlığın inkişafına dəstək vermək əvəzinə, hər yeni tikilən obyektdən 10 000 manat rüşvət yığılır.

Rəqəmsal korrupsiya: Hətta dövlətin şəffaflıq üçün yaratdığı Şəhərsalma və Tikinti Portalı sisteminə daxil edilən layihələr belə bu məmurun maliyyə süzgəcindən keçməsə, təsdiqini tapa bilmir.

Bildirilir ki, korrupsiya şəbəkəsi təkcə fərdi tikintilərlə bitmir. Rayonun abadlaşdırılması və sosial layihələr üçün ayrılan dövlət vəsaitləri də bu talançılıqdan payını alır. İddialara görə, Qubada udulan tenderlərin düz 20%-i hələ işə başlanılmamışdan öncə birbaşa Şahin İsrafilova çatmalıdır. Bu isə o deməkdir ki, rayonda görülən işlərin keyfiyyəti kökündən kəsilir, dövlət büdcəsi talan edilir.

Maraqlıdır ki, İcra Hakimiyyətinin memarı Murad Qədirov bu iyerarxiyada sadəcə bir "imza funksiyası" yerinə yetirir. Şahin İsrafilovun "yaşıl işıq" yandırmadığı, "haqqı" ödənilməyən heç bir memarlıq layihəsi Murad Qədirov tərəfindən təsdiq edilə bilməz. Baş memar öz peşə prinsiplərini və qanunun tələblərini deyil, şöbə müdirinin korrupsioner tapşırıqlarını icra etməklə məşğuldur.

Məlumatda qeyd edilir ki, Şahin İsrafilovun bu qədər rahat və cəzasız hərəkət etməsinin arxasında rayon rəhbərliyinin ona olan sonsuz etibarı dayanır. Lakin gələn xəbərlər göstərir ki, İsrafilov bu güvəndən sui-istifadə edərək təkcə xalqı yox, öz rəhbərliyini də aldatmağı bacarır. Özünə yaxın və güvəndiyi şəxslər vasitəsilə topladığı külli miqdarda qeyri-qanuni vəsaitləri gizlətməklə, o, əslində rəhbərlikdən də oğurluq edir, özünə gizli maliyyə imperiyası qurur.

Poliqon.info

Sentyabrda Özbəkistanın Səmərqənd şəhərində keçiriləcək 46-cı Ümumdünya Şahmat Olimpiadasında iştirak edəcək Azərbaycan milli komandalarının heyəti müəyyənləşib.

“Qafqazinfo” xəbər verir ki, kişi şahmatçılardan ibarət milli komandaya Şəhriyar Məmmədyarov, Aydın Süleymanlı, Məhəmməd Muradlı, Rauf Məmmədov və Eltac Səfərli dəvət olunub. Kapitan kimi Teymur Rəcəbov seçilib.

Qadın şahmatçılardan ibarət milli komandada isə Ülviyyə Fətəliyeva, Gövhər Beydullayeva, Xanım Balacayeva, Günay Məmmədzadə və Gülnar Məmmədova medallar uğrunda mübarizə aparacaq. Kapitan Nicat Abasov olacaq. Tanınmış şahmatçı Qədir Hüseynov isə məşqçi kimi komandaya köməklik göstərəcək.

Hər iki komanda təlim-məşq toplanışına cəlb olunacaq. Şahmatçıların lövhələr üzrə mövqeyi yarış ərəfəsində açıqlanacaq.

Qeyd edək ki, Ümumdünya Şahmat Olimpiadası sentyabrın 15-dən 27-dək davam edəcək.

Ötən gün Bakının Nizami rayonundakı yanacaqdoldurma məntəqəsində baş verən qəzanın təfərrüatı məlum olub.
Qəzaya nəticəsində “KIA” markalı minik avtomobili yararsız hala düşən sürücü bu barədə “Xəzər TV”yə danışıb. O, hadisənin maşından düşdükdən sonra baş verdiyini və yük maşınının sürətinin çox olduğunu bildirib.
“Maşınımı yanacaqdoldurma məntəqəsinin qapısının qarşısında saxlamışdım. Gördüm ki, SOCAR-ın yanacaq daşıyan maşını yüksək sürətlə gəlir. O biri tərəfdən isə “Ford” markalı maşın gəlirdi. SOCAR-ın yük maşını “Ford”u sürüyərək gəlib mənim maşınımı da əzdi. Belə görünür ki, yeni maşın alınmalıdır, bundan maşın çıxmaz, indi bilmirəm zərərimi necə ödəyəcəklər, heç kəs məlumat verməyib”. (Xəzər TV)
Daha ətraflı videomaterialda:

Culfanın Yaycı kənd sakini, fermer Zabir Qurbanov iddia edir ki, rüşvət vermədiyi üçün əkin sahəsi qəsdən susuz saxlanılır.

Fermer deyib ki, bu problemlə hər il təkrar üzləşir.

Əkinçilik onun yeganə dolanışıq mənbəyidir. O, aidiyyəti qurumlardan məsələni araşdırmağı, iddialarına hüquqi qiymət verməyi və əkin sahəsinin su təminatını bərpa etməyi xahiş edir.(Bizimesr.com)

VİDEO LİNKDƏ: https://www.bizimesr.com/az/post/culfali-fermer-rusvet-vermediyim-ucun-ekin-sahem-susuz-qoyulur--video-22510

Bakının Nizami rayonunda uzun illərdir qanunsuz və eyni zamanda insanlar üçün böyük təhlükə yaradan tikintilər, eləcə də müxtəlif iaşə obyektlərinin fəaliyyəti davam edir. Rayona son 10 ildə təyin edilən bütün icra başçıları bu təhlükəni aradan qaldırmaq əvəzinə, onun daha da genişlənməsinə şərait yaradıblar.

Söhbət rayonun Qara Qarayev metrostansiyasının bir addımlığında yerləşən Şirin Mirzəyev küçəsindən gedir. Böyük və intensiv hərəkətin olduğu bu küçə boyunca uzanan yaşıllıq zolağının üzərindən yüksək gərginlikli elektrik xətti keçir. Bu isə o deməkdir ki, həmin ərazi yüksək gərginlikli elektrik xəttinin mühafizə zonası hesab olunur və burada hər hansı tikinti və ya obyektin inşasına qanunvericiliklə yol verilə bilməz. Gələcəkdə yarana biləcək təhlükələri nəzərə alan məsuliyyətli sahibkar bu ərazidə hər hansı iş görməz. Lakin bütün bunlara baxmayaraq, illərdir yüksək gərginlikli elektrik xəttinin düz altında, yaşıllıq zolağı boyunca onlarla çay evi və digər iaşə obyektinin fəaliyyət göstərir. Hər gün yüzlərlə insan yüksək gərginlikli elektrik xəttinin altında oturaraq həyatını təhlükəyə atır.

Hazırkı Nizami Rayon İcra Hakimiyyətinin başçısı Coşqun Cəbrayılov da diğırləri kimi bu problemi görmək istəmir. Eyni zamanda, yüksək gərginlikli elektrik xətlərinə nəzarət edən aidiyyəti dövlət qurumlarının da bu vəziyyətə göz yumduğu bəlli məsələdir.

Bütün bunların fonunda isə artıq Şirin Mirzəyev 151 ünvanında, Nizami telefon qovşağının 5 addımlığında tamamilə yüksək gərginlikli elektrik xəttinin altında çoxmərtəbəli yaşayış binasının tikintisinə başlanıb və işlər sürətlə davam edir. Hazırkı mənzərə onu göstərir ki, bina bu ərazidə birmənalı olaraq inşa edilir. Bir daha təkrar editrik, tikinti yüksəkgərginlikli elektrik xəttinin düz altında inşa edilir. Hələ ərazidə məhv edilən ağaclar da öz yerində...

Bu isə tikinti icazəsi ilə bağlı olduqca ciddi suallar yaradır. Belə bir tikintiyə kim icazə verib? Hansı əsaslarla bu layihə razılaşdırılıb? Tikinti təhlükəsizlik normalarına və qüvvədə olan qanunvericiliyin tələblərinə necə əsaslandırılıb?

Eyni zamanda, Fövqəladə Hallar Nazirliyinin və yüksək gərginlikli elektrik xətlərinin istismarı və təhlükəsizliyinə cavabdeh qurum olan "Azərenerji" ASC-nin bu tikinti ilə bağlı mövqeyi nədir? Onlar bu tikintiyə necə razılaşıblar: "Azərenerji" ASC-nin sədri Baba Rzayev bu tikintiyə necə icazə verildiyini və yüksək gərginlikli elektrik xəttinin altında aparılan işlərə münasibətini ictimaiyyətə açıqlayacaqmı?

Məsələ ilə bağlı adı çəkilən dövlət qurumlarının və Nizami Rayon İcra Hakimiyyətinin mövqeyi öyrənilməyə çalışılacaq.

Qarşı tərəfin cavab vermək və öz mövqeyini bildirmək hüququ qorunur.

Bizimesr.com

Ötən gün Salyan Peşə Liseyinə yeni direktor təyin olunan Arzu Əliyevanın kollektivə təqdimat mərasimi peşə təhsili ictimaiyyətində maraqlı müzakirələrə səbəb olub.
Bizimesr.com bildirir ki, Peşə Təhsili üzrə Dövlət Agentliyinin yaydığı məlumata əsasən, təqdimat mərasimində şəxsən Agentliyin direktoru İlqar Bayramlı, direktor müavini Simnar Mamedov, İnsan resursları və hüquq sektoru müdiri Murad Məmmədov, eləcə də sektorun daha bir xanım əməkdaşı iştirak ediblər. Yəni, bir liseyin direktorunu kollektivə təqdim etmək üçün Agentliyin 4 rəsmi şəxsi Salyana yollanıb.
Adətən təhsil müəssisələrinə rəhbər təyinatlarında yeni direktor kollektivə nazirliyin, regional idarənin və ya agentliyin bir nümayəndəsi tərəfindən təqdim olunur. Bu baxımdan, Salyan Peşə Liseyində Agentlik rəhbərliyinin yüksək səviyyədə təmsil olunması olduqca diqqət çəkib. Nə baş verib və təqdimatın bu formatda edilməsində hansı görünməz səbəblər mövcuddur?
Müzakirələrə səbəb olan digər məsələ isə Agentliyin yaydığı rəsmi məlumatda yer alan məqamlardır. Bildirilir ki, Agentliyin direktoru İlqar Bayramlı liseyin maddi-texniki bazası ilə tanış olub, tədris auditoriyalarına baxış keçirib və tədrisin təşkili prosesi ilə maraqlanıb. Məhz bu hissə sosial şəbəkələrdə də geniş müzakirə olunub. "Hansı maddi-texniki baza ilə? Peşə Liseyinin həyətindəki cürümüş, paşlanmış, zibilliyə çevirilmiş avtomobillərəmi, yoxsa döşəməsindən ilanlar, həşəratlar keçən sinif otaqlarınamı, yoxsa damı qırıq-qırış siferlərlə örtülmüş lisey binasınamı, sovetlər dövründən qalan, tamamilə yararsız, texniki vasitələrəmi? Hardadır o maddi texniki baza?" deyə suallar ünvanlanıb.

İctimai müzakirələrdə yeni direktor Arzu Əliyevanın peşə təhsili sahəsində heç bir təcrübəsinin olmaması da maraqla qarşılanıb. Bununla yanaşı, Agentlik rəhbərliyinin tam tərkibdə təqdimat mərasimində iştirak etməsi və liseydə geniş tanışlıq proqramı keçirməsi bu təyinatın digər direktor təyinatlarından nə ilə fərqləndiyi barədə müzakirələri artırıb.

Qeyd edək ki, Peşə Təhsili üzrə Dövlət Agentliyində direktor da daxil olmaqla cəmi 15 əməkdaş çalışır. Yəni, kifayət qədər kiçik kollektivlə fəaliyyət göstərirlər. Bəzən edilən müraciətlərə vaxtında cavab verilməməsi kollektivin azlığı və iş yükünün çoxluğu ilə izah olunur. Lakin maddi-texniki bazası demək olar ki, olmayan bir liseyin direktorunun təqdimatına 4 rəhbər şəxslə qatılmaq ciddi suallar doğurur. Kimdir Arzu Əliyeva? Digər direktor namizədlərindən hansı xüsusiyyətləri ilə fərqlənir? İlqar Bayramlı nə üçün digər direktorların təqdimatlarında bu tərkibdə iştirak etmir?
Zəruri qeyd: Maraqlıdır ki, Salyan Peşə Liseyinin əvvəlki direktoru hansı səbəblərlə vəzifəsindən azad edilib və Agentlik rəhbərliyi bu barədə niyə açıqlama verməyib?

Bizimesr.com

Azərbaycanda iyulun 11-də 38 dərəcə isti olacaq.

Bu barədə Milli Hidrometeorologiya Xidməti məlumat yayıb.

Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Mülayim şimal-qərb küləyi əsəcək.

Havanın temperaturu gecə 20-24° isti, gündüz 31-36° isti olacaq. Atmosfer təzyiqi 759 mm civə sütunu təşkil edəcək. Nisbi rütubət gecə 75-80 %, gündüz 50-60 % olacaq.

Azərbaycanın rayonlarında havanın əsasən yağmursuz keçəcəyi, lakin gündüzdən bəzi dağlıq ərazilərdə arabir yağış yağacağı gözlənilir. Ayrı-ayrı yerlərdə qısamüddətli intensiv olacağı, şimşək çaxacağı, dolu düşəcəyi ehtimalı var. Gecə və səhər bəzi dağlıq ərazilərdə duman. Mülayim şərq küləyi əsəcək.

Havanın temperaturu gecə 20-25° isti, gündüz 33-38° isti, dağlarda gecə 11-16° isti, gündüz 20-25°, bəzi yerlərdə 28-30° isti olacaq.

Paytaxtın Qaradağ rayonunda ucalan nəhəng yaşayış kompleksi, bu gün adi tikinti layihəsi yox, açıq-aşkar maraqlar toqquşmasının, böyük pul vəsaitlərinin əriyib yoxa çıxdığı əraziyə çevrilib. 80-90 milyon manatlıq vəsait üzərindən gedən bu savaş, artıq məhkəmə müstəvisinə çıxıb. Kompleksdə satışlara qadağa qoyulub, İcra orqanları işə qarışıb. Amma əsas sual dəyişməz qalır. Bu nəhəng layihədə Arzu Kazımov hamını aldadıb?

“15 milyon qoymuşam” iddiası.

Hadisələrin mərkəzində dayanan şəxs Arzu Kazımov düz 12 il “qəpiyə güllə atmaq”la, tikintini davam etdirəcəyi günün xiffətini çəkib. Qaradağ rayonu, Lökbatan qəsəbəində polis idarəsinin yaxınlığında yerləşən kompleksin özülü 14 il əvvəl tökülüb. Elə həmin dövrdə də, Arzu Kazımovun adı keçən qalmaqallı cinayət işi – ABU rektoru Elşad Abdullayevin qardaşı Mahir Abdullayevin oğurlanmasına qarışıb. Az sonra Arzu Kazımov bu işə görə CM-nin 178-ci (dələduzluq) maddəsi ilə həbs olunub və tikinti o gündən düz 12 il yarımçıq qalıb.

Və illər sonra, 2022-ci ildə Arzu Kazımov uzun illər axtardığı şərik tapıb və inandırıb ki, layihəni gerçəkləşdirsə, ona böyük pay verəcək. Belə də olub, Vergi xidmətinin hüquqi şəxslərin qeydiyyatı idarəsinin reysterində müvafiq olaraq 71.2% pay şərikin adına sənədləşdirilməklə, şərikin maliyyəsi hesabına sürətli tikinti işləri başlanıb. Arzu Kazımov tikinti işləri başlamadan ora böyük maliyyə vəsaiti qoyacağı vədini versə də, sonradan vəsait qoyuluşunu uzun müddət yubadıb. Tikilməkdə olan kompleksdən mənzilləri və qeyri-yaşayış sahələrini satmaqla vəsait əldə etsə də, bu məbləğləri ortaya qoymaqdan da yayınıb.

Günlərin birində isə şəriklərinə deyir ki, guya yüksək vəzifələrdə çalışmış şəxslər – daxili işlər nazirinin sabiq müavini Oruc Zalov, Prezidentin mühafizə xidmətinin növbə rəisi Səftər Hacıyev və Sabunçu Rayon Polis İdarəsinin keçmiş rəisi Toğrul Rəhimovdan 15 milyon manat vəsait alıb və bu pulları tikintiyə yatırıb.

Maraqlıdır ki, Arzu Kazımov iddia edir ki, bu pullar guya adıçəkilən şəxslərdən yüksək – aylıq 20 faizlə alınıb, lakin həmin məbləği MTK kassasına mədaxil etməyib. Buna baxmayaraq kassadan hər ay “faiz ödənişi” adı ilə külli miqdarda vəsaitləri çıxarıb.

Eyni zamanda bildirilir ki, 5 sentyabr 2013-cü il tarixi olan məktubda Servis + MTK-nın Mənzil Fonduna veriləcək mənzil qalıq qalıq borcu, 2 min 356 kv.m olub və bu borc bu günə qədər ödənilməmişdir. Ancaq, 2024-cü ilin mart ayında Arzu Kazımov Servis+ MTK-nın kassasından 847 min manat vəsaiti məxaric sənədləri əsasında şəxsən götürməklə Mənzil Fonduna verəcəyini bildirib. Lakin Mənzil Fonduna bir manat belə ödəməyib və bu məbləğ faktiki olaraq mənimsənilib. Arzu Kazımov MTK kassasından 100 min manat vəsaiti də götürərək dostu, YAP Xaçmaz Təşkilatının sədri Məhəmməd Balaqadaşova verdiyini, sonuncu həmin məbləği guya “Şəhərsalma”ya aparıb verəcəyini iddia edib.

Prosesə yaxın mənbələr iddia edir ki, tikintinin real maliyyə yükünü məhz əsas şərik Nazim Tahirov daşıyıb. Yəni bina başqalarının pulu ilə qalxıb, sona yaxın isə Arzu Kazımov sahiblik iddiasını ortaya qoymaqla qalmaqal yaradıb.

Şərikləri tikintidən uzaqlaşdırıb və nəvəsi Kamal Məmmədovu MTK sədri elan edib. Bundan sonra nəvəsi Kamalın əmri ilə özünü MTK-da layihə rəhbəri elan etməklə, tikintisi başa çatmaqda olan kompleksə rəhbərliyə girişib. Şərikləri ilə 71,2 faizlik müqaviləni qüvvədən salmaq üçün ən müxtəlif instansiyalara müraciətlər ünvanlamaqla, prosesi xeyrinə çevirməyi düşünür.

Arzu Kazımovun davranış trayektoriyası artıq klassik dələduzluq sxemi kimi görünür.

Tikinti sürətləndirilir, satışlar başlayır və pul axını formalaşır. Elə bu məqamda, dövriyyəyə girən Arzu Kazımov şərikləri sıradan çıxarmaqla 80 milyonluq tikintiyə təkbaşına sahiblik xülyasını gerçək etməyə girişir.

Lökbatandakı 80 milyonluq layihədə milyonlarla manatlıq iş görülüb, amma ödəniş ya gecikdirilib, ya da ümumiyyətlə verilməyib.

Layihədə keçirilən audit rəyləri niyə ləğv olunur?

Ən təhlükəli detal isə maliyyə, nəzarəti ilə bağlıdır. Kompleksdə, şəriklər tərəfindən audit aparılması üçün müqavilə bağlanılıb və nəticədə audit aparılarkən 4 həftə ərzində auditin aparılması üçün heç bir şərait yaradılmayıb, onları təhqir edərək, söyüş söyərək, dava-dalaş edərək, auditlərin öz işlərini aparmasına imkan verməmişdir və onları təhqir edərək oradan qovmuşdur. Belə bir gərgin şəraitdə auditlər isə orada işləyə bilməmiş, və əldə etdikləri materiallarla öz ofislərindən işləmişlər. Bundan sonra bir ay fasilə ilə A.Kazımov 2 dəfə audit dəvət eləmiş, və özünün diqtəsi ilə verdiyi yalan məlumatlar əsasında heç bir araşdırma aparmadan, audit aparılmışdır. Hər iki audit rəyinin nəticəsi də Auditorlar Palatası tərəfindən keyfiyyətsiz və əsaassız hesab edilmiş və hər iki audit rəyinin nəticələri də ləğv edilmişdir. Bu, sənəd üzərində aparılan manipulyasiyanın göstəricisidir. Çünki audit ya düzgün olur, ya da olmur.

Amma iki dəfə aparılıb, iki dəfə də nəticə “yoxa çıxıbsa” burada artıq təsadüfdən danışmaq sadəlövhlükdür.

Bu qalmaqallı layihə ətrafında açıq qalan suallar isə kifayət qədər çoxdur.

Hazırda şərik və podratçılar ölkə rəhbərliyinə, hüquq-mühafizə orqanlarının rəhbərlərinə, Qaradağ Rayon Prokurorluğuna müraciətlər ünvanlayıblar.

Əldə etdiyimiz məlumata görə həmin kompleksdə satışın qadağa olmasına baxmayaraq Arzu Kazımov məhkəmənin qərarına məhəl qoymayaraq satışlar həyara keçirir və hətta bir mənzili bir neçə nəfərə satmaqla əlində külli miqadarda vəsait əldə edərək ölkədən qaçmaq istəyir. Əldə etdiyi qanunsuz pul vəsaitlərini ölkədən çıxarmaq üçün, çirkli pulların yuyulması ilə məşğul olan iran vətəndaşı olan “doktor” ləqəbli şəxsdən dəstək alır.

Bu müddətdə özünə vaxt və pul vəsaiti qazanmaq üçün şəriki olan Nazim Tahirova qarşı saxta şikayətlərlə şanlı Azərbaycan Polisini öz əməllərinə alət etmək istəyir. Özünü Daxili İşlər Naziri cənab Vilayət Eyvazova yaxın şəxs kimi təqdim edir, lakin bütün araşdırmalarda şikayətlərinin tam əsassız olduğu və bu şikayətlərin şər-böhtan olduğu müəyyən edilir. Əxlaqsız əməlləri bunula kifayətlənmir, hətta yanında işləyən nəvəsi yaşında işləyən xanım əməkdaşlara eşq təklifləri edir, bununla razılaşmayan əməkdaşları müxtəlif üsullarla şərləyərək işdən azad edir. Öz cinayət əməllərinə nəvələri Murad və Kamalı, sürücüsü Zöhrabı qoşaraq küllü miqdarda yeyintilər edərək, şirkətə məxsus mənzillərin və digər aktivlərin satılaraq məhv edilməsinə şərait yaradır. Yaşları 20-22 olan Murad və Kamal “oliqarx həyatı yaşayır”, dəyəri milyon manatlarla ölçülən avtomobillər idarə edir,lyuks həyatlarını xarici ölkələrdə istirahətlərlə davam etdirirlər.

Arzu Kazımovun qanunsuz əməlləri barədə ölkə başçısı Prezident cənab İlham Əliyevə, birinci vitse-prezident Mehriban xanım Əliyevaya, Baş Prokuror Kamran Əliyevə, Dövlət Təhlükəsizlik Xidmətinin rəisi Əli Nağıyevə, Daxili İşlər Naziri Vilayət Eyvazova və Ədliyyə Naziri Fərid Əhmədova bu cinayətkar dəstənin ifşa olunması üçün artıq müraciətlər ünvanlanmışdır. Aldığı mənzillər təhlükə altında olan vətəndaşlar kimi bizdə məsləni diqqətdə saxlayacayıq.(aktualinfo.net)

Turan Mirzaliyev

Bakının Tbilisi prospektində yerləşən “Bravo” hipermarketinin daxilində fəaliyyət göstərən McDonald’s filialında yaranmış vəziyyət müştərilərin narazılığına səbəb olub.

Restoranda ciddi təmizlik problemi mövcuddur. Zalda döşəmə və masalar çirkli vəziyyətdədir, bəzi ərazilərdə natəmizlik və xoşagəlməz qoxu müşahidə edilir.

Müştərilər bildirirlər ki, masaların təmizlənməsinə lazımi diqqət göstərilmir, xırda həşəratların olması isə vəziyyəti daha da narahatedici edir.

Beynəlxalq səviyyədə tanınan bir brendin filialında belə mənzərənin yaranması qəbuledilməzdir. Gigiyena qaydalarına əməl olunmaması həm müştəri məmnuniyyətinə mənfi təsir göstərir, həm də qida təhlükəsizliyi ilə bağlı ciddi suallar yaradır.

VİDEO LİNKDƏ: https://xalq.online/bravo-hipermarketindeki-mcdonald-s-da-biabirciliq-video