SOCAR-ın zavodundan 12 ton benzin oğurlanıb: Həbs olunanlar var - TƏFƏRRÜAT
Azərbaycan Respublikasının Dövlət Neft Şirkətinin (SOCAR) Heydər Əliyev adına Neft Emalı Zavoduna məxsus 12,575 ton A-95 markalı benzin oğurlanıb.
Xitab24.az-ın əldə etdiyi məlumata görə, bu cinayət əməlinə görə üç nəfər məsuliyyətə cəlb olunub.
Əvvəllər də məhkum olunmuş şəxslərin törətdiyi cinayət nəticəsində zavoda ümumilikdə 24.458,62 manat xiyan dəyib.
Məlum olub ki, cinayətkarlar 95 markalı benzin yanacağının nəqli üçün nəzərdə tutulmuş neft kəmərinin kompleks hissəsi olan 200 mm-lik diametrli boruya müdaxilə ediblər. Borunu deşərək 20 metr uzunluğunda plastik boru çəkən şəxslər, kran bağlayaraq hissə-hissə benzini oğurlayıblar.
Ötən ilin fevralında törədilən bu işə görə saxlanılan cinayətkar qruplaşma üzvlərinin bir neçə gün öncə məhkəmə prosesi başa çatıb. Nizami Rayon Məhkəməsinin hökmünə əsasən, təqsirləndirilənlərdən biri 3 il 5 ay, digər ikisi isə 2 il 9 ay müddətinə azadlıqdan məhrum edilib.
Xitab24.az
Bunu da oxu
Oxşar xəbərlər
Hamısı ›
Səhiyyə Nazirliyinin Analitik Ekspertiza Mərkəzi güclüdür, yoxsa “Leyla Medical Center”in “başında turp əkən” Sevda Kurbanova?:
Ümummilli Lider Heydər Əliyevin anadan olmasının 103-cü ildönümüdür
Prezident bir sıra məhkəmələrə sədr təyin edib
Tikinti şirkəti 1 milyonluq əmlakı sahibinə vermir - “İnter” MMC-yə dair məhkəmə aktları niyə icra olunmur? (ARAŞDIRMA)
Hakim Elnur Nuriyev dələduzu azad etdi, təkrar cinayət törətdi – İnam Kərimova MÜRACİƏT